Pinengnengan to lalakaw no Mitosilay ato Nikaˈorip Rayray no Saˈopo
SAKA 4 FOLAD 13-19 ROMIˈAD
O ODOˈ KO KIMAD NO KAWAS | SATAPANGAN 31
“Ci Yakop aci Lapan Patirengay to Rihadayay a Katatelekan”
(Satapangan 31:44-46) O nika tatelek ita ko ngaˈay. ˈAtolen ita ko fakeloh a patireng to piharatengan to katatelekan ita,” han ni Lapan. 45 Saka, alaen ni Yakop ko cecay a fakeloh, patirengen ningra ko piharatengan a ˈotoc. 46 Papisaˈopoen ningra ko malininaay to fakeloh, taringen ningra a miˈatol, ta malacecay cangra i tatihi noya taring no fakeloh a komaen, mitaˈowak.
it-1 722 fiedac 5 fatac
Kaliit
Ci Yakop aci Lapan rihadayay a misaysay to kalacongis nangra, matatelek a tatosa. Alaen ni Yakop ko cecay fakeloh patirengen ko ˈotoc, palimoˈot to “salikakakaka” papitaringen to fakeloh, taringan palo cokowi alatek, ikor itiraay cangra a komaen, mitaˈowak. Tano Siriya a sowal pao “Yikar Sahatuta” hananay ni Lapan pangangan kora nitaringan a fakeloh, mihaenan a pangangan kora pala. Ci Yakop i, o “kaliit” hananay ni Yakop pangangan tono Hipray a ngangan. Sowal sa ci Lapan: “Anini, onini a taring no fakeloh [Hipray, gal] ko wacay [Hipray, ʽedh] ita to nika katatelekan ita.” (Satapangan 31:44-48) Orira mitaringan a fakeloh (ato ˈotoc) i, sapisawacay to mitaˈlifay a tamdaw. Matira to sowal i 49 sinael, ora mataringay a fakeloh o “Pitapalan [Hipray, mits·pahʹ],” misawacay to makahiyayto mararihaday ci Yakop aci Lapan, ikorto i, mamararihaday ko paro no lomaˈ nangra. (Satapangan 31:50-53) Ikoikor, mihaenan kalasaka dademak no tamdaw ko fakeloh a malo sapisawacay a dafong.—Yosuwa 4:4-7; 24:25-27.
(Satapangan 31:47-50) Panganganen ni Lapan koya taring no fakeloh, o “Yikar Sahatuta” han ningra. O “Kaliit” han ni Yakop. 48 Sowal sa ci Lapan ci Yakopan, “Anini, onini a taring no fakeloh ko wacay ita to nika tatelekan ita,” han ningra. Saka, Kaliit han konini a pala. 49 Pasowal haca ci Lapan, “Ikor no kalacinowas ita i, nanay tapalen no Tapang kita,” han ningra. Saka, Micpah han koya pala. 50 Patoor sa ci Lapan a somowal, Ano safayaˈen iso ko wawa ako, ano eca cifafahiho kiso to roma a fafahiyan, ano caacaay ka fanaˈ ko tamdaw, kafanaˈ kiso mitapalay ko Kawas titaanan.”
it-2 277-278 fiedac
Pitapalan
Oya mitaringan ni Yakop a fakeloh o “Kaliit” hananay, “Pitapalan” hananay ko roma a ngangan. Sanay ci Lapan ci Yakopan: “Ikor no kalacinowas ita i, nanay tapalen [ni Yihofa] kita.” (Satapangan 31:45-49) Oniniya mitaringan a fakeloh misawacayay to tatapalen ni Yihofa ci Yakop aci Lapan to tatatooren nangra ko katatelekan nangra hokira.
(Satapangan 31:51-53) Onini a nitaringan ita a fakeloh a miˈatol ko piharatengan ita a ˈotoc. 52 Onini a nitaringan a fokeloh atonini a piharatengan a ˈotoc ko mamipalal titaanan, caay ko mamilakowit kako tonini a nitaringan a fakeloh a milood i tisowanan, kiso koroma aka pilakowit tonini a nitaringan a fakeloh ano eca onini a piharatengan a ˈotoc a milood i takowanan. 53 Nanay ira ko Kawas ni Apraham ato Kawas ni Nahor a misawkit titaanan,” han ni Lapan. Ta mitoroˈ ci Yakop to ngangan no kangodoan no wama ningra ci Isak a Kawas a miketon to sowal, kaˈimeren ako a midoedo konini a niketonan a sowal saan.
