¿Chumngelu petu mülei hueichan ca quehuan dungu mu?

CULPAN DUNGU

Chau Dios deumafi taiñ hunenque chau Adán engu Eva fei ñi ad reque feleal engu (Génesis 1:27). ¿Chem ñi feipin tüfa? Feipilei iñchiñ taiñ pengelal ñi chumngen ta Dios, tañi piuqueyechengen ca taiñ nieal tüngün fei reque (1 Corintios 14:33; 1 Juan 4:8). Huelu Adán engu Eva inalafingu ta Chau Dios ñi feipieteu, fei coningu culpan dungu. Femngechi ñi femün mu engu iñchiñ ca culpanchefengeiñ ca laqueiñ (Romanos 5:12). Taiñ culpanchengen mu nieaiñ huesaque raquiduam, feimu fentrenque che femquei huesaque dungu ca quehuatuchequei (Génesis 6:5; Marcos 7:21, 22).

PU CHE ÑI NGÜNENIEEL

Chau Dios deumafi pu che quisu tañi ngüneunoal. Biblia feipi: “Tati pu che trecalelu, ngen-ngelai ñi adcünual quisu tañi trecan no rume engün” (Jeremías 10:23). Feimu llemai pu gobierno apümcalafingün ti hueichan ca ti quehuatun dungu.

HUECÜFÜ CA TAÑI HUESAQUE PÜLLÜ

Biblia feipi: “com mapu müleyechi pu che ngünenieyu ti Huecüfü” (1 Juan 5:19). “Huecüfü”, ca Satanás pingelu, huesa langümchequelu (Juan 8:44). Huecüfü ca tañi huesa püllü hueluraquiduamlelfi pu che ñi quehuatuchefengeal ca ñi hueichayal (Apocalipsis 12:9, 12).