ঈশ্বৰীয় ব্যৱস্থাৰ দ্বাৰা প্ৰাচীন আৰু সহায়ক সেৱকসকলক নিযুক্ত কৰা হয়
“পবিত্ৰ আত্মাই যি জাকৰ মাজত তোমালোকক অধ্যক্ষ পাতিলে, সেই গোটেই জাকলৈকো সাৱধান হৈ, . . . প্ৰতিপালন কৰা।”—পাঁচনিৰ কৰ্ম্ম ২০:২৮.
১, ২. যিচয়া ৬০:২২ পদত কোৱা ভৱিষ্যতবাণী বৰ্তমান সময়ত কেনেকৈ পূৰ্ণ হৈছে?
বহু সময়ৰ আগতেই যিহোৱাই যিচয়াৰ দ্বাৰাই কোৱা ভৱিষ্যতবাণীত এইদৰে কৈছিল যে শেষ সময়ত এনে এক আচৰিত ঘটনা ঘটিব। সেই বিষয়ে উল্লেখ কৰি যিচয়া পুস্তকে এইদৰে কৈছে: “যি সৰু, হাজাৰ হৈ উঠিব; আৰু যি ক্ষুদ্ৰ, সি বলৱান জাতি হৈ উঠিব; মই যিহোৱাই উচিত সময়ত ইয়াক সাম্ফল কৰিবলৈ বেগী হম।”—যিচয়া ৬০:২২.
২ বৰ্তমান সময়ত আমি এই ভৱিষ্যতবাণীৰ পূৰ্ণতাৰ কোনো প্ৰমাণ দেখিবলৈ পাইছোঁনে? অৱশ্যেই আমি ইয়াৰ প্ৰমাণ দেখা পাইছোঁ! উদাহৰণস্বৰূপে আমেৰিকাত পেনচেলভেনীয়া নামৰ এখত ঠাইত ১৮৭০ চনত যিহোৱাৰ সেৱকসকলৰ তাকৰ সংখ্যাৰ সৈতে এখন মণ্ডলী গঠিত কৰা হয়। আৰম্ভণিতে থকা এই তাকৰ সংখ্যাৰ পৰা লৈ বৰ্তমান সময়ত হাজাৰ হাজাৰ মণ্ডলী গঠিত হৈছে আৰু এই কাৰ্য্য সমুদায় বিশ্বতে বিয়পি পৰিছে। গোটেই পৃথিৱীৰ ২৩৫ খন দেশত লাখ লাখ প্ৰচাৰক অৰ্থাৎ বলৱান জাতি থকা মণ্ডলীৰ সংখ্যা হৈছে ৯১, ০০০ খনতকৈও অধিক। ইয়াত কোনো সন্দেহ নাই যে যিহোৱাই তেওঁৰ সত্য উপাসকসকলক “মহাক্লেশ” হোৱাৰ পূৰ্বেই দ্ৰুত গতিত একত্ৰিত কৰিছে। কিয়নো এই “মহাক্লেশ” একেবাৰে কাষ চাপিলহি।—মথি ২৪:২১; প্ৰকাশিত বাক্য ৭:৯-১৪.
৩. “পিতা, পুত্ৰ আৰু পবিত্ৰ আত্মাৰ নামেৰে” বাপ্তিষ্মা লোৱাৰ অৰ্থ কি?
৩ এই লাখ সংখ্যক লোকে যিহোৱালৈ নিজকে সমৰ্পিত কৰি যীচুৰ পৰামৰ্শ অনুসৰি চলিবলৈ ব্যক্তিগত সিদ্ধান্ত লৈ “পিতৃ, পুত্ৰ, আৰু পবিত্ৰ আত্মাৰ নামেৰে” বাপ্তিষ্মা লয়। (মথি ২৮:১৯) এজন ব্যক্তিয়ে ‘পিতৃ নামেৰে বাপ্তিষ্মা লোৱাৰ’ অৰ্থ হৈছে, সেই ব্যক্তিজনে স্বীকাৰ কৰে যে স্বৰ্গীয় পিতৃ যিহোৱাই হৈছে জীৱন-দাতা, সৰ্বশক্তিমান ঈশ্বৰ আৰু তেওঁ ঈশ্বৰৰ সাৰ্ব্বভৌমত্বৰ অধীনত। ‘পুত্ৰ নামেৰে বাপ্তিষ্মা লোৱাৰ’ অৰ্থ হৈছে, যীচুৱে যে আমাৰ ত্ৰাণকৰ্ত্তা, মহান গুৰু আৰু ৰজা, তাক তেওঁ স্বীকাৰ কৰে। ইয়াৰ ওপৰিও তেওঁলোকে স্বীকাৰ কৰে যে পবিত্ৰ আত্মা অথবা সক্ৰিয় শক্তিয়ে তেওঁলোকৰ জীৱনত পথ-প্ৰদৰ্শন কৰাত মুখ্য ভূমিকা আদায় কৰে,। এনে কাৰ্য্য কৰাৰ দ্বাৰাই প্ৰকাশ কৰে যে তেওঁলোকে ‘পবিত্ৰ আত্মাৰ নামেৰে বাপ্তিষ্মা লৈছে।’
৪. খ্ৰীষ্টান পৰিচাৰকসকলক কোনে নিয়োগ কৰে?