Kadkaden ko Odoˈ no Sinael
(Satapangan 31:19) Masadak ci Lapan a misayit to fanoh no siri, yo awa i lomaˈ ciwama ni Rakil i, takawen ningra ko pinapina a samiyay no lomaˈ no wama ningra.
it-1 753-754 fiedac
Samiyay no Lomaˈ
Itini i Misopotamiya ato ingataay a kilakilacan, ono mikakorkoray tono litengan likisi a tamdaw mahelaay nangra ko makilimay lalakaw, patahkalay o samiyay no lomaˈ hananay i, milingatay to cacitodong a milayap to hafay no lomaˈ. Itini i Nuci makorkoray ko ditaˈ a sapad patahkalay, nolatekay o kadafo noya cisamiyay a lomaˈ, iraay ko fadangalan tayni i howing a misaali to hafay no wama no fafahi sanay. (Lalakaw no Likisi Nolitengan a Arapiyaay Kitiraan, mitiliday ci J. Pritchard, 1974, pp. 219, 220, ato ilaenoay safanaˈ 51) O sowal itira tora lalakaw, maharatengay ni Rakir alatek, tona misaˈfitay ko wama ci Yakopan, saka iraay ko lalangian ningra a miala tora samiyay no lomaˈ no wama. (Palalinien ko Satapangan 31:14-16.) Ora samiyay no lomaˈ tada masaka limlaan to sapilayapaw to hafay, mankora caloh sa ci Lapan a sapisaaliaw tora samiyay, hato kerid hanto ningra ko ˈalomanay salikaka milepel ci Yakopan, pito a romiˈad milepel ci Lapan. (Satapangan 31:19-30) Manaokaniw, ora demak ni Rakir, cowa ka fanaˈ ci Yakop. (Satapangan 31:32) ˈArawhan i, awaay ko harateng ni Yakop to sapiˈafasaw nai wawa ni Lapan to hafay ningra. Awaay ko manan a kalaliting ningra toya samiyay. Ikor ngaˈ, pafelian no paro no lomaˈ ci Yakop to polong a samiyay no ˈalafang, mitademanto ni Yakop koya samiyay i ilaeno no kilang ingata no Sikim. Itiyaayto a mafalah ko samiyay no lomaˈ ni Lapan.—Satapangan 35:1-4.
(Satapangan 31:41, 42) Lalet sa a tosa a poloˈ a mihecaan a matayal kako i lomaˈ iso, o sakacifafahiyaw ako toya tatosa a wawa iso saka, matayal kako i tisowanan to sepat ko safaw a mihecaan, o sapilayapaw ako to masafelaway a siri iso saka, matayal kako i tasowanan to enem a mihecaan. Talacowa mahaento ko kasasowal ita, nikawrira, kinamoetep kiso a mifalic to halifon ako. 42 Ano caay pikapot i takowanan ko Kawas no tatoˈasan ako ci Apraham ato kangodoan ni Isak a Kawas i, latek pawakawak han iso kako a papiliyas. Nikawrira, maˈaraw no Kawas ko roray no falocoˈ ako ato roray ako a matayal saka, kapoiˈen Ningra kiso i dadaya,” han ni Yakop.
(1 Pitiro 2:18) Kamo o malakuliay a tamdaw, kao naifalocoˈay namo ko nika ngodo namo to tapang a tamdaw a mihakelong. Aka kao ngaˈayay, damsayay a tapang a cecay ko kangodoen. Ano o mariˈangayto a tapang namo i, haenento ko nipihaklong namo.
w13 3/15 21 fiedac 8 fatac
Ci Yihofa—O Kamaroˈan a Kitiraan no Mita
8 Tangasato i Haran ci Yakop, mahemekay militemoh ko faki ci Lapan cingranan, ikor pafelian to tatosa fafahiyan wawa ci Yakop malo fafahi ningra. Ikor to cecay liyad a mihecaan, misafanaˈan ni Lapan ci Yakop, kina moetepay a mifalic to lifon ningra! (Satapangan 31:41, 42) Oniya kihcod mihadidiay ci Yakop, samanen pakasoˈlinay to dadipoten ni Yihofa cingra. Hay, soˈlinay dipotan no Kawas ci Yakop, ta palimoˈoten no Kawas papinokay tayra i Kanan i, ci Yakop “adihay ko masafelaway a siri ningra ato kuli ato lakuta ato lofa ningra.” (Satapangan 30:43) Tada miakoˈiday ci Yakop, mitolon to Kawas: “Caay ka tatodong kako a milayap to nipafelian Iso i takowanan a siniˈada ato nika soˈlin no demak Iso to saki takowanan o matayalay Iso. Iˈayaw i, edeng cecay aca ko cokor to nitatoyan ako a milakec to Yortan a ˈalo, anini sato i, tosato ko kasakapot no tamdaw to nikeridan ako a minokay.”—Satapangan 32:10.
