INU NKWEEN̄ 4

Isasa Baibul Irọ Inu Me Oniin̄ Onwọnwọn

Matiyu 22:41-45

ME MGBIDIM: Sabum obofuk ere Baibul, dasi neen̄ ejit ebi ikigban̄ owu.

Keek mkpọ orọrọ okebifuk ere Baibul. Kpa ere Baibul geelek obofuk me ubọk mokọtbe itaba olilọk mè irọ inyi ogwu okigban̄ owu imun̄ lek inu okukup ufiak me ere obofuk ya.

Riọọn̄ ubọk gban̄ mkpọ ikitumu. Bak erieen̄ ogwu okitumu usem ya tat mè bak si erieen̄ ogwu ogege ikpa Baibul ya tat.
Kibak Baibul kubọk ire ere usem kwun̄ okinan̄a. Osikitumu usem inyi ebi ichechieek me lek Awaji, kisa nkeek kiban̄ fo lek Baibul kubọk ire Usem Awaji, sa me ikeya okijeen̄ ibe ke ire emen Baibul ke ekikaan̄ iriọọn̄-inu omimin ichit.
Riki olilọk ebi ikigban̄ owu me lek Baibul. Do idodo eyi Baibul monyibe ufọọk-otu, bak ufialek ge eyi Baibul obokọt itap ubọk irọ inyi ene, miya ire bak onineen̄ ge eyi Baibul motapbe ubọk irọ me ema egobo etet.

Kikeek mkpọ ebi ikigban̄ owu ewuukbe lek iriọọn̄ ofolek ibot usem ya mè inu Baibul okpabe. Ikerere ere Baibul ewuukbe lek iriọọn̄, tumu me ubọk morebe ene ejit, mè rọ inyi ebi ikigban̄ owu eyaka egobo ere ya etet me oniin̄ oyaka ikup ayaya me lek kiban̄.