Saka 3 Folad

Maˈosiay ita itini salakat a tosa fedengan no Satapangan a cudad, oya malifokay a pasalat ni Atam aci Ifa, o misahalakaan no ˈalomanay tamdaw anini, samanen sapiliyasaw cangra to nikaw, kokiˈ ato saroero. Pasalatay ko kaˈorip na Atam aci Ifa, cowa ko cacalemcem to kakaenen, katayalan, adada ato patay. (Satapangan 1:27-29; 2:8, 9, 15) Haharatengen ita, edengan ci Yihofa ko iraay ko caka citolas a pasalat, samanen o malefotay ko ˈicel Ningra, o nisangaˈay to maamaan Tatapangan, o satakaraway i paro no kakarayan. (1 Timoti 1:17; Paˈarawan 4:11) Palalinien to pasalat ni Yihofa, o coyoh ato iseraay a tamdaw citolasay ko pasalat nangra, edengan ci Yihofa iraay ko fadangalan misaˈosi to malalenay, matatodongay a saˈosi. Ta misangaˈ ci Yihofa ci Ataman aci Ifaan i, pafelian cangra to matiniay a saˈosi. w18.04 4 fiedac, 4, 6 fatac

Mafanaˈay kita, marorayay maˈorip toniya hekal. Ngaˈayay hadidien ita, samanen iraay ko sapadama ni Yihofa. (2 Korinto 4:7, 8) Haratengen hena, ya cowa ka fanaˈ ci Yihofaan a tamdaw. Cowa ka cada ko sapadama no Kawas cangranan, tatiihtatiih ko nikaˈorip. Mahecad ci Yisan a siniˈada kita cangranan, ciharateng a mifanaˈ cangranan to ‘ngaˈayay lihaf no makapahay demak.’ Mihaenay haw i, mihadidi kita. O kafanaˈan ita a kimad alatek cowa ko kafanaˈan no tao. O roma i, alatek cangra fanekfekay to pihakelongan nangra, anca o pihakelongan nangra masalalomaˈay no serangawan, ngaˈayayho malaliting to kalalaˈed to paro no lomaˈ ato finawlan. salakatho kita padama to tamdaw cipinang to “faelohay” kimad, mihaen ngaˈ falahen nangra koya misalimlaan nangra a matelangay pihakelongan, sapadamaaw to tamdaw mifalic to harateng misaaliay to toki.​—Loma 12:2. w19.03 23 fiedac 10, 12 fatac; 24 fiedac 13 fatac

Pakayni paihkal to olah ato mihayda to tamdaw, o taˈarawan ni Yihofa patalipaˈelal kitanan, pairaen ko toki pakalalok to tamdaw. (Yohani 5:20) Ano ciharatengay ato maolahay ko tao kitanan, hanaca pakahemek to kangaˈayan ita i, maedeng mamacakat kita mala tadangaˈayay a tamdaw. Mahecad i, o paro no lomaˈ ato kasakopang salikaka, misaaliay to pakalalok ato pakaolah ita. Ano pakalalok cangraanan i, wa tanoktok ko pakasoˈlinay falocoˈ nangra, halo madimadi a mihodop ci Yihofaan. O wama wina a tamdaw pakalalok to wawa, o masaka limlaan a demak koni, ano nai falocoˈ a pakahemek to wawa, wa macakat macakat i noˈadingoan cangra. ‘O kahemekan Ako kiso.’ Oniya sowal paihkal to pasoˈlinay ci Yihofa to, wa madimadi ci Yis midoedo to araaw Ningra. Pakasoˈlinay ci Yihofa to Wawa Ningra, mansa ngaˈay kita pakasoˈlin ci Yisan, pakasoˈlin cingraanan to palaˈosi to araaw ni Yihofa. (2 Korinto 1:20) Ano dotimen ita ko taˈarawan ni Yis, wa misetek kita to falocoˈ a minanam cingraanan, mikotod tona saripaˈan ni Yis.​—1 Pitiro 2:21. w19.03 8 fiedac 3 fatac; 9 fiedac 5-6 fatac

Ano mafanaˈ kita toniya sapatelong tada pasangaray, wa mikoˈid to patelongay a tamdaw. Milidongan ni Yihofa ko Israil tamdaw miliyas to Icip, kawra cowa piakoˈid cangra to sapafeli no Kawas a pasalat. Ikor no pina a folad, misatapangay ko Israil tamdaw maˈiwil to kakaenen i Icip, ngaliwngiw to sapafeli ni Yihofa a kakaenen, sapinokayaw tayra i Icip. Haratengen hena, o pinengneng no Israil tamdaw to ‘foting, fidaol, kacawas, kenaw, nila a kenaw ato kafsoay a kenaw’ no Icip, mikikakaay ko kalimela to sapafeli no Kawas a pasalat, coko mamangolaw ci Yihofa cangranan han? Tada o patalipaˈelalay kitaanan a maˈoningay koni! (Saˈosi 11:5, 6, 10; 14:3, 4) O sidaˈitay a Kawas ci Yihofa pakaynian i wawa Ningra ci Yis Kristoan a pafeli to pasalat i tamdaw, palimoˈotay ci Pawlo aka saloyaˈen a minengneng koni sanay.​—2 Korinto 6:1. w18.04 9-10 fiedac 6-7 fatac

