በአገልግሎት ረገድ ክህሎታችንን ማዳበር—በኢንተርኮም መመሥከር

አስፈላጊ የሆነው ለምንድን ነው? በኢንተርኮም መመሥከር ሊያስፈራ ይችላል። ታዲያ ይህ ተፈታታኝ ሁኔታ ለመልካም ሥራ ያለንን ቅንዓት እንዳያቀዘቅዝብን ምን ማድረግ እንችላለን? አንዳንድ ሰዎች ምሥራቹ ሊደርሳቸው የሚችለው በኢንተርኮም አማካኝነት በሚሰጥ ምሥክርነት ብቻ ሊሆን እንደሚችል ማስታወሳችን ጠቃሚ ነው። (ሮም 10:14) በዚህ ዘዴ ውጤታማ ምሥክርነት መስጠት እንደሚቻል ተሞክሮዎች ያሳያሉ። (የ2011 የዓመት መጽሐፍ (እንግሊዝኛ) ገጽ 65-66⁠ን እና የ2000 የዓመት መጽሐፍ (እንግሊዝኛ) ገጽ 54 አን. 3⁠ን ተመልከት።) እስቲ ቀጥሎ የቀረቡትን ሐሳቦች እንመልከት።

ይህን ማድረግ የሚቻለው እንዴት ነው?

አጭር የመግቢያ ሐሳብ ተዘጋጅና በጽሑፍ አስፍር፤ ከዚያም ለቤቱ ባለቤት በኢንተርኮም አማካኝነት በቀጥታ አንብብለት። ይህ ድፍረት ሊሰጥህ ይችላል። ባዘጋጀኸው የመግቢያ ሐሳብ መጀመሪያ ላይ የመጣህበትን ዓላማ አስፍር። የቤቱ ባለቤት ስም በኢንተርኮሙ ላይ ከተጻፈ ስታነጋግረው በስሙ ተጠቀም። ስለተወያያችሁበት ጉዳይ የበለጠ መረጃ ሊሰጥ የሚችል ትራክት ወይም መጽሔት ልታመጣለት (ወይም በሩ ላይ ልትተውለት) እንደምትችል በመግለጽ ውይይቱን ደምድም።
አዎንታዊ አመለካከት ያዝ። ከቤቱ ባለቤት ጋር ፊት ለፊት እየተነጋገርክ እንደሆነ በማሰብ ፈገግ ማለትና አንዳንድ አካላዊ መግለጫዎችን መጠቀም ያስፈልግሃል።
ዘና ብለህ በጭውውት መልክ ተናገር። በደንብ በሚሰማ ድምፅ ጥርት ባለ መንገድ ተናገር። ስታወራ በጣም ቀስ አትበል ወይም ደግሞ በጣም አትፍጠን።
የማመዛዘን ችሎታህን ተጠቀም። በትላልቅ ሕንፃዎች ውስጥ በርካታ የኢንተርኮም መሣሪያዎች ሊኖሩ ይችላሉ። በዚህ ጊዜ ከሦስት ወይም ከአራት የቤት ባለቤቶች ጋር ብቻ መነጋገሩ በቂ ሊሆን ይችላል፤ ከዚያም የቱ ጋር እንዳቆምክ በማስታወሻህ ላይ አስፍርና አካባቢውን ለቀህ ሂድ። በአፓርታማው ውስጥ ያለውን እያንዳንዱን ሰው ለማነጋገር በእንግዳ ማቆያው ክፍል ውስጥ ረጅም ሰዓት የምንቆይ ከሆነ ነዋሪዎቹ ስጋት ሊያድርባቸው ይችላል።

በዚህ ወር እንዲህ ለማድረግ ሞክሩ፦

በቤተሰብ አምልኳችሁ ወቅት በኢንተርኮም በምትመሠክሩበት ጊዜ እንደምታደርጉት ሳይተያዩ ማውራትን ተለማመዱ።