Miˈosi to Sinael
(Satapangan 31:1-18) Matengil ni Yakop ko ngaliwngiw no wawa ni Lapan, sowal sa, “Miˈafas ci Yakop to polong no dafong no wama ita, o polong no dafong ningra i, ono wama ita a dafong a maemin,” saan. 2 Matengil ni Yakop ko ngaliwngiw no wawa ni Lapan, sowal sa, “Miˈafas ci Yakop to polong no dafong no wama ita, o polong no dafong ningra i, ono wama ita a dafong a maemin,” saan. 3 Itiya i, pasowal ko Tapang ci Yakopan, “Pinokayto kiso i niyaroˈ iso, katayra i tatoˈasan iso i salawinawina iso, mikapot Kako i tisowanan,” han Ningra. 4 Saka, ocoren ni Yakop ko tamdaw a papipasowal ci Rakilan aci Liyaan a papipatayni cangraan i pipakaenan ningra to siri a pala a malalitemoh. 5 Pasowalen ni Yakop cangra, “Mahapinang ako ko nika caayto ka matiya o iˈayaway a misangaˈay takowanan ko wama namo, nikawrira, mararid a mikapot i takowanan ko Kawas no wama ako. 6 Mafanaˈ kamo a tatosa to nika lalok ako a matayal ci wamaan namo, 7 nikawrira, misafanaˈ cingra i takowanan, kinamoetepto cingra a mifalic to lifon ako, nikawrira, caay pihai ko Kawas no wama ako to pisamsam ningra i takowanan. 8 Ano pasowal ci Lapan, ‘O cifulatikay a siri ko lifon iso,’ ano saan i, mahofoc a maemin ko masafelaway a siri to cifulatikay a tofor a siri, ano pasowal cingra, ‘O cifulisay a siri ko lifon iso,’ ano saan i, mahofoc a maemin ko masaflaway a siri to cifulisay a tofor a siri. 9 Alaen no Kawas ko masafelaway a siri no wama namo a pafeli i takowanan. 10 “Yo maraodto ko kalalamoan no masafelaway a siri a fulad i, maˈaraw ako i lemed ko nika sahto o cifulatikay, o cifulisay, o cifakaay a okang a siri ko milamoay. 11 Pasowal sa ko coyoh no Kawas i lemed i takowanan, ‘Yakopaw,’ saan. pacaˈof han ako, ‘Ini kako,’ han ako. 12 Pasowal sa Cingra, ‘Nengnengen, sahto o cifulatikay, o cifulisay, o cifakaay a maemin ko milamoay a okang a siri. Kako ko sakaira nonini a demak, nawhani maˈaraw Ako a maemin ko demak ni Lapan i tisowanan. 13 Oya paˈaraway tisowanan i Pitil a Kawas Kako. Mipatireng kiso itira to cecay a fakloh a ˈotoc to piharatengan, palosoˈen iso to olif a simal i fafaed nira, o romasato, pasayni kiso i Takowanan a miketon to sowal. Pilekakawato kiso imatini a minokay i kahofocan iso a pala,’ saan,” han ni Yakop. 14 Pacaˈof sa ci Rakil aci Liya ci Yakopan, “Caayto ko mamirocok kami to maan aca a dafong niwama niyam. 15 Pakotao sato cingra i tamiyanan. O nipacakayanto ningra kami, emin han ningra a komaen ko ˈaca niyam. 16 Oya nialaan no Kawas nai ciwamaan niyam a dafong i, ono mitato ato wawa ita. Doedo han ko sowal no Kawas i tisowanan a midmak,” han nangra. 17-18 Itiya i, maharekto a milkakawa ci Yakop to sapinokayaw i Kanan i ciwamaan ningra ci Isakan. Papidakawen ningra to lakuta ko wawa ato fafahi ningra a maemin, laopen ningra a mikerid ko polong no pinaˈorip ningra, hawikiden ningra a miala koya nisopedan ningra i Misopotamiya a dafong a romakat.
SAKA 4 FOLAD 20-26 ROMIˈAD
O ODOˈ KO KIMAD NO KAWAS | SATAPANGAN 32-33
“Mamisaˈicel Kiso to Sapilifokaw to Sapalemed Han?”
(Satapangan 32:24) Ta tahasiday cingra a cecay i aikor. Itiya i, ira ko cecay a tamdaw a miˈodot ci Yakopan, malaˈodot cangra tangasa i kataengadan to dafak.
w03 8/15 25 fiedac 3 fatac
ˈIfowaay Kiso Mingitangit ci Yihofaan Han?
Itini i Fangcalay Cudad adihayay ko matiliday to ˈifowaay mingitangit ci Yihofaan a ngaˈayay taˈarawan, o cecay i, ci Yakop. Misaˈicelay cingra miˈodot to malo tamdaway a coyoh, tangasa i dafak. Tona mieminay to ˈicel kodait mingitangit to sapalemed no Kawas, telocto i, malifokay ningra ko “Israil” hananay a ngangan (tatodong, kodaitay a misiˈayaw to Kawas o sanay). Palemedanto no coyoh ci Yakop to nika pisaˈicel ningra.—Satapangan 32:24-30 ato ilaenoay safanaˈ.
