Nyo Jumulembe pa Yehova gimiyo apaje de?

Ungo, Jumulembe pa Yehova gimiyo ngo apaje; ento gimiyo giramiya ma kuberocwiny m’umbe nikiewo nying’gi i kume pi nitielo tic migi. Apaje tie ang’o, man pirang’o Jumulembe pa Yehova gimiyo ngo apaje?

Cik m’ung’olo nia ng’atini umii apaje mi piny pare, ubino acel m’i kind Cik ma Mungu umiyo ni nyithindho mir Israel ma con. Ento, Biblia unyutho kamaleng’ nia Jukristu gimbe i the cik maeno, uketh’i iye bende cik mi miyo “apaje.”​—Juebrania 7:5, 18; Jukolosai 2:13, 14.

Kakare nimiyo apaje man girathiera cal ku cik, Jumulembe pa Yehova gibelubo lapor mi Jukristu mi rundi ma kwong’a man gibetielo tic migi i ayi ario ma e: Mi kwong’o, nikadhu kud i rweyo lembanyong’a man ponjo dhanu m’umbe cul; man mir arionde, nikadhu kud i giramiya ma kuberocwiny.

I ayi maeno re ma wabelubo telowic ma Biblia umiyo ni Jukristu, m’uyero kumae: “Wek ng’atuman utim tap calu m’ekeco i adundene, ento ku minowang’ re ngo kadi ma jubediye adiya de ngo, kum Mungu maru ng’atu ma miyo kud anyong’a.”​—2 Jukorintho 9:7.