৪ তেওঁলোকৰ বাপ্তিষ্মাৰ পাছত, এই নতুন শিষ্যসকলক যিহোৱাৰ পৰিচাৰকৰূপে নিয়োগ কৰা হয়। কিন্তু এই কাৰ্য্যৰ বাবে কোনে তেওঁলোকক নিয়োগ কৰে? ২ কৰিন্থীয়া ৩:৫ পদত এইদৰে কৈছে: “আমাৰ সেই যোগ্যতা ঈশ্বৰৰ পৰাহে হয়।” তেওঁলোকক যিহোৱাই নিজেই নিয়োগ কৰা বাবে কিমান যে সন্মানিত হয়! এতেকে তেওঁলোকে বাপ্তিষ্মাৰ পাছত ‘শুভবাৰ্ত্তাৰ’ পৰিচাৰক হিচাপে কাৰ্য্য কৰিবলৈ ঈশ্বৰৰ পবিত্ৰ আত্মাক পথ-প্ৰদৰ্শকৰূপে স্বীকাৰ কৰি আৰু ঈশ্বৰৰ বাক্যৰ অনুসৰি চলি আধ্যাত্মিকতাত একেৰাহে উন্নতি কৰা আৱশ্যক।—মথি ২৪:১৪; পাঁচনিৰ কৰ্ম্ম ৯:৩১.
পৰিচাৰক নিয়োগকৰণ—সমাজতান্ত্ৰিক যোগেদি নহয়—ঈশ্বৰীয় প্ৰশাসনৰ দ্বাৰাহে কৰা হয়
৫. প্ৰাচীন আৰু সহায়ক সেৱকসকলক সমাজতান্ত্ৰিক দ্বাৰা নিয়োগ কৰা হয়নে? বৰ্ণনা কৰক।
৫ বহু সংখ্যাত বাঢ়ি অহা পৰিচাৰকসকলক আধ্যাত্মিকৰূপে চোৱা-চিতা কৰিবলৈ উপযুক্ত প্ৰাচীনৰ তত্বাৱধান আৰু সহায়ক সেৱকসকলৰ আৱশ্যক। (ফিলিপীয়া ১:১) কিন্তু প্ৰশ্ন হৈছে আধ্যাত্মিকতাত শক্তিশালী এই ব্যক্তিসকলক কেনেকৈ নিযুক্ত কৰা হয়? তেওঁলোকক খ্ৰীষ্টজগতৰ পাদুৰী, বিশ্বপ আদিক নিযুক্তি কৰা ৰীতি-নীতিৰ দৰে কৰা নহয়। উদাহৰণস্বৰূপে, খ্ৰীষ্টজগতত পাদুৰী, বিশ্বপ আদিক বাঁছনি কৰিবলৈ তেওঁলোকৰ মণ্ডলীত অৰ্থাত সমাজতান্ত্ৰিক নিৰ্বাচন পতা হয়, সেই নিৰ্বাচনত যিসকলে অধিক ভোট পায় তেওঁলোকক সেই পদবোৰত নিয়োগ কৰা হয়। কিন্তু সত্য খ্ৰীষ্টান প্ৰাচীনসকলক নিযুক্ত কৰিবলৈ খ্ৰীষ্টজগতৰ দৰে কোনো নিৰ্বাচনী পতা নহয়। তাৰ পৰিৱৰ্তে এই প্ৰাচীনসকলক ঈশ্বৰীয় প্ৰশাসনৰ দ্বাৰাহে নিয়োগ কৰা হয়। ঈশ্বৰীয় প্ৰশাসনৰ দ্বাৰা নিয়োগ কৰাৰ অৰ্থ কি?
৬. (ক)ঈশ্বৰীয় প্ৰশাসনৰ অৰ্থ কি? (খ) প্ৰাচীন আৰু সহায়ক সেৱকসকলৰ নিয়োগকৰণক কিয় ঈশ্বৰ-শাসিত বুলি কোৱা হয়?
