Watchtower INTERNET MÜLEYECHI LIFRU
Watchtower
INTERNET MÜLEYECHI LIFRU
mapudungun
ü
  • ñ
  • Ñ
  • ü
  • Ü
  • BIBLIA
  • FILLQUE PUBLICACION
  • FILLQUE TRAHUN
  • w19 marzo pag. 26-28
  • Küme chengen: ¿chumngechi doy küme chengeafuiñ?

Ngelai video tüfachi troquiñ meu.

Müna huesa, pepi pengelngelai ti video.

  • Küme chengen: ¿chumngechi doy küme chengeafuiñ?
  • Ti Werken Kimeldungumekey Jewba ñi Ngünenien (ñi chillkatungeal) 2019
  • Fillque subtitulo
  • Ca femngechi dungu
  • ¿CHUMKEY PU KÜME CHENGELU?
  • “JEWBA KÜME PIWKENGEY”
  • KÜMEKE DUNGU FEMÜRPUAIÑ
  • PU KÜME CHENGELU LLOWAY KÜMELKAN
  • Cüme piuquengeaiñ
    Ayühun mu ülcantulelafiyiñ ta Jehová
  • Peaiñ chumngechi taiñ cümelcaqueteu Jehová
    Ti Werken Kimeldungumekey Jewba ñi Ngünenien (ñi chillkatungeal) 2021
Ti Werken Kimeldungumekey Jewba ñi Ngünenien (ñi chillkatungeal) 2019
w19 marzo pag. 26-28

Küme chengen: ¿chumngechi doy küme chengeafuiñ?

  • PIWKEYEFENGEN

  • AYÜWÜN

  • KÜME TÜNGÜN

  • ÑOCHI DUAMPIWKENGEN

  • FÜRENECHEN

  • KÜME CHENGEN

  • MUPILTUN

  • ÑOM DUAMNGEN

  • KIM NGÜNENIEWAL

KOM iñchiñ ayükeiñ küme chengen taiñ trokituaetew kakelu che. Welu famülke mu küdawngey ta küme chengeal. ¿Chumngelu kay (chemu)? Fentren che kayñetukefi “kom küme nor dungu” (2 Tim. 3:3). Fey famentukefingün Jewba tañi werkün dungu, feymu ti “wedake dungu” küme dungu trokikefi ka ti “kümeke dungu” weda dungu trokikefi (Is. 5:20). Kafey küdawtuafuiñ küme chengeal taiñ wedake rupan kuyfi mu ka taiñ kulpafe chengen. Feymu rakiduamürpuafuiñ kiñe lamngen reke poyekefilu ta Jewba fentren tripantu. Kidu feypi: “Küme chengealu trokiwkelan”.

Welu müley kiñe küme dungu. Kom iñchiñ küme chengerpuafuiñ, llowliyiñ Chaw Ngünechen ñi newen. Tüfa ta doy newen-ngey chem dungu mu rume taiñ katrütuaetew ñi küme chengeal. Ngüneduamaiñ ñi chumken pu küme chengelu ka chumngechi doy küme chengerpuafuiñ.

¿CHUMKEY PU KÜME CHENGELU?

Pu küme chengelu küme piwkengey, lif mongen niey ka kümeke dungu müten femkey. Kafey kintukey chumngechi kelluafiel ka kümelkayafiel kakelu che.

Welu ñi küme chengeal, ¿kümelkayafiyiñ taiñ pu che ka taiñ pu weni müten pemay? Femlay tati, taiñ küme chengeam Jewba tañi adkiñ mu müley taiñ femal fillke dungu. Welu kiñeke mu welulkayafuiñ ka wedalkayafuiñ. Biblia feypi: ‘Kom iñchiñ ta rume kulpakeiñ’ (Sant. 3:2). Kafey, apostol Pablo rüf piwke mu feypi: “Iñche küme kimnien ñi pepi femkenon nor dungu, iñche mew am ngenolu chem küme dungu no rume” (Rom. 7:18). Feymu lle, taiñ doy küme chengeal ngüneduamaiñ Jewba ñi femün, kidu mu küpalu kay ta küme chengen.

“JEWBA KÜME PIWKENGEY”

Chaw Jewba feypikey chem dungu ñi kümen. Kiñe wirintukulu salmo feypifi ta Jewba: “Eymi küme piwkengeymi ka kümeke dungu femkeymi. Kimeltuen tami werkün dungu” (Sal. 119:68). Feytachi versikulo feypi epu falin dungu Jewba tañi küme piwkengen mu, ngüneduamafiyiñ.