Ano cimato makalimay kaolahen, mitokel masadafdaf ko picada. Ano aecasa pilifok to olah, mararidho a micada to cowa ka sadafdaf, halafinto wa misakahmaw to niyah, awaay ko hatokel wasaan a miharateng. Mafanaˈay ci Yihofa, makalimay kita kaolahen, sadafdafen no tao a micada. (ˈOlic 33:5) Pakasoˈlinay kita maolahay ko Kawas kitaanan, mitokelay to masadafdaf ko macadaay ita. Ano songilaˈen ita a micekiw to pakaynian ni Yihofa ci Mosian a Rikec, wa mahapinangto. Ano calepen ita a cipinang to Rikec ni Mosi, mamahapinang to o damsayay ato ciolahay a Kawas ci Yihofa. (Loma 13:8-10) Kihcod a demak ni Yihofa sahto iraay ko olah, mihaenay o Rikec ni Mosi o olah ko taˈeneran. (1 Yohani 4:8) O polong a rikec patirengan ni Yihofa i fafekang no tosa a limoˈot​—maolah to Kawas ato maolah to tamdaw. (Lifi 19:18; Limoˈot 6:5; Matay 22:36-40) Mihaenay, o 600 a limoˈot no Rikec ni Mosi padama kitanan mihapinang to olah ni Yihofa. w19.02 20-21 fiedac 1-4 fatac

Minaˈonay ci Yopu malacafay to fafahiyan. (Yopu 31:1) Mafanaˈay ci Yopu cowa ka ngaˈay mangalay ko falocoˈ to roma a fafahiyan. Anini, matomesay ko sakayhid to madadiˈiyay noniya hekal. Wa mahecad kita ci Yopuan, aka mangalay ko falocoˈ to roma a fafahiyan anca faˈinayan han? Wa manaˈay kita minengneng to kaacekan ato makakalonaay a sasing han? (Matay 5:​28) Ano misaˈicel kita miˈimer to tireng, wa tanektekto a mitafo to madimadi ato awaay ko dangoc no waywayan. Itiniayho i maanan a pakayraan midoedo ci Yopu ci Yihofaan hani? Ira ko matatodongay pinengneng to hafay. Mafanaˈay ci Yopu ano mitiˈer to dafong no niyah, aretengayto ko raraw ningra, mamicada to sasayfang. (Yopu 31:24, 25, 28) Oniya hekal misaaretengay to pakadafongay, ano tooren ita ko safalod no Fangcalay Cudad, matatodong ko pinengneng to hafay ato dafong, wa ngaˈay ciˈicel misetek ko falocoˈ, mitafo to madimadiay.​—Taneng 30:​8, 9; Matay 6:19, 20. w19.02 6 fiedac 13-14 fatac

O polong a demak ni Yis malefotay a paihkal to tangongolay a olah ni Yihofa kitaanan. (1 Yohani 4:​8-​10) Kalimlaan i, makahiay ci Yis pakayni i kitaanan kinafalah to ˈorip. O mapasimalay a Krisciyang anca o ‘roma lopayˈay siri’, mikitiniay i olah ni Yihofa aci Yis milifok to epoc, pakayniay i sapatefoc a limasmas, paihkal Cangra to olah kitaanan. (Yohani 10:16; 1 Yohani 2:2) Mikitini dafong no Lafi no Tapang mahapinangay ita, maolahay ato siniˈadaay ci Yis to nisawawaan ningra. Hano mihaen ko sowal hani? Maolahay ci Yis to mapasimalay Krisciyang, cowa patireng cingra to masasifoday a limasmas, papisaday to nisawawaan to kantangay a dafong to Lafi no Tapang. To mihecahecaan miharatengay to kapatay ni Yis ko mapasimalay Krisciyang, itini masakenaay a pakayraan wa mirienang cangra toniya saˈopo, ano mapalitto wa mihaen to demak. (Paˈarawan 2:10) Ano mapalit cangra wa ngaˈayho mitoor to limoˈot ni Yis a midemak han? Soˈlinay matooray nangra. Mikitini saka 1 hahekalan tahanini, misarocoday ko soˈlinay Krisciyang miharateng to kapatay ni Yis. w19.01 24 fiedac 13-15 fatac

O hatiniay pasalat paliyasay to pipalit no mararaway pidoyongan, mafolaay, paysinay, saikor wa malifok no tamdaw ko ‘ˈodingaray a pasalat no wawa no Kawas.’ (Loma 8:21) Ano aninito, ‘micerid midofdof’ kiso to sowal ni Kristo, wa matanam ko hatiniay a pasalat. (Yohani 8:31) Mihaen wa ‘mafanaˈ to soˈlinay kimad’ kiso, cowa ko cipinang aca to soˈlinay kimad, wa saka dademakenho ko soˈlinay kimad. Toniya hekal anini, o ngaˈayay a romiˈad hananay no tamdaw, ono cecayay aca liyad. Awaay ko pinang ita to sasamaan no cira. (Yakop 4:13, 14) Mihaenay, materek i “soˈlinay a ˈorip” a lalan, pasayra i tahadaˈocay ˈorip a talaˈayaw, o sangaˈayay a mipiliˈan. (1 Timoti 6:19) Cowa ka pacieci ko Kawas to tamdaw a romakat toniya lalan, paiken sanay kitaanan o niyah ko misaˈosi to sasamaan ko demak. Sasamaan ko hademak ita hani? Malo ‘hafay’ no miso ci Yihofa, misalimla to sapafeli Ningra tisowanan adihayay ‘makapahay dafong’. (ˈOlic 16:5; 103:5) Pakasoˈlinen, o papafelien Ningra kiso to ‘masaloay a lipahak’, padama tisowanan ‘ira ko midaˈocay a saka raheker.’​—ˈOlic 16:11. w18.12 28 fiedac 19, 21 fatac