৬ সাধাৰণ শব্দত ঈশ্বৰীয় প্ৰশাসনৰ অৰ্থ হৈছে ঈশ্বৰৰ দ্বাৰা শাসন। যিহোৱাৰ সাক্ষীসকলে ঈশ্বৰীয় ইচ্ছাক পালন কৰিবলৈ স্বইচ্ছাৰে সেই প্ৰশাসনৰ অধীনস্থ হয় আৰু সহযোগিতা কৰে। (গীতমালা ১৪৩:১০; মথি ৬:৯, ১০) এইবাবেই প্ৰাচীন আৰু সহায়ক সেৱকসকলৰ নিয়োগকৰণৰ কাৰ্য্যক ঈশ্বৰ-শাসিত বুলি কোৱা হয়। কিয়নো এনে দায়ীত্ববদ্ধ থকা ব্যক্তিসকলক পবিত্ৰ শাস্ত্ৰত দিয়া ঈশ্বৰৰ ব্যৱস্থাৰ অনুসাৰে বাঁছনি কৰা হয়। বাস্তৱতে যিহোৱাই “সকলোৰে ওপৰত মূৰস্বৰূপে উন্নত,” এতেকে তেওঁৰ পাৰ্থিৱ সংগঠন কেনেকৈ পৰিচালিত হʼব লাগে এই বিষয়ে নিৰ্ণয় কৰিবলৈ একমাত্ৰ তেওঁৰেই অধিকাৰ আছে।—১ বংশাৱলি ২৯:১১; গীতমালা ৯৭:৯.
৭. যিহোৱাৰ সাক্ষীসকল কেনে প্ৰশাসনৰ অধীনস্থ?
৭ খ্ৰীষ্টীয় জগতৰ বিভিন্ন ধৰ্ম্মীয় বৰ্গসমূহৰ বিপৰীতে যিহোৱাৰ সাক্ষীসকলে নিজৰ অধীনত কোনো আধ্যাত্মিক প্ৰশাসনীয় বিভাগৰ গঠন কৰিব নিবিচাৰে। সত্য খ্ৰীষ্টান প্ৰাচীনসকলে নিজৰ ভিতৰত, গীৰ্জা প্ৰশাসনৰ দৰে কোনো উচ্চ পদবী বা ধৰ্ম্মাধিকাৰী হʼবলৈ নিবিচাৰে। যদি এই নিয়োগকৰণত জগতৰ কোনো প্ৰভাৱ পৰে তেনেহʼলে যিহোৱাৰ লোকসকলে তেনে প্ৰভাৱক কেতিয়াও নিস্পত্তি নকৰে। তেওঁলোকে পাঁচনিসকলে কৰাৰ দৰে তেওঁলোকৰ সংস্থিতিক স্পষ্টকৈ প্ৰকাশ কৰি এইদৰে কয়: “মানুহতকৈ আমি ঈশ্বৰৰ আজ্ঞা মানিব লাগে।” (পাঁচনিৰ কৰ্ম্ম ৫:২৯) সেয়েহে যিহোৱাৰ সাক্ষীসকলে সকলো ক্ষেত্ৰতে যিহোৱা ঈশ্বৰৰ অধীনস্থ স্বীকাৰ কৰে। (ইব্ৰী ১২:৯; যাকোব ৪:৭) ঈশ্বৰে অনুমোদন কৰা ঈশ্বৰীয় প্ৰশাসনৰ ব্যৱস্থা প্ৰণালীসমূহক তলত বৰ্ণনা কৰা হʼল।
৮. সমাজতান্ত্ৰিক আৰু ঈশ্বৰীয় প্ৰশাসনৰ পাৰ্থক্য কি?
৮ মহান ঈশ্বৰীয় প্ৰশাসনৰ সেৱক অৰ্থাৎ যিহোৱাৰ সাক্ষী হোৱাৰ হেতুকে আমি সকলোৱে সমাজতান্ত্ৰিক আৰু ঈশ্বৰীয় প্ৰশাসনৰ পাৰ্থক্যৰ সৈতে ভালদৰে পৰিচিত হোৱা উচিত। সমাজতান্ত্ৰিক ব্যৱস্থাত প্ৰতিনিধি বা কাৰ্য্যলয়ৰ বাবে প্ৰায়ে নিৰ্বাচনত ভোটৰ সংখ্যা অধিক হোৱাৰ দ্বাৰাই বাঁছনি কৰা হয়। এইধৰণৰ ব্যৱস্থাত কোনো ঈশ্বৰীয় প্ৰশাসনৰ যোগেদি কৰা নিয়োগকৰণ অন্তৰ্ভূক্ত নাই। আচলতে এই কাৰ্য্য কোনো সমিতি অথবা কোনো মানুহৰ যোগেদি কৰা নহয়। এই সংক্ৰান্তত পাঁচনি পৌলে নিজৰ নিয়োগকৰণৰ বিষয়ে এইদৰে কৈছিল যে তেওঁ যিহোৱা আৰু যীচু খ্ৰীষ্টৰ দ্বাৰাই “পৰজাতিবিলাকৰ নিমিত্তে নিযুক্ত পাঁচনি।” ইয়াৰ ওপৰিও পাঁচনি পৌলে গালাতীয়া মণ্ডলীত থকা ভাই-ভনীসকলক তেওঁৰ নিযুক্তিকৰণৰ বিষয়ে এইদৰে কৈছিল যে “মানুহৰ পৰা নহয়, মানুহৰ দ্বাৰাও নহয়, কিন্তু যীচু খ্ৰীষ্ট আৰু তেওঁক মৃতবিলাকৰ মাজৰ পৰা তোলা পিতৃ ঈশ্বৰ দ্বাৰাই নিযুক্ত পাঁচনি।”—ৰোমীয়া ১১:১৩; গালাতীয়া ১:১.