Jewba küme piwkengey. Jewba turpu fentekünukelay tañi küme piwkengen. Ngüneduamaiñ chem ñi rupan kuyfi. Jewba feypifi ta Moyse ñi pengelelafiel tañi küme piwkengen. Fey Jewba pengelfilu ta Moyse tañi fütra küme felen ka tañi küme piwkengen, allküy kiñe dungun feypilu: “Jewba, Jewba, kiñe Ngünechen kutranduamyechekelu, kutranpiwkeyechekelu, ka lladküfemkenolu, rume piwkeyechekelu ka rüfngelu, nor piwkeyekefilu ta warangkakechi pu che, wiñoduamtukefilu welulkan, weda femün ka ti kulpan, welu ngünewlayay ñi kastigayafiel feyti kulpakelu” (Ex. 33:19; 34:6, 7). Tüfa kimfalkünuy kom tañi femün mu Chaw Jewba pengelkey ñi küme piwkengen. Kafey, mülepalu Jesus Mapu mu fente küme chengefuy rume, welu tañi Chaw Jewba mu feypi: “Kiñeley müten tati küme piwkengelu” (Mat. 19:17).

Kiñe chaw ñi fotüm engu adkintupefi Jewba ñi dewmael

Kom ñi dewmael ta Jewba pengelkey ñi küme piwkengen

Jewba kümeke dungu femkey. Chaw Dios kümelkaley kom tañi femün. Biblia feypi: “Jewba küme piwkengey itrokom che mu, ka tañi kutranpiwkeyechen kimfali kom tañi femün mew” (Sal. 145:9). ¿Chumngechi pengelkey Jewba ñi küme piwkengen? Kidu dullintuchekelay, fey elukefi mongen tati pu che ka kom tañi duamnieel (Hecho 14:17). Kafey Jewba wiñoduamtukeeiñmu. Kiñe wirintukulu salmo feypi: “Awem Jewba, eymi am küme piwkengeymi ka pepikawküleymi tami wiñoduamtual” (Sal. 86:5). Feymu maneluwafuiñ llemay, taiñ küme Chaw rüküniekelafi chem küme dungu no rume ti pu che wedalkakenolu (Sal. 84:11).

KÜMEKE DUNGU FEMÜRPUAIÑ

Jewba dewmaeiñmew kay iñchiñ fey inayentuafuiñ ñi chumngen, feymu küme chengerpuafuiñ ka kümeke dungu femürpuafuiñ (Gén. 1:27). Welu Jewba ngülamtukeeiñmu ñi kim femürpual kümeke dungu (Is. 1:17). Fey, ¿chem kelluafeiñmu ta doy küme chengerpual? Ngüneduamaiñ küla dungu.

Wüne, ngillatuafiyiñ ta Jewba taiñ eluaetew ñi newen. Fey tüfa kelluafeiñmu doy küme chengerpual Chaw Dios tañi adkiñ mu (Gal. 5:22, TNM). Feley llemay, Chaw Dios tañi newen kelluaeiñmu ñi piwkeyeafiel ti küme dungu ka famentuafiel ti weda dungu (Rom. 12:9). Doy may, Biblia feypi Jewba ‘newen elunieaeiñmew femngechi ta itrokom kümeay taiñ femel ka taiñ piel’ (2 Tes. 2:16, 17).

Epu, chillkatuafiyiñ ta Biblia. Femngechi femliyiñ, Jewba kimeltuaeiñmu chem dungu ñi kümen ka pepikayaeiñmu “tañi femael itrofill kümeke dungu” (Prov. 2:9; 2 Tim. 3:17). Papeltufiliyiñ Biblia ka rakiduamtukuliyiñ tañi feypin, taiñ piwke apoleay re falinke dungu mu, fey doy kimafiyiñ ta Jewba ka tañi ayükeel. Fey tüfa müna kelluaeiñmu taiñ mongen mew (Luka 6:45; Efes. 5:9).

Küla, eluwaiñ ñi inakintuafiel “kümeke dungu” (3 Juan 11). Biblia mu papeltuafuiñ ñi femün pu küme piwkengelu taiñ inayentuafiel. Doy inayentufali Jewba ka tañi Fotüm Jesus. Welu ka inayentuafuiñ ñi femün kakelu kümeke che. Kiñeke tüfa ta Tabita ka Bernabe (Hecho 9:36; 11:22-24). Kümeafuy taiñ ngüneduamafiel ñi nütram ka chumngechi ñi femün engu kellukefuy ta kakelu che. Ka küme inaduamaiñ Tabita ka Bernabe chumngechi kümelkangey tañi küme piwkengen mu. Fey rakiduamaiñ chumngechi kelluafuiñ taiñ pu che, ka taiñ pu peñi ka lamngen trawünche mu. Ka femngechi llowaiñ kümelkan Tabita ka Bernabe reke.

Ka rakiduamafuiñ pu che ñi küme femün fachantü. Pu longkolelu trawünche mu newentu küdawkey ka piwkeyekefi ti kümeke dungu. Kafey rakiduamaiñ taiñ pu lamngen manelfalngelu, kidu engün kimeltukey tañi feypin ka tañi femün mew “ti inayentufal kümeke dungu” (Tito 1:8; 2:3). Kiñe lamngen Roslyn pingelu feypi: “Nien kiñe domo weni, kidu müna eluwkey ñi yafültukuafiel ka kelluafiel kom pu lamngen trawünche mu. Kidu rakiduamkey chem ñi rupaken engün, fey elukefi pichike regalo ka chem rume femkey tañi kelluafiel. Müna küme chengey tati”.