O Krisciyang wa misaˈicel a misaareteng to raramod, papahecad ci Yihofaan aci Yisan. Kawra, o roma Krisciyang cowa pikangodo to raramod. (Loma 7:​18-​23) Saka 1 hahekalan, iraay ko pasangar no raramod no roma Krisciyang. Sanay ko sowal ni Pawlo: ‘Aka piliyas ko fafahi to faˈinay.’ Kawraan mifekaday ko hatiniay demak itiya. (1 Korinto 7:10) Cowa ka pitadtad ci Pawlo to lalangian no kalicinowas no raramod, kawra mahapinangay ita, cowa ko pakayniay i kaˈodang no faˈinay, samanen ano maˈodangay ko faˈinay, tatodong no fafahi a milikong miliyaw a cifaˈinay. Kawra, sowal ni Pawlo, ano o malaliyasay ko fafahi ato faˈinay i, ‘cowa ka ngaˈay miliyaw a ciramod. Ano eca i, o nika rarihaday ato faˈinay ko ngaˈay,’ samanen kamayan o mararamoday, sanay ko pinengneng no Kawas cangraanan. Palimoˈotay ci Pawlo, ano o mananto ko malifaay no raramod a sapalifet, ano cowa ko pakayniay i maˈodangay, wa misaˈicel ko mararamoday a mararihaday. Wa ngaˈay misaali to sadama no malohemay malitengay ko mararamoday. w18.12 13 fiedac 14-15 fatac

Anini, makalimay ko Kawas malawidang Ningra kita, mitokelay kitaanan misaˈicel mirienang to milasilay to ngaˈayay lihaf a tayal. (Matay 28:19, 20; Yakop 4:8) Kawra, mamalifa ita ko mahcaday ni Yis a pakayraan alatek, tinakoen mikitini ngaˈayay harateng no roma tamadaw, misaali kitaanan hamaan adihay ko mipalakan a toki i noˈadingoan a demak. Ano papacakaten no tawki ko lifon no miso, kawra oniya faelohay ˈinorong, wa mifiyor to noˈadingoan a demak iso, wa samaan ko hademak iso hani? Ano micudaday kiso, ira ko toki micada to ˈakawangay picudadan, kawra o mamiliyas to lomaˈ tayra i roma pala, wa samaan ko hademak iso hani? Ano soˈlin masiˈayaw iso ko hatiniay pakayraan, wa mitolon alatek, mikilim to milingatay a lalakaw, malalengo to paro no lomaˈ anca malohemay malitengay ikorto misaˈosi, kawra o sangaˈayay a demak i, aniniho midotim to samaanay ko harateng ni Yihofa toniya demak, songilaˈen tano harateng Ningra a minengneng to demak. Mihaen, soˈlin misiˈayaw to mahecaday a pakayraan no ikor, cowa ko mamakayhid ko falocoˈ iso, samanen maharekayto kiso patireng to noˈadingoan a patosokan ato misaˈosi to falocoˈ pasayra i patosokan a talaˈayaw, ano tahalifa to sapalifet i, cipinangayto kiso to sasamaan ko demak. w18.11 27 fiedac 18 fatac

Kaemangho ci Solomon mala hongtiayto no Israil kitakit. Itini satapangan no pikowan ningra, paˈarawan ni Yihofa cingra i mitiihan, pasowal cingraanan: “O maan ko kangalayan iso to sapafeli Ako saw?” Pacaˈof ci Solomon: ‘Ano o wawawawaho kako, cowa ka fanaˈ mikerid to finawlan . . . Nanay pafelien ko sikawdan Iso to midoedoay a falocoˈ, hongaˈ moecel ko pisawkit to finawlan Iso.’ (1 Hongti 3:5-10) Misapoeneray ko falocoˈ ni Solomon, o milongocan ningra to Kawas, edeng o ‘midoedoay a falocoˈ’, onini ko saka olah ni Yihofa cingraanan. (2 Samuil 12:24) Mafanaˈ ci Yihofa to milongocan ni Solomon i, tada mahemekay, pafeliay cingraanan to ‘citanengay a falocoˈ, ngaˈay mihapinang to demak.’ (1 Hongti 3:12) Tiya madimadiho ci Solomon ci Yihofaan i, adihayay ko malifokay a sapalemed. Iraay ko tatodong ningra patireng to fangcalay sefi ni Yihofa. (1 Hongti 8:20) Pakayni i sapafeli no Kawas a taneng, mapatenakay ko ngangan ningra. Roma i, o patemeran no Kawas ci Solomonan a sowal, matiliday i tolo cacudadan i Fangcalay Cudad, o cecay i, o Taneng. w19.01 14 fiedac 1-2 fatac

