Nwang’ bero lee i cal

Girasoma mwa upong’ ku cal ma ponjowa ku lembe ma pigi tek. Icopo timo ang’o pi ninwang’u bero lee i jamtic maenogi?

• Lar inen cal i wang’ nisomo thiwiwec. Cal m’ineno romo telo nen peri lee man romo miyo iri ava mi somo thiwiwec, tap calu ma nineno cam moko ma mit copo miyo ava mi camu camne i kumi. Pieno i wang’ nisomo thiwiwec, penjiri kumae: ‘Abeneno ang’o eni?’—Amo. 7:7, 8.

• Woth paru pi thelembe m’uketho jung’iyo cal ma jutiyo ko. Som wec m’i kum calne kunoke wec ma jukoro ko iye, kan utie. Say ninyang’ i winjiri m’utie i kind cal ku lembe ma jubeweco i wiye, man i kite m’icopo tiyo ko ku ponji m’inwang’u i calne.

• Kinde m’idaru somo piny, tii ku cal pi nidwogo iwi paru ma pigi tek m’i thiwiwec m’iai isomo. Pim niparu pi calne ku wii man pi ponji m’inwang’u i calman.

• Ineno nenedi kan idwogo iwi cal ma jutiyo ko i Otkur ma Wiw maeni man ineno ka nyo icopo poy i kum ponji m’inwang’u i igi?