পবিত্ৰ আত্মাৰ দ্বাৰা নিযুক্তি
৯. পাঁচনিৰ কৰ্ম্ম ২০:২৮ পদত এজন খ্ৰীষ্টান প্ৰাচীনৰ নিয়োগকৰণৰ বিষয়ে কি কৈছে?
৯ পাঁচনি পৌলে ইফিচীয়া মণ্ডলীত থকা প্ৰাচীন আৰু সহায়ক সেৱকসকলক সুঁৱৰাই দি কৈছিল যে তেওঁলোকে ঈশ্বৰৰ পবিত্ৰ আত্মাৰ দ্বাৰা নিযুক্তি পাইছে। তেওঁ সেই প্ৰাচীন আৰু সহায়ক সেৱকসকলৰ উদ্দেশ্যে এইদৰে কৈছিল: “তোমালোকে নিজলৈ, আৰু পবিত্ৰ আত্মাই যি জাকৰ মাজত তোমালোকক অধ্যক্ষ পাতিলে, সেই গোটেই জাকলৈকো সাৱধান হৈ, ঈশ্বৰে নিজৰ তেজেৰে যি মণ্ডলীক কিনিলে, তাক প্ৰতিপালন কৰা।” (পাঁচনিৰ কৰ্ম্ম ২০:২৮) সেই খ্ৰীষ্টান প্ৰাচীনসকলে ঈশ্বৰৰ জাকক প্ৰতিপালন কৰা তেওঁলোকৰ কৰ্তব্যক একেৰাহে পালন কৰিবলৈ পবিত্ৰ আত্মাৰ দ্বাৰা পৰিচালিত হোৱাৰ আৱশ্যক। যদি নিযুক্ত পদত থকা এজন ব্যক্তিয়ে ঈশ্বৰীয় স্তৰৰ অনুসাৰে নচলে, তেনেহʼলে এটা সময়ত পবিত্ৰ আত্মাই তেওঁক সেই পদৰ পৰা পদচ্যুত কৰিব।
১০. ঈশ্বৰীয় নিয়োগকৰণত পবিত্ৰ আত্মাই কেনেধৰণৰ অতি আৱশ্যকীয় ভূমিকা আদায় কৰে?
১০ কিন্তু পবিত্ৰ আত্মাই কেনেকৈ এক অতি আৱশ্যকীয় ভূমিকা আদায় কৰে? সৰ্বপ্ৰথমে পাঁচনি পৌলৰ লিখনিয়ে স্পষ্টকৈ দেখুৱাইছে যে আধ্যাত্মিক প্ৰতিপালক হোৱাৰ আৱশ্যকতাৰ বিষয়ে জানিবৰ বাবে পবিত্ৰ আত্মাই সহায় কৰে। সেয়েহে তেওঁ তীমথিয় আৰু তীতলৈ লিখা পত্ৰত অধ্যক্ষ অৰ্থাত প্ৰাচীন আৰু পৰিচাৰক বা সহায়ক সেৱক হোৱাৰ যোগ্যতাসমূহৰ পৰিলেখ দিছিল। তেওঁ চিঠিখনত সৰ্বমূঠ ১৬ টা বিভিন্ন যোগ্যতাৰ বিষয়ে উল্লেখ কৰিছিল। উদাহৰণস্বৰূপে প্ৰাচীনসকলে অনিন্দনীয়, পৰিমিত-ভোগী, বিবেচক, পৰিপাটি, অতিথিসেৱক, শিক্ষা দিয়াত নিপুণ, আৰু পৰিয়ালৰ মুৰব্বী হিচাপে উত্তম আৰ্হি ৰখা ব্যক্তি হোৱা আৱশ্যক। তেওঁলোকে মদপী, ধনলুভীয়া আৰু অত্যন্ত ক্ৰোধী হোৱা উচিত নহয়। ঠিক একেইদৰে সহায়ক সেৱক হʼবলৈও এই একেই প্ৰণালীক অনুকৰণ কৰা আৱশ্যক।—১ তীমথিয় ৩:১-১০, ১২, ১৩; তীত ১:৫-৯.
