Yesu udok i polo

Yesu girombo karacelo ku julub pare i Galilaya. Emiyo igi lembang’ola moko ma pire tek akeca, ewacu kumae: ‘Wucidh wuketh dhanu m’i kind thek ceke mi ng’om udok julub. Wuponjgi ku gin ceke m’aponjo iwu man wumii igi batizo.’ I ng’eye, eng’olo igi kumae: ‘Wung’ey nia abibedo kudwu saa ceke.’

Pi nindo 40 i ng’ey ma Yesu ucer, enyuthere ni julub ma kadhu dak acel i Galilaya man i Yeruzalem. Emiyo igi ponji iwi lembe ma pigi tek man etimo udu dupa. I ng’eye, erombo karacelo ku jukwenda pare wang’ ma tokcen iwi got mir Oliv. Eyero igi kumae: ‘Kud wuai kud i Yeruzalem. Wumeduru nikuro gin ma Vwa ung’olo.’

Jukwenda pare ginyang’ ungo i lembe m’ebeyero. Gipenje kumae: ‘Ibecidoko Ubimo mir Israel i saa maeni?’ Yesu uyero igi kumae: ‘Fodi saa pa Yehova uromo ngo mi ketha ni Ubimo. Ceng’ini eni tipo ma leng’ bimiyo iwu tego man wubibedo jumulembe para. Wucidh wurwey i Yeruzalem, i Yudea, i Samaria man nitundo i theng ng’om ma bor nisagu.’

I ng’eye, juting’o Yesu malu i polo man afuru ugam uume. Jukwenda pare ging’ayu wang’gi asu ginene nitundo ma toke mwony.

Jukwenda giloro ku wi got mir Oliv man gidok i Yeruzalem. Gibed gicokiri karacelo wang’ ma pol i kusika moko ma malu man gibed girwo. Gibino kuro nia Yesu umii igi telowic mange.