(Satapangan 32:25, 26) Mahapinang noya tamdaw ko nika caay ko mamalowid ningra ci Yakop saka, sekong han ningra ko pakah ni Yakop, saka, mapecoˈ ko pakah ningra. 26 Sowal sa koya tamdaw, “Mangatato a taengad, sawadento kako,” han ningra. Pacaˈof sa ci Yakop, “Ano caay pipalemed kiso takowanan i, caay ko sasawaden ako kiso,” han ningra.
it-1 186 fiedac
Mapiˈiw
Mapiˈiway ci Yakop. Maedeng 97 ko mihecaan ni Yakop malaˈodot ato malo tamdaway a coyoh, saka mapiˈiwto cingra. Cowa ka yoyang papiliyas to coyoh, tangasa makahi palemed ko coyoh i cingranan. Itini toniya noka laˈodot, sekong han no coyoh ko pakah ni Yakop, saka, mapecoˈ ko pakah ningra, piˈiw sato ci Yakop to hakelong no ˈorip ningra. (Satapangan 32:24-32; Hosiya 12:2-4) Somowal ko coyoh ci Yakopan “malaˈodot kiso ato Kawas ato tamdaw, pakalowid kiso” saan, mafanaˈay ci Yakop to cowa ko mamalowid ningra ko ciˈicelay a coyoh no Kawas. Pasalatan no Kawas ci Yakop malaˈodot ato coyoh, to sapisawacayaw ni Yakop to nika ˈifowa ko falocoˈ a mingitangit to sapalemed no Kawas.
(Satapangan 32:27, 28) Licay sa koya tamdaw, “Cima ko ngangan iso?” han ningra. Pacaˈof sa cingra, “Ci Yakop,” han ningra. 28 Somowal haca koya tamdaw, “Ikor nonini, caayto ka ci Yakop han kiso. Nawhani, malaˈodot kiso ato Kawas ato tamdaw, pakalowid kiso, saka, ci Israil han a mifalic ko ngangan iso,” han ningra.
it-2 920 fiedac
Israil
1. Maedeng 97 ko mihecaan ni Yakop pafelian no Kawas cingra to ngangan. Ta tayra ci Yakop miˈaraw to kaka ci Isauan i, i fatad no lalan to cecay dadaya, milakec cingra to Yapok a ˈalo i, iraay ko miˈodotay cingranan, ikor ngaˈ, mafanaˈay to o coyoh cingra. Tona ˈifowaay ci Yakop a miˈodot to coyoh, falic hananayto no Kawas ko ngangan ningra malo ci Israil, to wacay to nika pipalemed i cingranan. To sapiharatengaw toni kihcod, pangangan hananay ni Yakop to Piniil kora pala. (Satapangan 32:22-31; nengnengen ko YAKOP 1.) Ikorto, itiniay i Pitil ko Kawas miliyaw a mihayi toniya Israil a ngangan ningra. Naitiya misatapang, tangasa kapatayan ni Yakop, mararaiday tano Israil a pangangan ci Yakopan. (Satapangan 35:10, 15; 50:2; 1 Rayray 1:34) Oniya ngangan itini i Fangcalay Cudad kina 2,500 a masadak, kawra marariday tano ninian a mitoroˈ to kasakitakit no teloc ni Yakop.—Kasadakan 5:1, 2.
Kadkaden ko Odoˈ no Sinael
(Satapangan 32:11) Mingitangit kako i Tisowanan, paˈoripen kako a paliyas nai kamay no kaka ako ci Isau. Matalaw kako to kataynian ningra a milood i tamiyanan, latek halo fafahi ako ato wawa ako a patayen ningra a maemin.
(Satapangan 32:13-15) 13-15 Itira ci Yakop a milafin toya dadaya. Piliˈen ningra nai pinaˈorip ningra ko pinapina to malo sapafeli ningra ci kakaan ningra ci Isauan a sakangodo, tosa a soˈot (200) ko tawinaan a siri, tosa a poloˈ ko okang a siri, tosa a soˈot (200) ko tawinaan a lalifanohen a siri, tosa a poloˈ ko okang a lalifanohen a siri, tolo a poloˈ ko micocoayho ko wawa a tawinaan a lakuta ato tofor nanira, sepat a poloˈ ko tawinaan a kolong, moetep ko okang a kolong, tosa a poloˈ ko tawinaan a lofa, moetep ko okang a lofa.
w10 6/15 22 fiedac 10-11 fatac
Sidaˈitay a Sowal Pairaay to Sakararihaday
10 Ano sidaˈit ko sowal, mangaˈay ko nika sasowal ato tao i, o ngangaˈay a mitafo to ngaˈayay a noka lalaˈed. Soˈlinay haw i, ano misaˈicel kita tano waywayan a mararihaday ato tao. Patinakoen, kilimen ko hatoki a mipadang to tao, mikalingaˈay to tao, nolatek pafeli to sapakaolah dafong, paihkalto hinapaladaˈay i, o mamangata ko kalalaˈed ita ato tao. Ano mihaen kita to demak, misalomaingay to falocoˈ ningra, patahkal sato cingra to fangcalay waywayan. Telocto i, madoloto a misaysay to pasangaray a demak.—Loma 12:20, 21.