১১. যিসকলে মণ্ডলীত দায়ীত্ব বহন কৰিবৰ বাবে উপযুক্ত হʼবলৈ বিচাৰে তেওঁলোকে কি কি যোগ্যতাসমূহ পূৰ্ণ কৰা উচিত?
১১ এতেকে এই স্তৰসমূহক পুনৰ আলোচনা কৰি এইটো জানিব পাৰি যে যিসকলে যিহোৱাৰ সেৱাত আগভাগ লয় তেওঁলোকে খ্ৰীষ্টীয় আচৰণত নিশ্চয়ে উত্তম আৰ্হি ৰখা উচিত। যিসকল ভায়ে মণ্ডলীৰ দায়ীত্ব বহন কৰিবলৈ যোগ্য হৈছে, তেওঁলোকে যে পবিত্ৰ আত্মাৰ দ্বাৰাই পৰিচালিত হৈছে তাক কাৰ্য্যৰে প্ৰকাশ কৰা আৱশ্যক। (২ তীমথিয় ১:১৪) তেওঁৰ কাৰ্য্যত নিশ্চয়ে এইটো প্ৰতিফলিত হোৱা উচিত যে ঈশ্বৰৰ আত্মাই তেওঁত “প্ৰেম, আনন্দ, শান্তি, চিৰসহিষ্ণুতা, মৰম, মঙ্গলভাব, বিশ্বাস, মৃদু-ভাব, ইন্দ্ৰিয়-দমন, এই সকলো আত্মাৰ ফল” উৎপন্ন কৰিছে। (গালাতীয়া ৫:২২, ২৩) তেওঁলোকে আন ভাই-ভনীৰ সৈতে আচৰণ কৰোঁতে এই আত্মাৰ ফলসমূহ স্পষ্টকৈ প্ৰকাশ পোৱা উচিত। বাস্তৱতে কিছুমান খ্ৰীষ্টান ব্যক্তিত হয়তু স্বভাৱিকৰূপে আত্মাৰ ফলৰ এই বিশেষ গুণসমূহ দেখিবলৈ পোৱা যায়। যিহেতু আনসকলে সেই গুণসমূহক প্ৰতিফলতি কৰিবলৈ কঠোৰ পৰিশ্ৰম কৰিবলগীয়া হয়। এতেকে যিসকলে প্ৰাচীন বা সহায়ক সেৱক হʼবলৈ আশা কৰে তেওঁলোকে ঈশ্বৰৰ বাক্যৰ আৱশ্যকতাৰ অনুসাৰে জীৱন-যাপন কৰি প্ৰকাশ কৰা উচিত যে তেওঁলোকে হৈছে আধ্যাত্মিক পুৰুষ।
১২. কোনসকলে স্বীকাৰ কৰা আৱশ্যক যে তেওঁলোক পবিত্ৰ আত্মাৰ দ্বাৰাহে নিযুক্ত হৈছে?
১২ পাঁচনি পৌলে আনক তেওঁৰ আৰ্হিক অনুকৰণ কৰিবলৈ স্পষ্টকৈ এইবাবে কʼব পাৰিছিল, কিয়নো তেওঁ নিজেও যীচু খ্ৰীষ্টক অনুকৰণ কৰিছিল। সেইবাবে তেওঁ কৈছিল যে যীচুৱে আমাৰ বাবে ‘এটি আৰ্হি ৰাখি গʼল যাতে আমি তেওঁৰ খোজৰ অনুগামী হওঁ।’ (১ পিতৰ ২:২১; ১ কৰিন্থীয়া ১১:১) এতেকে যিসকল ভাইক প্ৰাচীন আৰু সহায়ক সেৱকৰ পদত নিযুক্ত কৰা হৈছে, তেওঁলোকে এইটো স্বীকাৰ কৰা আৱশ্যক যে ঈশ্বৰৰ পবিত্ৰ আত্মাইহে তেওঁলোকক নিযুক্ত কৰিছে।
১৩. এজন ভাইক মণ্ডলীত দায়ীত্ব বহন কৰিবলৈ নিযুক্তিকৰণৰ বাবে পবিত্ৰ আত্মাই প্ৰাচীনসকলক কেনেকৈ সহায় কৰে?
