Com huall mapu mu gastangei fentren millon plata hueichan ñi duam mu | ¿Chem pilei Biblia?

2022 tripantu huall mapu mu, cullingei fentrenque millon plata hueichan ñi duam mu. Turpu fente plata gastangequelafui. Epe com tüfa gastangei Rusia lefcontufilu ta Ucrania mapu mu. 2023 tripantu mu, ti Stockholm International Peace Research Institute (Instituto Internacional de Investigación para la Paz) mülelu Estocolmo huaria mu feipi:

• Ti troquiñche adcünuquelu pu soltau Europa mu “gastai doi 13 por ciento feichi tripantu mu. Europa meu, 1991 tripantu ca fantepu mu pengequelafui femngechi dungu”.

• “Rusia mapu […] gastai doi 9.2 por ciento peno tañi gastaquefel cuifi. Feimu feula Rusia fei tati cülangechi mapu doi gastaquelu plata hueichan ñi duam mu”.

• Estados Unidos hunelei tati pu doi gastaquelu plata hueichan ñi duam mu. “Com ti plata ñi gastangeel hueichan ñi duam huall mapu mu, epe rangiñ tüfachi plata gastai Estados Unidos”.

“Rupayechi tripantu huall mapu mu, doi amulei ñi gastangequen plata hueichan ñi duam mu, tüfa pengeli ñi doyelcülerpun ti dungu mapu meu” pi tati quimche Nan Tian, quelluntuculu ñi huirintucual tüfachi informe.

Biblia feipicünui tati pu doi nehuen-ngechi troquiñque mapu amuletuai ñi hueluquentu caiñetuhual, cafei eluqueiñmu maneluhun taiñ rüf tüngcületual.

Doyelcülerpuai ti fillque hueichan

• Biblia feipi taiñ mülen afaelchi antü meu (Daniel 8:19).

• Daniel feipicünui feichi antü mu tati epu doi nehuenchechi troquiñ mapu ñi caiñetuhual. Hueichayaingu fei ñi doicüleal tañi ngünenial. Feimu gastaqueingu ‘falinque fillem’, fentren plata, tañi huehual (Daniel 11:40, 42, 43).

Tami doi quimal tüfachi dungu ñi feipicünuel Biblia, pefinge ti video Daniel capitulo 11 huechutriparpui.

Chumngechi nieaiñ rüf tüngün

• Biblia feipicünui: Chau Ngünechen apümcayafi com pu gobierno mülelu mapu mu. Fei Chau Dios ngünenietuai, “chumcaunorume apümcangelayai”. Ca chem troquiñche no rumengünenielayai. Chau Dios atemcayafi ca apümcayafi com gobierno ñi nieel pu che, fei quisu müten rumel ngünenieai (Daniel 2:44).

• Chau Dios Jehováa eluaiñmu taiñ rüf tüngcületual ca cüme feletual rumel mu, ¿chumngechi femai? Fei ngünenietule ta mapu, apümafi itrofill hueichahue ca quehuan dungu (Salmo 46:8, 9).

Tami doi quimal chem femai Chau Dios ngünenietule ta mapu, papeltunge tati dungu feipilelu “Chau Dios ñi Gobierno mu ‘fentren cüme felen müleai’”