11 Mafanaˈay ci Yakop toninian. Tada maketeray ko kaka ci Isau i cingranan, matalaway to kakariˈangen no kaka, saka laliw sa cingra to lomaˈ. Ikor no pina a miheca, minokay ci Yakop tala niyaroˈ, ˈarawhan mikeriday ci Isau to 400 a tamdaw a militemoh cingranan. Oraanto i, ngitangiten ni Yakop ko sapadama ni Yihofa, ikor patayraen ko adihayay a pinaˈorip malo sapakaolah to kaka. Ora sapakaolah mitemeray to falocoˈ ni Isau, komaingto ko falocoˈ ningra, malalitemohto to safaan i, cikay sa cingra mitakec ci Yakopan.—Satapangan 27:41-44; 32:6, 11, 13-15; 33:4, 10.
(Satapangan 33:20) Patireng cingra itira to pipatoˈayaan, O “Ililohi-Israil” han ningra koya pala.
it-2 144 fiedac
O Kawas i, o Kawas no Israil
Malitemohay ni Yakop i Piniil ko coyoh ni Yihofa, falic hanto no coyoh pangangan to Israil cingra. Malalitemohto ci Yakop aci Isau i, mala ngaˈayayto cangra, ikor nora, itiniay i Sukot a maroˈ, ikor malinahay tayra i Sikim. Micakayan ko sera ni Hamor, patireng to pakopangan itira. (Satapangan 32:24-30; 33:1-4, 17-19) Patireng cingra itira to pipatoˈayaan, “o Kawas i, o Kawas no Israil” han ningra koya pala. (Satapangan 33:20) Pangangan ci Yakop tora patoˈayaan i, tano niyahan a faelohay ngangan “Israil” a pangangan, patahkalay to micadaay cingra toniya faelohay a ngangan, miakoˈiday to pipafeli no Kawas toniya faelohay ngangan, mikayat cingranan rihaday a minokay tayra i Mikiˈokan a Pala. “O Kawas i, o Kawas no Israil” sanay a sowal kinacecayay aca masadak i Fangcalay Cudad.
Miˈosi to Sinael
(Satapangan 32:1-21) Pararidho ci Yakop a romakat, yo i lalanho cingra i, litemohen no coyoh no Kawas cingra. 2 Maˈaraw ni Yakop cangra i, sowal sa, “O sufitay no Kawas konini,” saan. Saka, Mahanaim han ningra koya pala. 3 Ocoren ni Yakop ko tarokorokos ningra a paiˈayaw a tayra i Itom a pala a papinengneng ci kakaan ningra ci Isauan, 4 Pasowalen ningra cangra a papipasowal ci Isauan, “O sowal no tapang niyam o matayalay iso ci Yakop i, pasowalen ko tapang ako ci Isau, ‘Halafin kako a maroˈ ci Lapanan saka, ani:nito kako a minokay. 5 Irato ko kolong, o lofa, o lalifanohen a siri, o siri ato matayalay ako. Ocoren ako imatini ko tamdaw a papipasowal i tisowanan o tapang ako. Nanay, maolah kiso o tapang ako a mihamham i takowanan,’ saan,” han nangra. 6 Irato a minokay koya tarokos, sowal sa ci Yakopan, “Maˈarawayto niyam ko kaka iso ci Isau, palowadayto cingra a tayni, spat a soˈot (400) ko tamdaw to mihakelongay cingraan a militemoh i tisowanan,” han nangra. 7 Ckok sato a marawraw ci Yakop. Saka, oya mihakelongay cingraan a tamdaw i, palatosaen ningra a pasakapot, haenen ningra a palatosa koya lalifanohen a siri ato siri ato kolong ato lakuta a pasaflaw. 8 O harateng ningra i, “Ano looden ni Isau ko cecay a kasakapot i, maedengho a milaliw ko cecay a kasakapot,” o sanay ningra. 9 Sowal sa ci Yakop a mitolon, “Kawas no tatoˈasan ako ni Apraham, Kawas no wama ako ni Isak, nanay tengilenho ko pitolon ako. Tapangaw, Kiso ko pasowalay takowanan a papinokay i niyaroˈ i malininaay ako. O romasato, sangaˈayen Ako a palemed ko polong no demak iso saan Kiso. 10 Caay ka tatodong kako a milayap to nipafelian Iso i takowanan a siniˈada ato nika soˈlin no demak Iso to saki takowanan o matayalay Iso. Iˈayaw i, deng cecay aca ko cokor to nitatoyan ako a milakec to Yortan a ˈalo, anini sato i, tosato ko kasakapot no tamdaw to nikridan ako a minokay. 11 Mingitangit kako i Tisowanan, paˈoripen kako a paliyas nai kamay no kaka ako ci Isau. Matalaw kako to kataynian ningra a milood i tamiyanan, latek halo fafahi ako ato wawa ako a patayen ningra a maemin. 