Jewba ngülamtukefi tañi pu che ñi inayal ti kümeke dungu (Amós 5:14). Femngechi femliyiñ, piwkeyeafiyiñ Jewba ñi werkün dungu, welu ka eluwküleaiñ ñi femal ti kümeke dungu.

Eluwküleiñ ñi küme chengeal ka femal kümeke dungu

Welu rakiduamkelayaiñ fütrake dungu duamfali ñi kümelkayafiel kakelu che. Rakiduamaiñ kiñe pengelün dungu. Kiñe ngürekakelu duamniey kakerumechi füw tañi dewmayal kiñe makuñ. Ka femngechi iñchiñ, müley taiñ femal kakerume dungu taiñ kümelkayafiel ta che, pichike dungu ngefule rume.

Biblia ngülamtukeeiñmu ñi pepikawküleal ka eluwküleal taiñ “femael kümeke dungu” (2 Tim. 2:21; Tito 3:1). Ngüneduamkeaiñ chem ñi rupameken kakelu che, femngechi doy küme kelluafuiñ engün (Rom. 15:2). Fey wülafuiñ taiñ nieel (Prov. 3:27). Mangelafuiñ kiñe che taiñ kiñentrür iyal kam küme rupayal, fey taiñ yafültukuwal. Kafey kimliyiñ ñi kutrankülen kiñe che, pemeafuiñ, dungulelafuiñ telefono mew ka chem rume yelelafuiñ. Feley llemay, fillke dungu femafuiñ taiñ “nütramyeael re kümeke dungu müten, femngechi tati allküyelu ñi ayüwmayael ñi femael kümeke dungu ka ñi llowael engün küme felen” (Efes. 4:29).

Taiñ Wenu Chaw reke, eluwküleaiñ ñi kelluafiel kom pu che. Feymu dullintuchekelaiñ. ¿Chumngechi pengelafuiñ tüfa? Amuldungulelafiyiñ itrokom che Chaw Dios ñi kümeke dungu. Kafey chumngechi ñi feypiel ta Jesus, müley taiñ kümelkayafiel itrokom pu che üdengeliyiñ rume (Luka 6:27). Küme chengeliyiñ ka kümelkafiliyiñ kakelu che, müna kümelkayaiñ tati, Biblia feypilu kay: “Ngelay chem ley no rume chaftukefilu tüfa (Gal. 5:22, 23, TNM). Feymu kümeke dungu femliyiñ wedalkangeliyiñ ka wedake dungu rupaliyiñ rume, kakelu che küpa kimürpuafuy ti rüf dungu, fey püramyeafiyiñ ta Jewba (1 Ped. 3:16, 17).

PU KÜME CHENGELU LLOWAY KÜMELKAN

Biblia feypi pu kümeke che lloway kümeke dungu tañi femün mu (Prov. 14:14). ¿Chem dungu pemay? Kümelkafiliyiñ ta kakelu che, fey ka kümelkayafeiñmu chi (Prov. 14:22). Welu femnofule rume, fentekünulayaiñ ñi kümelkayafiel engün. Femngechi rupale ta antü, küme elkünutuafuy tañi rakiduam ka doy küme trokituafeiñmu (Rom. 12:20).

Fentren taiñ pu peñi ka lamngen ngüneduamkey fente ñi kümelkakeetew femal kümeke dungu ka famentuafiel ti wedake dungu. Nütramkayaiñ ñi feypin kiñe lamngen Nancy pingelu. Kidu feypi: “Tremkülerpulu iñche, duamkülekelafun, pod mongen yeniekefun ka yamchekelafun. Welu kimürpun chem ñi kümen Jewba tañi feypin mu ka inayerpufiñ. Femngechi femlu iñche, doy ayüwkületun. Fewla kidu yamuwken ka doy falintuwken”.

¿Chumngelu küme chengeaiñ? Taiñ ayüwülafiel ta Jewba llemay. Kidu ngüneduamkey taiñ femken, kakelu che ñi ngüneduamnofiel rume. Kimüñmanieeiñmu ti kümeke dungu taiñ femkeel ka rakiduamkeel (Efes. 6:7, 8). Fey, ¿chumngechi kümelkakeeiñmu Jewba? Biblia feypi kidu weniyekefi pu kümeke che (Prov. 12:2). Feymu eluwaiñ taiñ doy küme chengeal. Jewba feypikünuy ñi eluafiel “rume küme felen ka küme tüngün ka rume sakiafi kom tati femkelu kümeke dungu” (Rom. 2:10).

    Fillque chillca mapudungun mu (1993-2025)
    Tripayaimi
    Conaimi
    • mapudungun
    • Huercülelngeal
    • Chumcünuafimi ti pagina
    • Copyright © 2025 Watch Tower Bible and Tract Society of Pennsylvania
    • Términos y Condiciones de Uso
    • Política de privacidad
    • Configuraciones de privacidad
    • JW.ORG
    • Conaimi
    Huercülelngeal