১৩ পবিত্ৰ আত্মাই যে প্ৰাচীনসকলক নিযুক্ত কৰে, তাৰ আন এটা কাৰণ আছে। এই বিষয়ে যীচুৱে এইদৰে কৈছিল, ‘পবিত্ৰ আত্মা বিচাৰি পিতৃৰ ওচৰত নিৱেদন কৰা সকলক তেওঁ পবিত্ৰ আত্মা প্ৰদান কৰে।’ (লূক ১১:১৩) এতেকে যেতিয়া স্থানীয় মণ্ডলীত থকা প্ৰাচীনসকলে মণ্ডলীৰ দায়ীত্ব বহন কৰিবলৈ কোনো ভাইক নিযুক্ত কৰিবলৈ বিচাৰে, তেতিয়া তেওঁলোকে ঈশ্বৰলৈ পথ-প্ৰদৰ্শক বিচাৰি প্ৰাৰ্থনা কৰে। তেওঁলোকক ঈশ্বৰৰ প্ৰেৰিত বাক্য আৰু পবিত্ৰ আত্মাই এজন ব্যক্তিয়ে প্ৰাচীন বা সহায়ক সেৱক হিচাপে নিযুক্ত কৰিবলৈ সেই ভাইজনে শাস্ত্ৰীয় আৱশ্যকতাসমূহক পূৰ্ণ কৰিছেনে নাই তাক বিবেচনা কৰিবলৈ সহায় কৰে। তেওঁলোকে ভাইজনৰ বাহ্যিক চেহেৰা, শিক্ষাগত অৰ্হতা বা স্বাভাৱিক পাৰ্গতালিৰ ওপৰত দৃষ্টি কৰি নিযুক্ত নকৰে। তেওঁলোকৰ প্ৰধান দৃষ্টিকোণ হৈছে যে সেই ব্যক্তিজন আধ্যাত্মিক পুৰুষ হয় নে নহয়, মণ্ডলীৰ আন ভাই-ভনীসকলে তেওঁৰ ওচৰত আধ্যাত্মিক পৰামৰ্শ বিচাৰিবলৈ কোণ্ঠাবোধ কৰে নে নকৰে।
১৪. পাঁচনিৰ কৰ্ম্ম ৬:১-৩ পদত দিয়া বৃতান্তৰ পৰা আমি কি শিকিব পাৰোঁ?
১৪ যদিও কোনো এজন ভাইক প্ৰাচীন অথবা সহায়ক সেৱকৰ নিযুক্তি কৰাৰ বাবে প্ৰাচীন গোষ্ঠীয়ে ভ্ৰমণ ওভাৰচিয়াৰসকলক জনোৱা হয়, বাস্তৱতে তেনেদৰে কৰাৰ দ্বাৰাই প্ৰথম শতাব্দীৰ আৰ্হিক অনুকৰণ কৰা হয়। উদাহৰণস্বৰূপে এসময়ত এটা বিশেষ কাৰ্য্যৰ প্ৰতি চোৱা-চিতা কৰিবলৈ আধ্যাত্মিকৰূপে যোগ্য হোৱা এজন ব্যক্তিৰ আৱশ্যকতা আছিল। তেতিয়া প্ৰশাসন গোষ্ঠীয়ে নিৰ্দেশনা দি এইদৰে কৈছিল: “আমি যিবিলাকক এই কৰ্ম্মৰ ভাৰ দিব পাৰোঁ, সুখ্যাতি পোৱা আৰু আত্মাৰে জ্ঞানেৰে পৰিপূৰ্ণ হোৱা এনে সাত জনক তোমালোকৰ মাজৰ পৰা চাই লোৱা।” (পাঁচনিৰ কৰ্ম্ম ৬:১-৩) আচলতে এই নিযুক্তিকৰণৰ অনুমোদনৰ বাবে যিৰূচালেমত থকা ভাইসকলে পোনপটীয়াকৈ জড়িত আছিল। বৰ্তমান সময়তো সেই একেই আৰ্হিক অনুকৰণ কৰা হয়।
১৫. ভাইসকলৰ নিযুক্তিকৰণত প্ৰশাসন গোষ্ঠীয়ে কেনেকৈ জড়িত আছে?
১৫ যিহোৱাৰ সাক্ষীসকলৰ প্ৰশাসন গোষ্ঠীয়ে শাখা সমিতিৰ সদস্যসকলক পোনপটীয়াকৈ নিযুক্ত কৰে। যেতিয়া এই গধুৰ দায়ীত্বক বহন কৰিবলৈ কাক বাঁছনি কৰা আৱশ্যক, ইয়াৰ বিষয়ে বিবেচনা কৰোঁতে প্ৰশাসন গোষ্ঠীয়ে সদায়ে যীচুৰ এই বাক্যক মনত ৰাখে। কিয়নো যীচুৱে এইদৰে কৈছিল: “যাক অধিক দিয়া হৈছিল, তেওঁৰ পৰা অধিক বিচৰা হব; আৰু মানুহবিলাকে যাক সৰহকৈ গতাই দিলে, তেওঁৰ পৰা আৰু অধিককৈ খুজিব।” (লূক ১২:৪৮) ইয়াৰ ওপৰিও প্ৰশাসন গোষ্ঠীয়ে বেথেলৰ প্ৰাচীন আৰু ভ্ৰমণ ওভাৰচিয়াৰ সকলক নিযুক্ত কৰে। এইবাবে এই বেথেলৰ প্ৰাচীন আৰু ভ্ৰমণ ওভাৰচিয়াৰসকলকো এই দায়ীত্ব দিয়া হৈছে যে যিসকল ভাই ভৰসাযোগ্য তেওঁলোকক যেন নিৰ্দ্দিষ্ট পদসমূহত নিযুক্ত কৰে। এই কাৰ্য্যৰ বাবেও শাস্ত্ৰীয় ব্যৱস্থা দিয়া আছে।
‘মোৰ আদেশ অনুসাৰে নিযুক্ত কৰা’
১৬. পৌলে তীতক কিয় ক্ৰীতি দ্বীপত থৈ আহিছিল আৰু এই কাৰ্য্যই আধুনিক সময়ৰ নিযুক্তিকৰণৰ বিষয়ে কি প্ৰকাশ কৰে?