12 Nanay, haratengen Iso koya niktonan Iso a sowal, miketon Kiso to sowal i takowanan, ‘Palemeden Ako a palahci ko polong no demak iso, saˈalomanen Ako ko wawa ato teloc iso a matiya o nika adihay no tafok no riyar, caayto ko mamafilo no tamdaw a misaˈosi,’ saan Kiso,” saan ci Yakop a mitolon. 13-15 Itira ci Yakop a milafin toya dadaya. Piliˈen ningra nai pinaˈorip ningra ko pinapina to malo sapafeli ningra ci kakaan ningra ci Isauan a sakangodo, tosa a soˈot (200) ko tawinaan a siri, tosa a poloˈ ko okang a siri, tosa a soˈot (200) ko tawinaan a lalifanohen a siri, tosa a poloˈ ko okang a lalifanohen a siri, tolo a poloˈ ko micocoayho ko wawa a tawinaan a lakuta ato tofor nanira, sepat a poloˈ ko tawinaan a kolong, moetep ko okang a kolong, tosa a poloˈ ko tawinaan a lofa, moetep ko okang a lofa. 16 Pasafelafelawen ningra konini a pinaˈorip a pasasiiked, cecay ko kasafelaw i, cecay ko matayalay a misimaw. Pasowalen ningra cangra, “Iˈayawto kamo a romakat, o kasafelafelaw no pinaˈorip i, kakahaden ko kalalaˈed namo a romakat,” han ningra. 17 Pasowalen ningra koya saˈayaway a mikeriday a matayalay ningra, “Ano malitemoh iso ko kaka ako ci Isau, ano milicay cingra i tisowanan, ‘Cima ko tapang iso? Talacowa kiso? Nima a pinaˈorip konini a ikaˈayaway iso?’ ano saan i, 18 pacaˈof han cingra, ‘Ono matayalay iso ci Yakop konini a maemin, o sapafeli ningra to tapang ningra ci Isauan a sakangodo. Ira cingra i aikor niyam,’ han,” han ni Yakop. 19 Haenen haca ningra a pasowal koya saka tosa saka tolo a kasaˈalpad no rakat ato polong no milaopay to pinaˈorip a tamdaw, “Ano malitemoh namo ci Isau i, haenen ko pipacaˈof, 20 aka eca ka sowalen, ‘Ira i aikor ko matayalay iso ci Yakop,’ han,” han ningra. O harateng ni Yakop i, “Pakaynien ako tonini a sapafeli a sakangodo ko sapisolot to falocoˈ ni Isau a pakaolah, ta ano malalitemohto kami a masasiˈaraw i, latek sololen ningra kako,” o sanay ningra. 21 Saka, paiˈayaw han ningra ko sapafeli a sakangodo a romakat, tahasidayho cingra i taloˈan a milafin toya dadaya.
SAKA 4 FOLAD 27 –5 FOLAD 3 ROMIˈAD
O ODOˈ KO KIMAD NO KAWAS | SATAPANGAN 34-35
“Tatiihay Cawmaˈ Kasomadan ko Teloc”
(Satapangan 34:1) Yo cecay a romiˈad, masadak ci Tina o fafahiyan a wawa ni Yakop aci Liya a milisoˈ to itiraayto a fafahiyan.
w97 2/1 30 fiedac 4 fatac
Sikim—Niyaroˈ i Tonoˈ
Oniya limocedan a fafahiyan marariday a milisoˈ, latek cecayay cingra tayra, o kapah noya niyaroˈ samaanay ko pinengneng cingranan hani? O cecay wawa no kakitaan, “maˈaraw ningra ci Tina i, tengteng han ningra a miˈodang cingra.” Misamaanay hano cawmaˈen ni Tina ko cowa pakomaan to madadiˈiyay a demak a Kanan a tamdaw, paira to katalawan a demak hani? Samanen maolahay cingra minaˈol to selal ningra a fafahiyan han? Anca malecaday cingra to kaka ningra, sano niyahan saan ko demak han? ˈOsien ko matiliday i Satapangan, haratengen to samaanay ko falocoˈ ni Yakop aci Liya. Tona tayraay i Sikim a misalama maˈodang no tao, oniniya demak maedeng masomaday ko falocoˈ, pakangodoay cangranan.—Satapangan 34:1-31; 49:5-7; nengnengen ko w85-CH 12/15, 29-30 fiedac.
(Satapangan 34:2) Ira ko kakeridan no itiraay a niyaroˈ ci Hamor o Hifi a tamdaw, Ira ko cecay a wawa ningra to faˈinayan, ci Sikim ko ngangan ningra, maˈaraw ningra ci Tina i, tengteng han ningra a miˈodang cingra.
lvs 124 fiedac 14 fatac
“Ka Piliyas to Maˈodangay!”
14 Dotoc midemakay ci Sikim to cecay demak, o pinangan sanay cingra minengneng, cowa ko mararaway. Maolahay cingra ci Tinaan, ‘tengteng hananay cingra, miˈodang cingraanan.’ (ˈOsien ko Satapangan 34:1-4.) Oniya mararaway demak mifekaday ko malalitingay a demak, ci Tina pairaay to pakidemay a teloc ningra ato paro no lomaˈ.—Satapangan 34:7, 25-31; Kalatiya 6:7, 8.
