O KAˈORIP NO KRISCIYANG
Tano Harateng ni Yihofa ko Pinengneng to Niyah
‘Maolahay ci Yihofa to finawlan Ningra.’ (ˈOlic 149:4) Soˈlin cowa ko malefotay kita, kawra kamayan ci Yihofa misinanot to kangaˈayan ita ato cowa ka hapinang ita a inaneng. Nolatekay pasangaray kita matatodong ko pinengneng to niyah. O pinengneng no tao kitanan, hato awaay ko kapo no niyah, sanay. Alatek pakayniay kita i midemakay a raraw, makesemayho ko falocoˈ, cisasaay ko falocoˈ cowa ka olah ci Yihofa kitanan. Ano mahaen i, samaanto hani?
Aka mapawan, mafanaˈay ci Yihofa to harateng no tamdaw, o kacipinang Ningra ikakaay to niyah. (1 Samuil 16:7) Mifanaˈay ko Fangcalay Cudad kitanan, samaanay ko pinengneng ni Yihofa. Ano misongilaˈ kita a miˈosi to Fangcalay Cudad, wa mahapinang ko tada maolahay ci Yihofa to kahacecay midokoay Cingranan a tamdaw.
NENGNENGEN KO IKA FOHATEN KO FALOCOˈ I KAˈAYAW NI YIHOFA, IKOR PACAˈOFEN KO ILAENOAY SALICAY:
Itini “misiˈayay comikay” ato “wama” a sapatinako, mahapinang ita, samaanay ko pinengneng ni Yihofa kitanan?
Ano mihayi ko niyah midemak to pakidemay a raraw i, talaˈayaw a misalof to kalalaˈed ci Yihofaan ko niyah, hano wa ngaˈayto ‘rihaday ko falocoˈ i kaˈayaw no Kawas’ hani?—1 Yohani 3:19, 20
Miˈosi ato midotim to nalifetan ni Tafiti aci Yihosafat i, samaanay pakalalok to i ikaay a salikaka hani?