১৬ পাঁচনি পৌলে তেওঁৰ সহকৰ্ম্মী তীতক, এইদৰে কৈছিল: “অসম্পূৰ্ণ কাৰ্য্যবোৰ সম্পূৰ্ণ কৰিবলৈ, আৰু মোৰ আদেশ অনুসাৰে নগৰে নগৰে বৃদ্ধলোকক নিযুক্ত কৰিবলৈকো, ক্ৰীতি দ্বীপত মই তোমাক থৈ আহিলোঁ।” (তীত ১:৫) সেই বৃদ্ধলোক অৰ্থাত প্ৰাচীনসকলক নিযুক্ত কৰাৰ বাবে কেনেবোৰ যোগ্যতাৰ আৱশ্যক, এই বিষয়ে পৌলে তীতক পৰিলেখ দিছিল। গতিকে বৰ্তমান সময়ত প্ৰশাসন গোষ্ঠীও যোগ্য থকা ভাইসকলক শাখা প্ৰতিনিধি হিচাপে নিয়োগ কৰে যাতে তেওঁলোকেও প্ৰাচীন আৰু সহায়ক সেৱকসকলক নিযুক্ত কৰিব পাৰে। গতিকে গোষ্ঠীৰ হৈ প্ৰতিনিধিসকলে প্ৰতি-পালন কৰা কাৰ্য্যৰ দ্বাৰাই স্পষ্টকৈ এইটো বুজিব পাৰা যায় যে শাস্ত্ৰীয় পথ-প্ৰদৰ্শনৰ যোগেদিহে এই নিযুক্তিকৰণসমূহ কৰা হয়। সেইহেতুকে প্ৰশাসন গোষ্ঠীৰ নিৰ্দ্দেশনাৰ জৰিয়তে গোটেই বিশ্বত থকা যিহোৱাৰ সাক্ষীসকলৰ মণ্ডলীক প্ৰতি-পালন কৰিবলৈ যোগ্য থকা ভাইসকলক নিযুক্ত কৰা হয়।
১৭. শাখা কাৰ্য্যালয়ত প্ৰাচীন আৰু সহায়ক সেৱকৰ নিযুক্তিকৰণৰ অনুৰোধক চোৱা-মেলা কৰা দায়িত্বক কিদৰে পালন কৰা হয়?
১৭ এতেকে যেতিয়া মণ্ডলীত প্ৰাচীন আৰু সহায়ক সেৱকৰ নিযুক্তিৰ বাবে আৱেদন পত্ৰসমূহ ওৱাচ্ টাৱাৰ চোচাইটিৰ শাখা কাৰ্য্যলয়ত পঠোৱা হয়। তেতিয়া তাত থকা অনুভৱী ভাইসকলে ঈশ্বৰৰ পবিত্ৰ আত্মাৰ জৰিয়তে সেই নিযুক্তিকৰণ কৰা হয়। এই ভাইসকলে তেওঁলোকত থকা দায়িত্বক বুজি কাৰো ওপৰত হঠাতে হাত নিদিবলৈ আৰু পৰৰ পাপৰ ভাগী নহবলৈ, নিজকে শুচি কৰি ৰাখে।—১ তীমথিয় ৫:২২.
১৮, ১৯. (ক)কিছুমান নিযুক্তিকৰণক সন্থালৈ কেনেকৈ প্ৰেৰণ কৰা হয়? (খ) অনুমোদন আৰু নিযুক্তিকৰণৰ সকলো ব্যৱস্থাক কেনেদৰে বহন কৰা হয়?
