Icopo diko cingi kara anyong’a ubed i ot mwu

Yehova ubemito juruot gibed ku mutoro. (Zb. 127:3-5; Ek 9:9; 11:9) Ento saa moko adieng’a mi ng’om maeni man kosa ma jumoko m’i kind juruot ubetimo copo daru anyong’a m’i ot. Dong’ ng’atuman m’i kind juruot copo timo ang’o pi niketho anyong’a ubed unuti?

Mito nico umii yung ni dhaku pare. (1Pe 3:7) Ebed enwang’ saa mi nambu karacelo kude. Ukwayu ngo i lembe pare ubed tek yor i bang’ dhaku; mito ebed efoye pi gin m’ebetimo ire man ni juruot. (Kl 3:15) Enyuth ire mer man epake.​—Rie 31:28, 31.

Dhaku ucikere niyenyo yo mi konyo kor cware. (Rie 31:12) Enyuth woro ma thuc ni cware man edik cinge kude. (Kl 3:18) Mito ewec i bang’e ku mer man eyer nyinge ma mit.​—Rie 31:26.

Ukwayu junyodo gibed ginwang’ saa mi bedo karacelo kud awiya migi. (Pc 6:6, 7) Giyer ni awiya migi nia gimarugi. (Mt 3:17) Ka gibemiyo igi twiny, kwayu ebed ku mer man ng’iyo i lembe.​—Ef 6:4.

Awiya gicikiri niyungo junyodo migi man niworogi. (Rie 23:22) Mito gibed gikor paru migi man kite ma gibewinjiri ko ni junyodo. Gijol twiny ma junyodo ubemiyo igi man ginyuth igi woro.​—Rie 19:20.

NEN VIDEO MA THIWIYE TIE WUCEG ANYONG’A I OT MWU, MAN I NG’EYE DWOK WANG’ PENJI M’ULUBO E:

• Ng’atuman m’i kind juruot maeni utimo ang’o pi nicego anyong’a i ot?