Tii ku buku Icopo kwo kud anyong’a rondo ku rondo! pi nitielo yiyoyic mi dhanu i Yehova giku Yesu

Kara juponj Biblia ginyay mutoro i Mungu, ubekwayu gibed ku yiyoyic ma tek. (Eb 11:6) Wacopo konyogi nibedo ku yiyoyicne nwang’u wabetiyo ku buku Icopo kwo kud anyong’a rondo ku rondo! Buku maeni mi ponji utie ku giragora ma pigi tek, lembe ma jukoro terere, penji ma ketho jawinj miyo paru pare, video ma cwalu jawinj i timo, man cal ma beco. Tek wabekonyo juponj Biblia nicego kite mi Jukristu man nitwiyo mer ku Mungu, eca nwang’u wabegiero ot ku jamtic ma mac copo wang’u ngo.​—1Ko 3:12-15.

Ni dhanu moko, etie tek niparu kadok apara de nia gicopo bedo jurimb Mungu, pilembe gibeneno ngo kume. Pieno, ukwayu wakonygi kara gibed ku yiyoyic ma tek i Yehova, man ging’ey kite pare ma beco.

NEN VIDEO MA THIWIE TIE TIEL YIYOYIC MI DHANU I YEHOVA KU BUKU “ICOPO KWO KUD ANYONG’A RONDO KU RONDO!” MAN DWOK WANG’ PENJI M’ULUBO E:

• Ang’o m’ubenyutho nia nyamego uyikere ma ber pi ponji mi Biblia?

• Etiyo nenedi ku penji moko mange pi nikonyo japonj Biblia umii paru pare iwi Isaya 41:10, 13?

• Video man verse mi Biblia ubedo kud adwogi ma kani iwi japonj Biblia?

Dhanu dupa gibed ginyang’ ungo nia jamgony utie ang’o, kunoke ginene ngo ni giramiya ma Mungu umiyo pigi. (Ga 2:20) Pieno, wacikara nikonyogi gibed ku yiyoyic ma tek i jamgony ma Yesu uthiero.

NEN VIDEO MA THIWIE TIE TIEL YIYOYIC MI DHANU I YESU KU BUKU “ICOPO KWO KUD ANYONG’A RONDO KU RONDO!” MAN DWOK WANG’ PENJI M’ULUBO E:

• Ang’o m’ubenyutho nia umego uyikere ma ber pi ponji mi Biblia?

• Etiyo nenedi ku lembe ma nwang’ere i thenge m’uwacu “Tim sayusac” pi nikonyo japonj Biblia?

• Pirang’o rwo utie gin ma pire tek lee ni japonj Biblia?