O roma tamdaw cowa pihai mafiyor no nima ko pinengneng nangra, sanay ko sowal: “O niyah ko tawki ako.” O tatodong i, misaˈosi to kihcod a demak, o fadangalan nangra sanay. Cowa ka olah cangra malahdaw ko fadangalan no niyah, hato mapalitay. Tano harateng ni Yihofa minengneng to demak, cowato ka ngaˈay ira kono niyah a harateng, cowa ka saan. Saka 2 Korinto 3:17, sanay ko sowal, ‘icowaay ko fangcalay saocor ni Yihofa, iraay ko pasalat itira.’ Misangaˈ ci Yihofa kitaanan i, pafeliay kitaanan to pasalat, ngangaˈay kita ira ko niyah a pinangan, kaolahan, ato palahad to kahemekan no niyah. Kawra, o hatiniay a pasalat, iraay ko tolas. (1 Pitiro 2:16) Tokel ni Yihofa ano mamisaˈosi kita to ngaˈayay tatiihay i, micada to sakayat no Kimad Ningra. w18.11 19 fiedac 5-6 fatac

Ano sapadotocaw midofdof to soˈlinay kimad a midemak kita i, wa matatodong ko pinengneng to hafay ngaˈ. Minanam to soˈlinay kimad, wa ngaˈay padama kitaanan mihapinang to o kalimlaan no kaˈorip cowa ko hafay, o midokoay ci Yihofaan. Saka dademakaw kita to soˈlinay kimad, wa makahi a kinafalah to nodafongan a sakangaˈay. Kawra mataˈlif ko toki, ano maˈaraw ita ko tao, miˈaca to faelohay soci anca faelohay dafong, wa saan kita miharateng alatek, adihayay soˈlin ko kinafalah no niyah, cangoˈoten to sakaˈorip no niyah, sapilifokaw to adihayay a dafong, telocto silikor hanto ko noˈadingoan a demak. Wa maharateng ita ci Timas, “maolah tono hekalan a demak,” mansa miliyas to katayalan, ecato kalacafay ci Pawloan a dademak. O kaolah ni Timas to hafay mataˈlifay ko noˈadingoan a demak, alatek cowato ka ciharateng kinafalah to sakangaˈay a kalacafay ci Pawloan. Ano na maolahay kita tono dafongan, sasinanoten aka papiˈafasen ko pakadafongay a harateng to maolahay to soˈlinay kimad a falocoˈ no mita. w18.11 10 fiedac 9 fatac

Tada tatiihay ko mangah ni Satan, mafanaˈay cingra ano tengilen ni Ifa ko sowal ningra, komaen toya heci, wa mapatay ci Ifa. Misafelit ci Ifa aci Atam to limoˈot no Kawas, salikor mapatayay cangra. (Satapangan 3:6; 5:5) Samanen mararaway cangra, ‘hato matenakay ko patay i polong a tamdaw.’ Teloc i, “haloya caay pilecad to raraw ni Atam a pacoli to limoˈot no Kawas a tamdaw ao mamapatay.” (Loma 5:12, 14) Mihaenay cowato ka matiya kita nano limasmas no Kawas, ira ko malefotay a ˈorip, tahadaˈoc a maˈorip. ˈOrip no roma tamdaw mahecaday to sowal no Fangcalay Cudad, “pito aca a poloˈ, ano tanektek ko tireng i, tangasa i falo a poloˈ ko mihecaan.” Ano koˈdaw ko ˈorip ita, kamayan matomes ko “roray ato pades.” (ˈOlic 90:10) O hatiniay kadayayan a teloc​—sahtoay o mangah ni Satan ko palaˈosiay! Sowal ni Yis ci Akoma Satan ‘miliyangay to soˈlinay kimad, samanen awaay ko soˈlinay kimad ilalomaˈ ningra.’ (Yohani 8:44) Padotocay awa ko soˈlinay kimad i falocoˈ ni Satan, kamayan cingra tano mangah a miorat to tamdaw. (Paˈarawan 12:9) Caka ciharateng kita malipalaw ni Satan. w18.10 6-7 fiedac 1-4 fatac

Talaˈayaw kita a pararihaday, o lalipahak. Sanay ko sowal no nisawawaan ci Yakop: “O moecelay a demak ko heci no demak no pararihadayay a tamdaw.” (Yakop 3:18) O kalalaˈed ita ato salikaka anca paro no lomaˈ ano mifekad ko marawraway, cangacangen ko Kawas padama kitaanan mararihaday. O fangcalay saocor ni Yihofa, papadama kitaanan paihkal to capeling no Krisciyang, mihaen mamatongal ko lipahak no mita. Somowalay ci Yis to kalimlaan ko micangacangay to pararihadayay, sanay: “Ano pacakat kiso to sapaini i Kawas i pipacakatan i, ano maharateng iso itiya ko nika tatiih no harateng no salikaka i tisowanan i, teli hanho i kaˈayaw noya pipacakatan koya sapaini iso. Ta tayraho toya salikaka a malaliˈay. Ta patikol kiso a tayra a mipacakat to sapaini iso i Kawas.”​—Matay 5:23, 24. w18.09 21 fiedac 17 fatac

Itini ˈayaw no kinafalah ci Yis to ˈorip a dadaya, kina 30 milengo ci Yis to ‘olah’ i nisawawaan, mikiriwiˈay palimoˈot to nisawawaan ‘masasiolaolah’. (Yohani 15:12, 17) O masasiolahay o tahapinangan, ihkal a mahapinang no tamdaw, o cima ko soˈlinay nisawawaan ni Yis. (Yohani 13:35) O hatiniay a olah cowa ko nofalocoˈan aca​—o makapahay a capeling. Sanay ko sowal ni Yis: “O nika kinafalah no tamdaw to ˈorip no tireng to saki widawidang i, o sakakaay a olah konini i hekal. Ano midoedo kamo to limoˈot ako i, o salikaka ako kamo.” (Yohani 15:13, 14) Anini, o finawlan no Kawas tano cowa pisateked a olah ato kalacecay ko kafanaˈan no tamdaw. (1 Yohani 3:10, 11) Soˈlin mikitiniay cangra cowa ka hecad a kitakit, finacadan, sasowalen ato serangawan, kawra mitodongay cangra ci Yisan masasiolah. w18.09 12 fiedac 1-2 fatac

