Rwey lembanyong’a nia ng’om ma ber m’usagu zoo udhingo ceng’ini!

I dwi mir 11, wabitimo kero ma segi pi nirweyo lembanyong’a nia ng’om ma nyen ni ceng’ini. (Zb 37:10, 11; Rie 21:3-5) Yik i program peri kara idikiri lee i kampany maeno ma segi. Kan imaru nitimo calu jayab yoo ma jakony i dwi maeno, icopo ng’iyo nidwoko saa 30 kunoke 50 m’ukwayere.

Yikiri pi niweco ku dhanu dupa ma nwang’u ibetiyo ku giragora m’uweco iwi ng’om ma nyen. Kinde m’ibelondo giragora m’ibitiyo ko, par pi lembe ma copo telo nen mi dhanu m’i kabedo m’irweyo lembanyong’a i ie. Tekene jawinj moko unyutho nen ma ber i rombo ma kwong’a, mii ire Otkur ma Wiw ma pi dhanu ceke, No. 2, 2021. I ng’eye, kud igal nidok liewe, man cak kude ponji mi Biblia, ku nyathibuku Icopo kwo kud anyong’a rondo ku rondo! Etie iwa anyong’a ma yawe mbe nidikara lee i tic mi rweyo “rwonglembe ma ber mi gin ma ber.”​—Is 52:7.

KETH JUNEN VIDEO MI WER MA THIWIYE TIE NG’OM MA NYEN M’UBEBINO, MAN DWOK WANG’ PENJI M’ULUBO E:

• Nyathin ma nyaku ubeparu pi lembang’o ma ber mi nindo m’ubino?

• Lembe moko ma kani ma ibekuro kud ava ma bitimere i ng’om ma nyen?

• Nibenyamu i lembe iwi genogen ma itie ko copo konyi nenedi niyikiri kara idikiri cuu i kampany ma bitimere i dwi mir 11?​—Lk 6:45