INU NKWEEN̄ 37

Inu Baibul Otumube Ofolek Ikwaan̄ mè Ikpoko

Printed Edition

Ire owuuk lek ikaan̄ sasaak ofolek ikwaan̄ mè iyaka ire ikpoko ni? Mokọt ikiyọt ikekikpọ chieen̄ me lek ufiak kiji mè ikinyi Jioba ata ntọbọ-ebum eyi iweekbe. Baibul inyi ata nteme echi obokọt itap ubọk inyi eji.

1. Keke ke Baibul otumu ofolek ikwaan̄?

Awaji iweek ibe eji enwọọn̄ ikwaan̄ kiji. Baibul ibe ke “kpunu inu ònwọnwọn inyi ogwu ebilene igak . . . imumun̄ utop ònan̄a me lek ikwaan̄ kan̄.” (Ogwu Etip 2:24) Jioba ire ogwu okitap efuuk isi ikwaan̄. Eji esikigọọk akpat ukot kan̄ sa me ikekigbala chieen̄ isi ikwaan̄, eji mekirọ inyi Awaji ikibele ejit, eji si mekikaan̄ ujot owot.

Ikwaan̄ ikup ufiak. Ire, eji ekachieek ibe ikup ufiak igak ntọbọ-ebum kiji inyi Jioba. (Jọn 6:27) Awaji ichieek use ibe ke ọmọ mokpọ chieen̄ me lek ufiak kiji ire eji imọnọ ọmọ kubọk adasi inu me ugwem kiji.

2. Keke ke Baibul otumu ofolek ikpoko?

Ikerere ibe ke Baibul igwen ikpoko “okwukwek,” itaba eji si ubọk me utọn̄ ibe ke ikpoko gaalek ikpobokọt inyi eji ubelejit. (Ogwu Etip 7:12) Eya orọ Baibul otemebe eji ibe ekama ikpoko, kpan̄asi ikeya, eji ‘etele ibe inu eji ekaan̄be iso eji.’ (Fuk Ebi Iburu 13:5.) Ire eji ekitele ibe inu eji ekaan̄be iso eji, eji kpebekikaan̄ sasaak mije ibe ke eji ekiweek ikakaan̄ igbaalek. Eji kpebekikaan̄ owuwa urieek. (Urọk 22:7) Eji mekijit ikekifit chacha mè ikekitap lek me lek ikakaan̄ ikpoko ugwat ugwat.

3. Ike owa ke eji ebesa ikichili ubọk?

Jioba ire Awaji okichili ubọk, eji ekigọọk akpat ukot kan̄ me mgbọ eji ‘ekichili ubọk mè ikikaan̄ ejit icheche inu inyi ene.’ (Timọti Eyi Adasi 6:18) Eji mekọt ikichili ubọk sa me ikekisa ikpoko kiji ikibieen̄ ntitiin̄ inye mè ikitap ubọk inyi ebi ikup me una, ogak ge ebi bọn ute. Inu okup ufiak ichit inyi Jioba ikare otu ifuk ikpoko eji ekinyi, ire ejit eji esabe ikinyi. Mgbọ geelek eji ekichili ubọk inyi mkpọ inan̄a me ejit kiji, eji mekaan̄ ubelejit mè irọ ibe Jioba si ibele ejit.—Fuk Ikwaan̄ 20:35.

KWEEN̄ GBAALEK

Kpọ oruru okukup me lek imumun̄ ikwaan̄ me oniin̄ ogbegbe mè ikekitele ibe inu eji ekaan̄be iso eji.

4. Kimin Jioba inan̄a me lek ubọk okisi ikwaan̄

Mgbaan̄je kiji melek Jioba ikikaan̄ mgbaan̄ me lek ubọk eji ekisa isi ikwaan̄. Fit FIDIO yi, mè igbaan̄ ikpa idodo chi ogọgọọk.

FIDIO: Kisa Otutuuk Ejit Kwun̄ Kisi Ikwaan̄ Nyi Jioba (4:39)

Me emen fidio yi, keke otop owu me lek ofolek ubọk Jason okimun̄ ikwaan̄ mè eru ikijeen̄ me ere ikwaan̄?
Keke ke irọ isasa imun̄ ikwaan̄ me oniin̄ ogbegbe?

Fuk Ebi Kọlọsi 3:23, 24, mè igbaan̄ ikpa idodo yi:

Keke orọ ubọk eji ekimun̄ ikwaan̄ okupbe ufiak?

Ogugo: Ogwu enerieen̄ okimun̄ ikwaan̄ kan̄ kubọk adasi inu me ugwem kan̄. 1. Ikisi ikwaan̄ me ewelegwe. 2. Ibia me ere ikwaan̄ mege ire ikakwun̄. 3. Ikup inye ikisi ikwaan̄ me mgbọ ebi melek kan̄ ekisi ikwaan̄ efobe uwu. 4. Ikirie inọrie ikakwun̄ ọmọ gaalek me uwu.