(Satapangan 34:7) irato a minokay ko wawa ni Yakop nai palapalaan. Matengil nangra konini a demak i, keter sato cangra, o piˈodang ni Sikim to kaying no lomaˈ ni Yakop i, o cecay no pisamsam to Israil a kaacekan a demak saan.
(Satapangan 34:25) Saka tolo a romiˈad, yo misemsemho koya faˈinayan to adada tona makerit i, dokdok sa a micomod i niyaroˈ ko tatosa a wawa ni Yakop ci Simiyon aci Lifi o tadakaka ni Tina, mitatoy cangra to funus. Patayen nangra a maemin ko polong no faˈinayan noya niyaroˈ.
w09 9/1 21 fiedac 1-2 fatac
Ano Mapakararaw no Tao Kiso . . .
Ano mapakararaw, tatiihay ko harateng, tocerid sapisalofaw to hatiniay harateng misaˈosiay ko tamdaw a miˈodis. Itini Fangcalay Cudad iraay ko hatiniay a tinakoan. Mafanaˈ ko faˈinayan wawa no ngangasawan no Hipray tamdaw ci Yakop to miˈodangan no Kanan tamdaw ci Sikim ko safa ci Tina, ‘Adadaay ko falocoˈ, tada maketeray.’ (Satapangan 34:1-7) O tatosaay a wawa ci Simiyon aci Lifi papatado to safa a miˈodis to paro no lomaˈ ni Sikim, misafacoay micomod i niyaroˈ ni Sikim, mipatay ci Sikiman ato polong a faˈinayan noya niyaroˈ.—Satapangan 34:13-27.
Maharek toniya pihadefek, mahererekayto ko demak han? Mafanaˈ ci Yakop to nano demak no tatosaay a wawa i, sanay mirikec cangranan: ‘Tada pakarorayayto kamo i takowanan, pakaditay takowanan i lalomaˈ noniya niyaroˈ, malecad o maponiˈay, kapiliˈen no tamdaw. Ano mala komod cangra a milood titaanan i, o saka tekopto no polong no lomaˈ ita.’ (Satapangan 34:30) Ci Simiyon aci Lifi midemak to miˈodisay, cowa pisaysay to pasangaray, mifekaday ko pakidemay a pasangaray, calemcemayto ko paro no lomaˈ to ˈaˈodisen no mangoraway a Kanan tamdaw. Ano nengnengen, sapicongedaw ko Kawas toniya demak, palimoˈotay ci Yakopan mafolaw tayra i Pitil.—Satapangan 35:1, 5.
Kadkaden ko Odoˈ no sinael
(Satapangan 35:8) Mapatayto koya midipotay ci Ripikaan a ina ci Tipora, tademen cingra i katimol no Pitil i kalaeno no cidek a kilang, saka, “O katomangican a kilang,” han koya cidek a kilang.
it-1 355 fiedac 9 fatac
Tipora
1. O midipotay ci Lipikaan. Miliyas ci Lipika to lomaˈ no wama ci Pitoli, tayra i Palestan malo fafahi ni Isak, mihakelongay ci Tipora itiya. (Satapangan 24:59) Itini lomaˈ ni Isak pinaay miheca ci Tipora a midimokos ci Lipikaan; mapatayto ci Lipika i, tayraayho ci Tipora i lomaˈ ni Yakop a matayal alatek. Ano nengnengen mararamod ci Lipika aci Isak maedeng 125 miheca, itiyaay mapatay ci Tipora, mitademan i laeno no taˈangayay kilang no Pitil. Panganganan ni Yakop koya kilang to ‘Yalongpako,’ tatodong i, ‘tomangicay a kilang,’ mahapinangay tangongolay ko
(Satapangan 35:22-26) Yo itiraho toya pala a maroˈ ci Yakop i, diˈien ni Riupin o fisac a wawa ningra ko kapi ningra ci Pileha. Matngil ni Yakop konini a demak i, tataˈang ko keter ningra. Tosa ko safaw no wawa ni Yakop. 23 O nihofocan ni Liya to fisac a wawa ni Yakop i, ci Riupin, doedo sa i, ci Simiyon, ci Lifi, ci Yuta, ci Isakar aci Cipulun. 24 O nihofocan ni Rakil i, ci Yosif aci Pinyamin. 25 O nihofocan no fafahiyan a kuli ni Rakil ci Pileha i, ci Tan aci Naftali. 26 O nihofocan no fafahiyan a kuli ni Liya ci Cilpa i, ci Kat aci Asir. Onini a wawa i, o nihofocan i Misopotamiya a maemin.
Salicay no Miˈosiay Tamdaw
Nolitengan Israil, o kadadoedo no tatoˈasan ni Misiya, sahtoay o cinganganay to fisac a wawa han?
Hato matatodongay to Hipray 12:16, tora sinael somowalay ‘caay ka ngodo to fangcalay demak no Kawas’ ci Isaw, hato “falic han ni Isaw to cecay a kaen ko todong no sapirocok ningra a fisac a ngangan.” Toni sinael maˈaraway ita, milifokay ci Yakop to “fisac a ngangan”, saka mala tatoˈasanto ni Misiya cingra sanay.—Matay 1:2, 16; Luka 3:23, 34.
