Paru Moko Ma Romo Konyi Pi Ponji

Lembe ma pigi tek nisagu m’ukwayu ilar iponji

Wan ceke watie ku saa nyanok pi ponji mwa ma segi. Wacopo tiyo cuu ku saane nenedi? Ku kwong’a, bed iting’ saa m’ulwar pi nisomo piny. Ibinwang’u bero lee tek iponjo piny ma nyanok mii, kakare niponjo piny lee nyamalu malu.

I ng’eye, pang lembe moko ma pigi tek m’ilar ibed icaki ko. (Efe. 5:15, 16) Paru moko ma bikonyi ni e:

• Bed isom Biblia kubang’ ceng’. (Zab. 1:2) Iromo caku ku program mi som mi Biblia mi coko mi Kwo man tic mwa mi Jukristu.

• Bed iyik ponji mi Otkur ma Wiw man coko mi Kwo man tic mwa mi Jukristu. Bed iyik bende dwokowang’ penji.​—Zab. 22:22.

• Tek saa nuti, bed isom man inen piny mange ma nyen m’uwok, calu ve gazeti mi dhanu ceke, video, man piny mange ma wok i jw.org.

• Bed isay thiwiwec ma nyeng’i. Iromo timo sayusac iwi peko moko m’ibenweng’iri ko, iwi penji moko m’itie ko, kunoke paru moko mi Biblia m’imito inyang’ lee i iye. Pi ninwang’u paru moko, som thenge m’uwacu: “Explore la Bible!” i jw.org.