Ikwaan̄ ikup ufiak. Ire, eji ekachieek ibe ikup ufiak igak ntọbọ-ebum kiji inyi Jioba

Ogugo: Ogwu enerieen̄ yaage okisan̄a mgbọ isibi isa inyi inu okukup ufiak. 1. Ikisi ikwaan̄ me ewelegwe. 2. Ikifo uwu me mgbọ ikwaan̄ otabe me usen ya. 3. Ibene ubọk ibofọọk ikọ me nkween̄mkpọ ntitiin̄. 4. Ikirie inorie ikakwun̄ melek nwa kan̄ mè nsabọn iba kan̄.

5. Itetele ibe inu eji ekaan̄be iso eji ikirọ eji oruru

Owuwa ebi ene ekisa ikakaan̄ owuwa ikpoko. Ire, ikare inu Baibul obe eji erọ ire eya. Fuk Timọti Eyi Adasi 6:6-8, mè igbaan̄ ikpa idodo yi:

Keke ke Baibul otap eji efuuk me owot ibe erọ?

Ikerere ibe eji kpekaan̄ iwa, eji mekọt ikaan̄ ubelejit. Fit FIDIO yi, mè igbaan̄ ikpa idodo yi ogọgọọk.

FIDIO: Kaan̄ “Ujot Owot Me lek Inu Okaan̄be” (3:20)

Ikerere ibe ke ema kpekaan̄ ikpoko iwa, keke orọ mè ebi ototun̄ ukan̄ chi ekaan̄ ubelejit?

Ire eji ikaan̄ iwa mè ikiweek igbaalek ye? Jisọs ikpa unan okup me lek eru yi. Fuk Luk 12:15-21, mè igbaan̄ ikpa idodo yi:

Keke ke okween̄ me lek inu ntọt-me-lek Jisọs yi?—Kpọ agba eyi 15.

Fuk Urọk 10:22 mè sa tọt me lek Timọti Eyi Adasi 6:10. Mè igbaan̄ ikpa idodo chi:

Eyi owa onwọn igak? Irere unene Jioba sa ikakaan̄ owuwa ikpoko? Keke orọ ofọọkbe ikeya?
Kpasi ufialek okup me lek iweweek ikpoko mgbọ geelek?

6. Jioba mokpọ chieen̄ me lek ufiak kiji

Ufialek ikwaan̄ mè ikpoko mokọt itọ ichechieek kiji me lek Jioba ikpọ. Fit FIDIO yi inyi omun̄ ubọk eji ebekọt isa itim igak ntọ-mkpọ yi, mè igbaan̄ ikpa idodo chi ogọgọọk.

FIDIO: Jioba Mokpọ Chieen̄ Me Lek Ufiak Kiji (6:21)

Me emen fidio yi, kpasi rumurumun̄ ke gwun̄ ute ya ochichini?
Keke ke irọ isasa itim igak rumurumun̄ cha?

Fuk Matiyu 6:25-34, mè igbaan̄ ikpa idodo yi:

Keke ke Jioba ochieek irọrọ inyi ebi geelek itoto ọmọ kubọk adasi inu me ugwem kiban̄?

USINI ENE EKIBE: “Igbe ibe ntap efuuk nsi ikwaan̄ inyi nkọt mkpọ chieen̄ me lek ebi ototun̄ ukan̄ n̄a. Eya orọ, mkpabakọt ikisi nkween̄mkpọ ntitiin̄ nde geelek.”

Ere Baibul owa orọ ibe ochieek ojaan̄ ibe ke itoto ntọbọ-ebum kwun̄ inyi Jioba kubọk adasi inu ore ntumu-mfieek onwọnwọn ichit?

ME MGBIDIM

Ikwaan̄ mè ikpoko ikup ufiak, ire, eji ekachieek ibe inu chi irọ mè eji ekpọ chieen̄ elọ me lek itọtọbọ ebum inyi Jioba.

Idodo

Keke obotap ubọk inyi owu okomun̄ ikwaan̄ me oniin̄ ogbegbe?
Ike owa ke itetele ibe inu okaan̄be iso owu obosa ikirọ owu oruru?
Ike owa ke obosa ikijeen̄ utoon̄-ejit kwun̄ me lek use Jioba ibe ke mokpọ chieen̄ me lek ebi eyi kan̄?

Usen nkween̄be inu nkween̄ yi isan̄a:

Inu Obokọt Irọ

Kpọ-nu mè ire ikwaan̄ kwun̄ irọ ibe oban nkween̄mkpọ ntitiin̄ owuwa mgbọ me onyan̄ inen mè inen oraraka. Ire ikeya, dọmọ ubọk obosa ineen̄ irek yi isun̄.

Ofifi si:

Your other goal

WEEK

Kpọ-nu mè ire Baibul itumu ibe ikpoko ire ijo inu.

“Is Money the Root of All Evil?” (Web article)

Kween̄ mbet lek inyinyi okibele Awaji ejit.

“What Does the Bible Say About Giving?” (Web article)

Ire unan omaan̄ me lek ififit chacha ni?

“The Bible’s Viewpoint—Gambling” (Awake!, March 2015)

Kpọ inu obebieen̄ ogwu owuwuuk lek ikifit chacha mè ikichiin̄ inọ ibe inwene ugwem kan̄.

“I Was Passionate About Racehorses” (The Watchtower, November 1, 2011)