Paru Moko Ma Romo Konyi Pi Ponji
Nyo ibed inwang’u bero i verse mi Biblia ma jukoro igi i Buku mi timo sayusac mi Jumulembe pa Yehova?
Gin ma jukoro i buku maeno romo konyi nigolo Lembe pa Mungu i thucne. Ecopo bedo kpawa m’ugwaku kum verse moko mi Biblia, thelembe m’uketho jukiewe, ng’atu ma jukiewe pire, kunoke thelembe mi wec moko.
Kan idiyo verse moko nik’ebed i Watchtower KAPANG BUKU I INTERNET kunoke i JW Library, e versene biteri wang’ acel iwi girasoma ma nwang’ere i Buku mi timo sayusac. Girasoma maeno copo wok iri i thenge mi ponji i Biblia moko ci m’itoko. Ndhu dii wi verse moko mi Bibliane, e ebikele iri.
Kan ibetiyo ku girasoma maeno, keth wii i kum kite ma gibed gilubiri ko. Thiwiwec m’uwok ma nyen ni yor i wiye. Kan iloro piny i there, ibinwang’u thiwiwec ma moko nyo dong’ lero ma nyen udaru wok iwi lembe ma jukoro i iye.
Girasoma m’ukoro i verse i Buku mi timo sayusac, wok gire i Watchtower KAPANG BUKU I INTERNET.
Kara girasoma m’ukoro i verse ucak tiyo i JW Library, tok Buku mi timo sayusac, man ka lembe ma nyen uwok i wiye, woth betoke. Pi nitoke, dii wi alama ma jukiewo nia télécharger (toki), ma nwang’ere i thiwi thenge mi ponji; ewok i ng’et thek moko ci mi buku mi Biblia.