Lembe ma beco m’i buku Icopo kwo kud anyong’a rondo ku rondo!

Nyo tiyo ku video ma tung’ tung’ man penji mi nyamu i lembe ma nwang’ere i buku Icopo kwo kud anyong’a rondo ku rondo! ubenyeng’i de? Ka dong’ nyithi thenge ma e ke: “Dhanu moko beyero kumae,” “Lembe m’ukwayu itim,” man “Tim sayusac”? Lembe mange ma kani ma beco ma romo konyi kinde m’ibetelo wi ponji mi Biblia?​—Mt 28:19, 20.

Video ku girasoma: Tek ing’iyo nitiyo ku buku ma juwodho iwi karathasi pi nitelo wi ponji mi Biblia, icopo timo ang’o kara inwang’ yot yot video ceke man jamtic mange m’awinja kaka ma jucoko dhoggi i iye? I buku mir elektronik, dii wi acel m’i kind thenge ang’wen ma dongo, i ng’eye lor i the thiwiwec ma tung’ tung’ ma jurieyo mi thengene, keca re ma iromo nwang’u video ku girasoma ceke mi thenge maeca. (Nen cal mi 1.)

Tii ku “Mode Image”: Kan ibetiyo ku buku mir elektronik pi nitelo wi ponji mi Biblia, pire tie tek nia saa moko kinde m’ibetelo wi ponjine ibed itii bende kud ayi ma juromo dwoke ko calu ma juwodho iwi karathasi (Mode Image). Tek idaru yabu ponji ma wun’i iye, dii wi pwe adek ma jucwinyo yo malu i thiwimbayane, i ng’eye ke dii wi “Mode Image.” Yub maeni romo konyi kara wii kud uwil i kum winjiri m’utie i kind lembe ma wubeweco i wiye ku thiwi ponji ma dit. Pi nidok kendo iwi ayine mir elektronik (Mode Texte), cidh kendo iwi pwe adek ma jucwinyo yo malu i thiwimbayane, i ng’eye ke dii wi “Mode Texte.”

“Nyo atie ayika?”: Sanduku maeno ma nwang’ere yor i thum pa buku Icopo kwo kud anyong’a rondo ku rondo! uketho nwoc iwi lembe ma pigi tek ma ng’atini romo timo pi nicaku rweyo lembanyong’a ku cokiri, man gin m’eromo timo pi nilimo batizo (Nen cal mir 2.)

Thenge ma jumedo: Enwang’ere i thum pa “Thenge mir 4”, ma i iye junwang’u wec ma jukoro iwi lembe moko ma pigi tek. Bukune mir elektronik utie ku lien i thum pa thengeman ma jumedo ma kan idiyo wiye, edwoki tap kaka m’ilar iai i iye. (Nen cal mir 2.)