Dimokosen ko paro no lomaˈ sanay ci Yihofa kitaanan. Alatek matayalay ko roma tamdaw pakayni i sakaˈorip no paro no lomaˈ, o roma, malo winaay midipotay to ˈengaengaho a wawa i lomaˈ, anca midimokosay to malonayay ko tireng a wama wina, o kalimlaan a demak konini. Alatek sapitongalaw kiso to tayal saki Yihofaan, kawra, iraayho ko ˈinorong a midimokos to lomaˈ, hato awaay ko toki mihaen to demak, hamaan masomad, samanen midimokos to saali no paro no lomaˈ wa ngaˈay pakahemek ci Yihofaan. (1 Korinto 10:31) Nohatini ano awaay ko ˈinorong i paro no lomaˈ iso, ngangaˈay kiso padama to salikaka han? Tinakoen, ngaˈay kiso padama to malonayay ko tireng a malitengay, anca padama to iraay ko roma saali a Krisciyang han? O roma salikaka midimokosay to malitengay anca ciadadaay, ngaˈay kiso padama cangranan han? Haratengen o cima ko misaaliay to sadama i kasakopang. Ano padama kita to iraay ko saali a salikaka, o malacafayay ci Yihofaan a matayal, samanen pakaynian ni Yihofa kitaanan a pacaˈof to satolon no salikaka.​—1 Korinto 10:24. w18.08 24 fiedac 3, 5 fatac

O kaolahan ni Yakop a wawa ci Yosif, maedeng 17 ko mihecaan i, pakayni kaˈinap no kaka ningra pacakayan cingra malo koli. (Satapangan 37:2-4, 23-28) Ikor no 13 a miheca, caka ngaˈay ci Yosif i tatihi no kaolahan a wama ningra, mihadidiay to roray malo koli a maˈorip, mangalef itini kapalitan no Icip a marofo. Kawraan, cowa ka lahdaw ko tokel ningra, padotoc a maketer, samaanay cingra misiˈayaw to malifaay no niyah a pakayraan hani? Taharoray ci Yosif i kapalitan i, marariday miharateng to samaanay ci Yihofa a padama cingranan. (Satapangan 39:21; ˈOlic 105:17-19) Alatek maharatengay ni Yosif ko paˈayaway to hano ikor a mitiihan, pakasoˈlin to maolahay ci Yihofa to niyah. (Satapangan 37:5-11) Miceriday cingra mitolon alatek, mifanaˈ to roray no falocoˈ ci Yihofaan. (ˈOlic 145:18) Pacaˈofan ni Yihofa ko satolon ni Yosif, padama ci Yosifan a pakasoˈlin, ano samaanto ko mifekaday a demak, o kalacafay Cingra ci Yosifan. w18.10 28 fiedac 3-4 fatac

Alatek mitooray kita to hafay no tamdaw a misawkit to samaanay a tamdaw cingra. Kawrira, o hafay no cecay a tamdaw sasamaan milingat to kapinengneng ita cingranan hani? Patemelan no fangcalay saocor ci Solomon, miˈoningay to cecay ka adayayan a demak, misowalan no sinael anini, naitini citanengay a sowal mananamay ita ko maanan hani? Ano caka pisinanot kita i, wa edeng o cihafayay salikaka ko sawidangen, miliyas to manikaway a salikaka. Ano tooren ita ko hafay no tamdaw a misawkit i, wa ira ko maanan a pasangar hani? Alatek wa mafekad ko misaˈakawangay a pakayraan i kasakopang. Itini saka 1 hahekalan, o roma kasakopang iraay ko mahaenay a pasangar, mansa palimoˈoten ni Yakop ko Krisciyang misinanot toniya demak. (Yakop 2:​1-4) Wa misinanot kita aka pairaen ko maliwasakay a pakayraan i kasakopang, misinanotho aka o hafay no tamdaw ko sapisawkit no niyah. w18.08 10 fiedac 8-​10 fatac

Ano miakoˈid kita ci Yihofaan ngaˈay malo widang Ningra, wa misangaˈay to salikaka i kasakopang, samanen oni Yihofa cangra. Ano maharateng ita konini, wa paihkal to sidaˈit ato olah cangranan. (1 Tisalonika 5:15) Sanay ko sowal ni Yis: “Ano masasiolaolah kamo i, pakayni tonini ko sakafanaˈ no tamdamdaw to nika o nisawawaan ako kamo.” (Yohani 13:35) Masowalay ni Malaki ano masasowal ko finawlan no Kawas i, ‘misinanotay mitengil’ ci Yihofa. (Malaki 3:16) Soˈliˈlinay ci Yihofa mafanaˈ to tamdaw Ningra. (2 Timoti 2:19) Ihekalay a mafanaˈ Cingra to o maanan ko sowal ita, midemakay to maanan. (Hipray 4:13) Ano caka sidaˈit kita micada to salikaka, ‘misinanotay mitengil’ ci Yihofa. Kawra, makahi kita misodod to tamdaw, hinapaladaˈ ato sidaˈit, wa maˈaraw ni Yihofa a maemin.​—Hipray 13:16 w18.07 26 fiedac 15, 17 fatac