Nikawrira, ano sinanoten ko pina maˈoningay i Fangcalay Cudad, mamafanaˈ o matiliday kadadoedo no tatoˈasan ni Misiya, cowa ka sahto saan o fisac a wawa. Haratengen ko ilaenoay a tinakoan:
O fisac wawa ni Yakop (Israil) ci Riupin, nihofocan ni Liya. Ikor, saka cecay wawa no kanonoˈan a fafahi ni Yakop ci Rakil i, ci Yosif. Midemak to karetengay raraw ci Riupin i, pataynian ci Yosifan ko cinganganay to fisac a wawa. (Satapangan 29:31-35; 30:22-25; 35:22-26; 49:22-26; 1 Rayray 5:1, 2) O matiliday a kadadoedo no tatoˈasan ni Misiya, cowa ci Riupin, cowa ci Yosif, na oya nihofocan ni Liya a saka sepat wawa ci Yuta.—Satapangan 49:10.
Miˈosi to Sinael
(Satapangan 34:1-19) Yo cecay a romiˈad, masadak ci Tina o fafahiyan a wawa ni Yakop aci Liya a milisoˈ to itiraayto a fafahiyan. 2 Ira ko kakeridan no itiraay a niyaroˈ ci Hamor o Hifi a tamdaw, Ira ko cecay a wawa ningra to faˈinayan, ci Sikim ko ngangan ningra, maˈaraw ningra ci Tina i, tengteng han ningra a miˈodang cingra. 3 Makapahen ci Sikim ci Tinaan saka, masolot ko falocoˈ ningra, sapisolotan cingra to falocoˈ ni Tina to sakaolahaw ningra cingraan. 4 Ngitangiten ningra ci wama ningra a somowal, “Nanay patadoen kako a miharateng to sakacifafahiyaw ako tora kaying,” han ningra. 5 Mafanaˈto ci Yakop to nika maˈodang no tao ko wawa ningra. Itiya i, itira i palapalaan a misimaw to pinaˈorip ko wawa ningra to faˈinayan saka, terep sa cingra, tala sa cingra to pinokay nangra. 6 Yo tayni ci Yakopan ko wama ni Sikim ci Hamor a patado to wawa ningra a milongoc to sakararamodaw i, 7 irato a minokay ko wawa ni Yakop nai palapalaan. Matengil nangra konini a demak i, keter sato cangra, o piˈodang ni Sikim to kaying no lomaˈ ni Yakop i, o cecay no pisamsam to Israil a kaacekan a demak saan. 8 Sowal sa ci Hamor cangraan, “Maolah ko wawa ako ci Sikim to kaying no lomaˈ namo, nanay hayda han namo ko kararamod no wawa ako ato cingra. 9 Haydaen ita ko kararamod ita a tosa a finacadan, ci fafahi kami to fafahiyan namo, ci fafahi kamo to fafahiyan niyam. 10 Ta mangaˈay kamo a maroˈ i pala niyam, namo han a harateng a mikilim to kamaroˈan namo, namo han a harateng a patiyam, micakay to omah,” han ningra. 11 Doedo sa i, toeto sato ci Sikim a milongoc to wama ni Tina ato salikaka ningra, “Nanay kangodoenho kako, ano o maan ko nilongocan namo i, hai han ako a maemin. 12 Ano mihaydaho kamo to sakararamodaw ako ato kaying no lomaˈ namo i, ano omaan ko nilongocan namo a sapatapang i, mihai kako a midoedo a pafeli tamowanan,” han ningra. 13 O wawato ni Yakop i, tona mipaacek a miˈodang ci Sikim to safa nangra ci Tinaan, saka, samangahen nangra a pacaˈof ci Sikim ato wama ningra ci Hamor. 14 Pasowal sa cangra, “Caay ka ngaˈay kami a pafaˈinay to safa niyam to caayho ka kerit a tamdaw, o hatiniay a demak i, o cecay no pakangodoay tamiyanan. 15 Ano mihai kamo to sowal niyam i, mihai kami to longoc namo, kamatiya kamo tamiyanan a milayap ko kahacecay a faˈinayan a maemin to kerit a lisin. 16 Ta, mihai kami a macacamol ko kararamod ita, maroˈ kami i lalomaˈ no pala namo, ta malaccayto ko finacadan ita. 17 Ano caay pihai kamo to sowal niyam a milayap to kerit a lisin i, ala hanto niyam ko safa niyam a miliyas itini,” han nangra. 18 Harateng sa ci Hamor ato wawa ningra ci Sikim o matatodongay konini a sowal saan. 19 Ona kapah i, o kangodoan no paro no lomaˈ ningra a tamdaw, talaˈayaw ko rafraf no olah ningra toya wawa ni Yakop saka, tangsol sa cingra a mihai a midoedo a midemak toya sowal nangra.