¿CHUMAFUIÑ TAIÑ ÜDECHEHUENOAL?

1 | Dullichequelayaimi

Biblia tañi quimeltuqueel:

“Chau Ngünechen dullintuchequelai. Doi mai llouquefi inei tañi yamnieteu ca femlu cümeque dungu, chuchi tuhun-ngele rume” (HECHOS 10:34, 35, TNM).

¿Chem quimeltuqueiñmu?

Jehováa juzgaquelai tati pu che tañi tuhun ca mollfüñ meu. Doi mai, Chau Dios ngüneduamquei taiñ raquiduam ca chem ñi mülen taiñ piuque meu. Feimu Biblia feipi ti huentru pequefi chem tañi adquintuqueel müten, huelu Jehová pequefi “ponhuitu piuque mu” (1 Samuel 16:7).

¿Chumngechi inayafuiñ tüfachi ngülam?

Iñchiñ quimlaiñ chem ñi mülen pu che ñi piuque meu, huelu inayentufiliyiñ ta Jehová, dullintuchelayaiñ. Feimu juzgalayafiyiñ tati pu che tañi conquen mu müten quiñe troquiñche meu, doi mai ngüneduamafiyiñ tañi femqueel meu. Fei cümeafui taiñ ramtuhual: “¿Huesa troquipefiñ mai tati pu che tañi tuhun ca mollfüñ meu?”. Femngechi raquiduam nieliyiñ, müna cümeafui taiñ ngillatuafiel ta Chau Ngünechen taiñ femngechi raquiduam nienoal (Salmo 139:23, 24). Com piuque mu ngillatufiliyiñ ta Chau Dios, fei quelluaiñmu taiñ juzgachefengenoal (1 Pedro 3:12).

a Jehová, Dios tañi üi (Salmo 83:18).

“Turpu raquiduamquelafun iñche ca quiñe fülang che tayu quiñentrür iyal. Fei quimürpun ñi concülen quiñe fütra familia mu” (TITUS ñi feipin).

Ñi rupan tañi mongen mu: TITUS

Hueufi ti üdehun

Quiñe huentru Titus pingelu, rume illculefui. Tañi mapu mu mülefui fillque ley dullintuchequelu. Feimu Titus trahuluhui caquelu che mu fei reque rume illculefulu ca quehuatuchefengefulu. Titus feipi: “Iñchiñ amuquefuiñ cheu ñi cüme lloungequenofel pu curü che femngechi taiñ quehuatumeafiel pu fülang che”. Quisu tañi piuque mu re üdehun müten mülefui, feimu ayüquefui ñi quehuatufemafiel müten tati pu che. Titus ca feipi: “Yafcahun mu, quiñe huentru cam domongele rume, iñche hune hulelfemquefun”.

Titus eluulu ñi papeltuafiel ti Biblia pu Dunguquelu Ineingen Jehová engün, ñochiquechi cüme elcünutui tañi mongen. Titus papeltufilu ta Biblia puhui tañi piuque mu. Doyelchi mai feichi troquiñ feipilu “ngehuelayai ta lan, ngüman no rume, eyütun no rume, cutrantun no rume” (Apocalipsis 21:3, 4).

Titus quimfilu Biblia tañi feipin eluhui ñi entual tañi piuque mu ti üdehun dungu. Titus feipi: “Rume cüdaungefui ñi nietual cüme raquiduam ca femal cümeque dungu”. Huelu quellueyeu ñi feipin Hechos 10:34, 35 quimeltuquelu Chau Dios dullichequelai.

¿Chem dungu rupai? Titus feipi: “Ñi pefiel mu pu Dunguquelu Ineingen Jehová ñi piuqueyeuquen engün, chem tuhun-ngele rume, fei quimürpun ñi rüfngechi religion-ngen engün. Petu ñi fautizaunon, quiñe fülang peñi mangeleneu tañi ruca mu tañi imeal. Rume afmatulehuen, turpu raquiduamquelafun iñche ca quiñe fülang che tayu quiñentrür iyal. Fei quimürpun ñi concülen quiñe fütra familia mu huall Mapu meu com tuhun-ngelu mu”.