Pakaynien i midokoay ci Yihofaan a tamdaw, madimadi ci Yihofaan o ˈinorong nangra. Awaay ko mikikakaay ko ˈicel, taneng ato ciolahay falocoˈ Cingranan, mihaenay makalimay kita sapidopoaw Cingranan. (ˈOlic 96:4-6) Kawra, o roma midokoay to Kawas a tamdaw itini pidopoan ci Yihofaan a toki i, cisasaay ko harateng. Haratengen ko tinakoan ni Kain. Soˈlin ci Yihofa aca ko midokoan ni Kain, cowa pidoko to roma kawas, kawra cowa pihai ko Kawas to pidoko ningra. Misamaanay hani? Samanen palahadan ningra ko tatiihay harateng i falocoˈ. (1 Yohani 3:​12) Mirikecan ni Yihofa ci Kain, pasowal cingranan: “Nawiro maketer kiso saw? Nawiro saˈosnget sa ko pising iso saw? Ano . . . midemak kiso to caay ko dademaken a demak saka, misaˈimerto ko raraw i fawahan iso. O mamakowan no raraw kiso.” (Satapangan 4:6, 7) Mahecaday o pasowalan ni Yihofa ci Kain: “Ano pasasiyor kiso a midopo Takowanan, wa mikapot Kako tisowanan.” Kawra cowa ka pitengil ci Kain toniya sapalimoˈot. w18.07 17 fiedac 1, 3 fatac; 18 fiedac 4 fatac

Mihaenay, sapataengadaw to likat no niyah a pakayraan, o mamilasil to ngaˈayay lihaf ato padama to tamdaw malo Krisciyang. (Matay 28:19, 20) O roma pakayraan tano ngaˈayay waywayan a paˈdil ci Yihofaan. Ano mitosil i, o cilomaˈay ato i lalanay tamdaw mihapinangay kitaanan, mikitini matawaay pising no mita, wa mahapinang to masamaanay a tamdaw kita, ato o masamaanay a Kawas ko midokoan no mita. Pasowalan ni Yis ko nisawawaan: “Ano icowaay a lomaˈ ko nicomodan namo a milisoˈ i, ngaˈayho han koya lomaˈ.” (Matay 10:12) Itini pitosilan ni Yis ato tarokos a kilac, mihamhamay ko tamdaw to kafahalan a tamdaw, tayni i lomaˈ no niyah, anini adihayay pala awaayto ko mahaenay a nanaman. Kawra, tano damsayay, ngaˈayay a waywayan ko pitadtad iso to araaw, makahiyay a micada ko cilomaˈay, eca ka mapiliˈ mitengil. Itiniay kaˈalomanan misawacay a salikaka mihaiyay tonini, masedi ko pising ngaˈayay masasowal to tamdaw. w18.06 22 fiedac 4-5 fatac

Tarokos ci Pitiro na mitooray tono litengan a nanaman, o Yutaya aca tamdaw ko micawmaˈan, kawra ikor no paihekal ko Kawas to cowa ka ngaˈay ko Krisciyang misakakinih to tamdaw i, misawacayan ni Pitiro ko tapang no sofitay ci Kornilius. (Dmak 10:28, 35) Misatapangayto ci Pitiro lipahak kalacafay to ˈalafang tamdaw komaen ato micawmaˈ. Kawra ikor no pina miheca, itini ci Pitiro i Antiok i, cowa ka kahi kalacafay to ˈalafang a Krisciyang mitaheka. (Kalatiya 2:11-14) Pakayni toniya demak mirikecan ni Pawlo ci Pitiro, makahiay ci Pitiro micada to salimoˈot, mihaenay mitilid ci Pitiro to saka cecay tikami to Aciyaay a Yutaya ato ˈalafang a Krisciyang i, somowalay to kalimelaan ko olahen to polong kasacefang no salikaka.(1 Pitiro 1:1; 2:17) O tarokos soˈlinay mikitini taˈarawan ni Yis, minanam to mamaolah to “masakenaay tamdaw.” (Yohani 12:32; 1 Timoti 4:10) Soˈlin misaaliay to toki konini, kawra malaˈosiay ko pifalic nangra minengneng to tamdaw. Salakatay a Krisciyang micaˈedongay to “faelohay capeling,” sanay. Hato ngaˈayay tano pinengneng no Kawas a pinengneng to tamdaw, masadafdaf minengneng to polong a tamdaw.​—Kolosay 3:10, 11. w18.06 11 fiedac 15-16 fatac

Itini saka cecay hahekalan, micaˈedongan no sofitay no Loma a satada to falohang, tano kihepicay a makakadepay a marad ko sapisangaˈ,wa miceridho mikingsa toniya marad mahepolay hakira, mihae ngaˈ madipot ko falocoˈ ato tireng. O moecelay a palinian ni Yihofa, mahecaday to satada no falohang, midipot to falocoˈ no mita. (Taneng 4:23) O sofitay no litengan, cowa ko tatano komaingay a marad ko sapisangaˈ to satada no falohang, mikotay to ˈatekakay a satada no falohang, mahecaday, cowa ko ngangaˈay kita tono niyah a palinian, mikotay to moecelay palinian ni Yihofa. Citolasay ko ˈicel ita a misaˈosi, awaay ko pakayraan midipot to niyah. (Taneng 3:5, 6) Mihaenay, ceriden ita misinanot to kapicaˈedong to noˈadingoan a satada no falohang, mihaen ngaˈ madipot ko falocoˈ. Ano matongal ko kaolah ita to soˈlinay kimad, wa madolo a micaˈedong to “sapatada to falohang,” makahi a midofdof to moecelay palinian no Kawas.​—ˈOlic 111:7, 8; 1 Yohani 5:3. w18.05 28 fiedac 3-4, 6-7 fatac

