¿CHUMAFUIÑ TAIÑ ÜDECHEHUENOAL?
4 | Huehuafimi ti üdehun Jehová ñi quellun mu
Biblia tañi quimeltuqueel:
“Tati llouquelu Ngünechen ñi nehuen femngechi chengeingün: piuqueyechefengei, niei ayühun, cüme tüngün, ñochi duampiuquengei, fürenechequei, cüme chengei, feyentuquei Ngünechen mu, ñom duamngei ca quim ngünenieuquei” (GÁLATAS 5:22, 23, TNM).
¿Chem quimeltuqueiñmu?
Chau Dios tañi quellun mu quiñepüle elcünuafuiñ tati üdehun. Jehová ñi nehuen quelluafeiñmu cüme chengeal ca cüme piuquengeal, iñchiñ quisu taiñ nehuen mu pepil-layafuiñ. Feimu mülei taiñ maneluhual Chau Dios ñi quellun mu, iñchiñ taiñ nehuen mu no. Femngechi femliyiñ ti apostol Pablo reque duamafuiñ, fei feipi: “Chem rupale rume, tañi eluqueteu nehuen quelluqueneu ñi yafüluucüleal” (Filipenses 4:13, TNM). Ca feipiafuiñ “Jehová mu cüpai tañi quellu” (Salmo 121:2).
¿Chumngechi inayafuiñ tüfachi ngülam?
“Cuifi rume quehuatuchengefun, huelu feula Jehová quellueneu tañi ñom chengetual” (WALDO ñi feipin).
Ngillatufinge ta Jehová. Com piuque mu “eluen tami nehuen” feipiafimi (Lucas 11:13). Llellipufinge tami eluaeteu nieal cüme piuque, femngechi cüme chengeal. Papeltunge Biblia mu chumngechi piuqueyechefengeal, ñochi duampiuquengeal ca chumngechi quim ngüneniehual. Tüfa quelluaiñmu tami quiñepüle elcünual ti üdehun. Yafuluunge quisu tami mongen mu ñi pengelal tüfachi cümeque dungu ñi peel. Cafei hueniyefinge feichi pu che ayüquelu femal cümeque dungu, feichi pu che quelluafeimu tami “pengelal piuqueyehun ca femal cümeque dungu” (Hebreos 10:24, TNM).