¿Chumngechi afai hueichan ca quehuan dungu?

CHAU DIOS APÜMCAYAFI TATI PU CHE ÑI GOBIERNO

Biblia feipi Chau Dios apümcayafi com pu che ñi gobierno Armagedóna pingechi hueichan mu (Apocalipsis 16:16). Feichi mu “com mapu müleyechi pu lonco ülmen” trahuluhuaingün ñi hueichayal ti “hueichan rupayai Chau Ngünechen ñi fütra antü meu, tati Com Nehuen Nielu” (Apocalipsis 16:14). Chau Dios ñi hueichan Armagedón pingei. Feichi hueichan mu, Chau Dios apümcayafi com caquelu hueichan mu.

Chau Dios apümcayafi pu che ñi gobierno ca eluucüleai quisu ñi ngünenieafiel com mapu. Feichi gobierno huenu mu müleai ca turpu apümcangelayai (Daniel 2:44). Dios dullifi tañi fotüm Jesucristo tañi Reyngeal (Isaías 9:6, 7; Mateo 28:18). Jesús tüfachi gobierno mu quimeltufi tañi pu inanieteu ñi llellipuleal engünb (Mateo 6:9, 10). Com pu che ngünenieaeteu tüfachi gobierno quiñeucüleai Jesús ñi ngünenieel mu.

Jesús ñi gobierno trürlai pu che ñi gobierno. Jesús allmalltulayai ñi autoridadcüleal ñi quisutu müten cümelcahual. Dullintuchequelai ca norchengei, fei inei no rume huesalcangelayai tañi ad ca tañi tuhun mu (Isaías 11:3, 4). Inei no rume quehuatulayai ñi cüme femngeal. ¿Chumngelu? Jesús duamtunieafi com tañi ngünenieelchi pu che. ‘Quisu montulafilu cai tati fillalelu llellipumequelu ñi quellungeal, cafei tati cuñifallcülelu ca inei rume nienolu tañi quelluaeteu. Tañi cutrancangequen ca tañi quehuatungequen mu quisu ta montulafi engün’ (Salmo 72:12-14).

Chau Dios ngünenietule ta mapu apümcayafi com ti tralca ca chuchi rume pünequelu ñi langümcheal (Miqueas 4:3). Apümcayafi huesaque che ca com pu pofolcaucülelu catrütuquefilu pu che ñi tüngcüleal (Salmo 37:9, 10). Com pu domo, huentru ca pichiqueche tüngcüleaingün cheu amule rume (Ezequiel 34:28).

Chau Dios ngünenietule ta mapu com che doi cüme mongen nieai. Apümcayafi huesaque dungu quehuaquelu pu che famülque mu tañi pofrengen, ngüñün ca nienon mu quiñe cüme ruca. Com nieaingün cümeque iyael ca nieai quiñe cüme mülehue mu (Salmo 72:16; Isaías 65:21-23).

Chau Dios ngünenietule ta mapu, ngehuelayai com huesaque dungu ñi mülen hueichan ñi duam mu. ¿Chem coneltulei tüfa? Com pu cutran contumequelu pu che hueichan mu ca pu cutrancülelu ñi raquiduam hueichan ñi duam mu. Cafei com pu lalu hueichan mu huiñomongetuaingün (Isaías 25:8; 26:19; 35:5, 6). Pu familia quiñeucületuai ca raquiduamniehuelaingün hueichan mu ‘ngehuetulayai ti cuifi huesaque dungu’ (Apocalipsis 21:4).

CHAU DIOS APÜMAFI TI CULPAN DUNGU

Chau Dios ngünenietule mapu mu, com pu che poyenieafi ta Jehová mütenc, “fei piuqueyechequei ca hulquei tüngün” (2 Corintios 13:11). Com pu che tüngcülen mu mongeleai (Isaías 2:3, 4; 11:9). Com pu inayentuquefilu ta Chau Dios ñi feipin culpanchengehuelayaingün (Romanos 8:20, 21).

CHAU DIOS APÜMCAYAFI HUECÜFÜ CA TAÑI HUESAQUE PÜLLÜ

Chau Dios ñi gobierno apümcayafi ti hueichan tañi tuhun, huecüfü ca tañi huesaque püllü (Apocalipsis 20:1-3, 10). Mülehuenole engün “fentren cüme felen müleai” (Salmo 72:7).

Chau Dios feipicünui ñi apümcayafiel ti hueichan ca quehuan dungu, fei maneluhuafuiñ tañi feipin mu. Quisu niei ti pepiluhun ca ayüniei ñi apümcayafiel ti hueichan.

• Chau Dios niei quimün ca nehuen ñi apümafiel ti hueichan ca quehuan dungu (Job 9:4). Ngelai chem dungu no rume ñi pepilnoel Chau Dios (Job 42:2).

• Chau Dios ayüquelai pefiel pu che ñi cutrancahual pu che (Isaías 63:9). Cafei “üdequefi com tati ayüquelu ti quehuan dungu” (Salmo 11:5).

• Chau Dios coilatuquelai ca rumel huechutripaquei chem ñi feipicünuel (Isaías 55:10, 11; Tito 1:2).