¿CHUMAFUIÑ TAIÑ ÜDECHEHUENOAL?
2 | Tami huesa femeteu ca femngechi huiñoleltulayafimi
Biblia tañi quimeltuqueel:
“Huesa femngelmün, huiñoleltulayaimün huesa femün. [...] Tamün cümelcaucüleal com pu che engün, femaimün tunte tamün pepi femün. [...] Huiñoleltulayaimün huesa femün. [...] Chau Ngünechen ñi huirintucuel feipilei: “‘Iñche mülei ñi cutrancayafiel engün. Huiñoleltuafiñ tunte tañi huesa femün’ pi Chau Jehová” (ROMANOS 12:17-19, TNM).
¿Chem quimeltuqueiñmu?
Taiñ huesa femngen mu quiñeque mu rume lladcüqueiñ. Huelu Chau Dios ayüquelai taiñ femngechi huiñolelafiel taiñ huesa femqueteu. Doi mai mülei taiñ esperayal Chau Dios mu. Fei pichiñma mu norümtuafi com tati huesaque dungu (Salmo 37:7, 10).
¿Chumngechi inayafuiñ tüfachi ngülam?
Huesaque dungu femngeliyiñ ca femngechi huiñoleltufiliyiñ taiñ huesa femeteu, doi tremafui ti üdehun. Huesaque dungu femngeliyiñ ca femngechi femlayaiñ, doi mai ngüneniehuaiñ ca ñom piuque mu nütramcayafiyiñ ti dungu. Ca quiñeque mu doi cümeafui taiñ ngoimanentuafiel taiñ huesa femngeel (Proverbios 19:11). Huelu quiñeque mu, doi cümeafui taiñ quimelelafiel ta caquelu che chem taiñ huesa femngeel. Por ejemplo, hueñengeliyiñ doi cümeafui taiñ quimelelafiel pu autoridad chem taiñ femngeel.
Ca femngechi huiñoleltufiliyiñ pu huesa femeteu, doyelcülerpuai ti dungu
¿Chem chumafuimi quimnolmi chumngechi cüme elcünutual tami huesa femngeel? Cam ñom piuque meu ayülefulmi tami cüme elcünutual tami huesa rupan, huelu amulecale, ¿chem mülei tami femal? Huiñoleltufilmi tami huesalcaeteu, doyelcülerpuai tami rupan. Feimu huiñoleltuquifilnge ca femngechi tami huesa femeteu, doi mai maneluunge Jehová tami quelluaeteu. Maneluhulmi Jehová mu, “quisu füreneaimu” (Salmo 37:3-5).