Cowa pisateked ci Mosi a mikayat to finawlan, kamayan cangra a ngaliwngiw. Ngaliwngiway cangra to cangoˈotay ko nanom, mirorohay ci Mosian, hano pataynien cangra i hatiniay a kohkohan sanay. (Saˈosi 20:1-5, 9-11) Tada mangolaway ci Mosi, cowa pitafo to damsayay. Cowa pidoedo cingra to limoˈot ni Yihofa a “pasowal toya ˈongcoy”, ao mirikecay a mapoˈi to finawlan, wa midemak to kafahkaˈan ko niyah, sanay ci Mosi. Dotoc i, kinatosa a misetiˈ toya ˈongcoy a papipasadak to nanom. ˈArawhan misatakaraway ato maketer cingra a mararaw ko demak. (ˈOlic 106:32, 33) Samanen cowa pitafo to madaˈmaˈay ci Mosi, cowato ka ngaˈay a micomod i mikiˈokan a pala. (Saˈosi 20:12) Mikitini i nalifetan ni Mosi, mananamay ita ko kalimlaan a sapasifanaˈ. Saka cecay, padotocen ita a mitafo to madaˈmaˈay. Ano misakahmaw kita toniya capeling, wa mala takaraway tamdaw alatek, teloc i, mararaw ko sowal ato waywayan. Saka tosa, pakalonayay ko saroero to tamdaw, mihaenay ano ira ko saroero, mamisaˈicel kita a mitafo to madaˈmaˈay. w19.02 12-13 fiedac 19-21 fatac

Midoedo to limoˈot ni Yis a mitosil, o karetengay a ˈinorong han? Cowa, mahererek ci Yis somowal to kilang no fadisosoˈ a sapatinako, mamahapinang ita, o tahalifa ko mitosilay a tamdaw to lipahak. (Yohani 15:11) Mikiˈokay ci Yis, o lipahak ningra o mamalo lipahak no mita. Wa samaan a mahaen hani? Mahecad o masowalay iˈaˈayaw, palinian ni Yis ko niyah to kilang no fadisosoˈ, palini to nisawawaan to caˈang. (Yohani 15:5) Painiay ko kilang no fadisosoˈ to saali no caˈang. Makakiting ko caˈang ato kilang, wa malifok ko nanom ato haled. Mahecaday kita, mikelec mikotod to pasalipaˈan ni Kristo, ngaˈayto kita malacecay cingraanan, mikitini milifet to lipahak ningra i pidoedo to araaw no Wama. (Yohani 4:34; 17:13; 1 Pitiro 2:21) 40 miheca a misakafah a Hanian, sanay ko sowal: “O malifaay a lipahak mitosil padamaay takowanan fanekfek dademak ci Yihofaan.” O hatiniay tangongolay a lipahak paˈicelay kitanan padotoc a mitosil, ano itinito pasangaray tosilen a kilac wa ngaˈay padotoc a tanektek.​—Matay 5:10-12. w18.05 17 fiedac 2 fatac; 20 fiedac 14 fatac

Pakayni i pakalalok to salikaka a demak, patirengay ko tarokos ci Pawlo to ngaˈayay a taˈarawan. miocoran no fangcalay saocor cingra, pasayra toya midokoay to adihayay kawas a Krisiya tamdaw, ato Loma tamdaw ato ˈalafang a tamdaw mitosil. (Kalatiya 2:7-9) Itiya, tayraay ci Pawlo i roma pala a mitosil, maedeng itiniay to aniniay a Tureky, Krisiya ato Itali. Itira tora noˈalafang tamdaw a kilac patireng to kasakopang. Oniya faelohay a Krisciyang ‘mapasemsemay no finacadan no niyah’, tada misaaliay to sapakalalok cangra. (1 Tisalonika 2:14) Maedeng isaka 50 miheca, patikamiay ci Pawlo to faelohay kasakopang no Tisalonika, sanay ko sowal: “Yo mitolon kami, maharateng niyam kamo. Mararid kami a mikansiya i Kawas to saki tamowanan a mapolong. Nawhani maharateng niyam i kaˈayaw no Wama a Kawas ita ko pipatalahekal namo i demak to pitiˈer namo i Kawas ato nika roray namo a matayal to nano olah namo ato nika tanektek no pipasoˈlin namo to tapang ci Yis Kristoan.” (1 Tisalonika 1:2, 3) Palimoˈotan ni Pawlo cangra maloka pakalalolalok, saan ko sowal: “Haenento o demak namo anini ko nika sasipaˈicel namo a masasipadama.”​—1 Tisalonika 5:11. w18.04 18-19 fiedac 16-17 fatac

Sapa kahemekaw ko kapah ci Yihofaan, wa misaˈicel mitosil i tamdaw. O macalohay ko mitosilay a demak, paisalakaten ita i nokaˈorip koniya demak. Wa ngaˈay kiso patireng to patosokan, micerid mirienang to mitosilay a demak han? Wa ngaˈay kiso malo misakafahay han? Ano cowa ka hemek kiso a mitosil, wa samaanto hani? Wa ngaˈay kiso samaan mitongal to saka ciepoc no mitosilay demak hani? Tosaay ko pakayraan to papadama tisowanan: Saka 1, paˈayaw a misaday; saka 2, aka a pisawad mitosil. Ano tooren iso a midemak mamahapinang, papaira to taˈangayay a hemek ko mitosilay! Ano ciharatengay kiso misawacay to cafay micudad, ngaˈayay salakat a miharateng to o maanan ko salicay nangra, ikor kilimen ko lalakaw pacaˈof cangranan, tinakoen wa milicay ko cafay micudad to hano pakasoˈlin kiso to iraay ko Kawas. Itini jw.org a wangcan adihayay ko milingatay a lalakaw ngangaˈay padama tisowanan matama ko caˈof noniya salicay. Itini wangcan wa matama ko pinanaman a lalakaw, lalangian “Hano Pakasoˈlin Kako to Iraay ko Kawas Hani?” Oniya pinanaman a lalakaw wa mikayat kisowanan, ho mafanaˈ kiso to sasamaan pacaˈof to salicay no cafay micudad. w18.04 27 fiedac 10-11 fatac

Ci Atam aci Ifa adihayay ko pasalat nangra, kawra iraay ko tolas, patinakoen, iraay ko rikec no tireng no tamdaw, ano sakaˈoripaw cangra i, pasaselaˈ, kakomaen ato mamafotiˈ cangra wangaˈ. Tona mihaen cangra malahdaway ko pasalat han? Cowa. Mafanaˈay ci Yihofa, soˈlin midemak cangra to hatiniay demak to romiˈamiˈad, o mamarenec ko ˈorip nangra. (ˈOlic 104:14, 15; Patnakay 3:12, 13) Palimoˈotan ni Yihofa ci Atam aci Ifa malenak to wawa, mikowan to sera. Oniniya sapalimoˈot miˈafasay to pasalat nangra han? Cowa! ˈArawhan ngaˈayay cangra palenak to tamdamdaw miledef toni sera, tatahadaˈoc a maˈorip i lakoing, nao araaw no Kawas koni. (ˈOlic 127:3; Isaya 45:18) Soˈlinay haw i, ci Atam aci Ifa nao ngangaˈay midaˈoc rihaday ko raramod ato noka ˈorip no paro no lomaˈ. w18.04 4-5 fiedac 7-8 fatac

Ira ko mihadidiay ita to malitemohay tamdaw i pitosilan, cowa ko mamilongoc cangranan tangsol cipinang ato micada to kimad no Fangcalay Cudad, oha kinapina a patado cangranan tano Fangcalay Cudad misaharaterateng. Haratengen sasamanen ita padama cangranan cipinang to iraay ko tahadaˈoc maˈorip i lakoing a tokel. Cowa ka hakowa ko kafanaˈan no ˈalomanay toniya kimad. Awaay ko mliyaway maˈorip a hatokel sanay cangra a pakasoˈlin, tatayra kakarayan ko ngaˈayay tamdaw sanay cangra. Sasamaan kita padama cangranan hani? Salakat, ˈosian ningra ko Satapangan 1:​28. Dotoc, milicay: “O tokel no Kawas wa icowa ko tamdaw mikilomaˈ hani? Sasamaan ko kaˈorip hani?” Sanay ko caˈof no ˈalomanay: “Itini sera lipahak ko kaˈorip.” Dotoc miˈosian ningra ko Isaya 55:11 a milicay to, mafalicay ko araaw no Kawas hokira. Sanay ko ˈalomanay: “Cowa.” Midotocay ko salikaka miˈosi to ˈOlic 37:10, 11 sinael, salikor milicay o tamdaw ira ko maanan a hatokel. Oniya salikaka tano Fangcalay Cudad a misaharaterateng malalengo to tamdaw, adihayay ko mapadamaay ningra a tamdaw, cipinang to kamayan mitokel ko Kawas itini lakoing tahadaˈoc a maˈorip ko tamdaw. w19.03 24 fiedac 14-15 fatac; 25 fiedac 19 fatac

Mitokelay ci Yihofa kitanan nanay tengilen ko sowal no Wawa Ningra. Pairaan ni Yis ko olah a pasifanaˈ to nisawawaan to sasamaan patenak to ngaˈayay a lihaf, hanaca kinapinaay patalipaˈelal cangranan, padotoc a mikecol. (Matay 24:42; 28:19, 20) Pakalalokan ni Yis ko nisawawaan misarocod a matayal, aka a pisawad. (Luka 13:24) Misaˈicelayho ci Yis pasowal to mikotoday cingranan a tamdaw, kasasiolaolah, makakelec ato dofdofen ko limoˈot ningra. (Yohani 15:10, 12, 13) Anini oniya sapatalipaˈelal mahecad masakalimlaan. Sanay ci Yis: “O maolahay to sowal no Kawas a tamdaw a maemin i, mitengil to [ngihaˈ] ako.” (Yohani 18:37) Ano dotocen ita a “kasasisolol, kasasihepol,” o mitengilay to ngihaˈ ni Yis. (Kolosay 3:13; Luka 17:3, 4) Wa ngaˈayho kita misamaan a mitengil to ngihaˈ ni Yis hani? “Ano kangaˈayanto, ano katatiihanto a romiˈad i,” ˈifowaen patenak ko ngaˈayay a lihaf.​—2 Timoti 4:2. w19.03 10 fiedac 9-10 fatac