১৮ কিছুমান নিযুক্তিকৰণ হয়তো পত্ৰৰ জৰিয়তে হʼব পাৰে। তেনেবোৰ পত্ৰত আইনগত নিগমৰ স্বীকৃতিপ্ৰাপ্ত মোহৰ মৰা হয়। এই পত্ৰখনৰ জৰিয়তে মণ্ডলীত কেইবাজনো প্ৰাচীন আৰু সহায়ক সেৱকসকলক নিযুক্ত কৰা হয়।
১৯ যিহোৱাই তেওঁৰ পুত্ৰ যীচু খ্ৰীষ্ট আৰু তেওঁৰ পাৰ্থিৱ সংগঠনত থকা “বিশ্বাসী বুদ্ধিমান দাস” বৰ্গৰ জৰিয়তে এই নিযুক্তিকৰণসমূহ কৰে। (মথি ২৪:৪৫-৪৭) অনুমোদন আৰু নিযুক্তিকৰণ এই সকলোবোৰৰ ব্যৱস্থা ঈশ্বৰৰ পবিত্ৰ আত্মাৰ দ্বাৰা কৰা হয়। কিয়নো পবিত্ৰ আত্মাৰ দ্বাৰাই প্ৰেৰিত ঈশ্বৰৰ বাক্যই যোগ্যতাসমূহৰ বিষয়ে উল্লেখ কৰিছে আৰু যিসকলক নিযুক্ত কৰা হৈছে, তেওঁলোকেও আত্মাৰ পৰা উৎপন্ন হোৱা ফলক নিজৰ কাৰ্য্যৰ যোগেদি প্ৰকাশ কৰি দেখুৱাইছে। সেইবাবে এই নিযুক্তিকৰণসমূহক মানুহে কৰা বুলি দৃষ্টি দিয়া উচিত নহয়, কিয়নো এইবোৰ পবিত্ৰ আত্মাৰ জৰিয়তে কৰা হয়। যেনেকৈ প্ৰথম শতাব্দীত প্ৰাচীন আৰু সহায়ক সেৱকসকলক নিযুক্তি কৰা হৈছিল, আধুনিক সময়টো সেই একেই আৰ্হিকে অনুকৰণ কৰা হয়।
যিহোৱাৰ সহায়ৰ বাবে অনেক ধন্যবাদ
২০. গীতমালা ১৩৩:১ পদত লিপিবদ্ধ কৰা ৰজা দায়ূদৰ অভিমতত আমি কিয় সন্মত হোৱা আৱশ্যক?
২০ বৰ্তমান সময়ত হোৱা আধ্যাত্মিক উন্নতি আৰু ৰাজ্যৰ শুভবাৰ্ত্তা প্ৰচাৰত ঈশ্বৰ-শাসিত কাৰ্য্যবোৰৰ বৃদ্ধিত চোৱা-চিতা কৰিবলৈ যিহোৱাই প্ৰাচীন আৰু সহায়ক সেৱকসকলক নিযুক্ত কৰাৰ বাবে আমি তেওঁক অশেষ ধন্যবাদ জনাইছোঁ। এই শাস্ত্ৰীয় প্ৰবন্ধবোৰে যিহোৱাৰ সাক্ষীসকলৰ মাজত ঈশ্বৰৰ উচ্চ স্তৰ বজাই ৰখাত এক গুৰুত্বপূৰ্ণ ভূমিকা আদায় কৰে। ইয়াৰ ওপৰিও পবিত্ৰ আত্মাই এই নিযুক্ত ভাইসকলৰ খ্ৰীষ্টীয় গুণ আৰু প্ৰচেষ্টাই যিহোৱাৰ সেৱকসকলৰ মাজত শান্তি আৰু ঐক্যতা বজাই ৰখাত সহায় কৰে। এতেকে গীত ৰচোঁতা ৰজা দায়ূদৰ নিচিনাকৈ আমিও এইদৰে কবলৈ প্ৰেৰিত হʼম: “চোৱা, ভাইবিলাকে ঐক্যেৰে একে-লগে বাস কৰা কেনে উত্তম আৰু সন্তোষজনক।”—গীতমালা ১৩৩:১.
২১. বৰ্তমান সময়ত যিচয়া ৬০:১৭ পদত দিয়া বাক্যশাৰী কেনেকৈ পূৰ্ণ হৈছে?
২১ যিহোৱাই পবিত্ৰ আত্মা আৰু তেওঁৰ বাক্যৰ জৰিয়তে দিয়া পথ-প্ৰদৰ্শনৰ বাবে আমি তেওঁলৈ কিমান যে কৃতজ্ঞতা যাপন কৰিছোঁ! এই সন্দৰ্ভত যিচয়া ৬০:১৭ পদত এক অৰ্থপূৰ্ণ বাক্য লিপিবদ্ধ কৰি থোৱা হৈছে। ইয়াত এইদৰে কোৱা হৈছে: “মই পিতলৰ সলনি সোণ, লোহাৰ সলনি ৰূপ, কাঠৰ সলনি পিতল, আৰু শিলবোৰৰ সলনি লোহা আনিম; আৰু মই তোমাৰ অধ্যক্ষবিলাকক শান্তিস্বৰূপে, আৰু তোমাৰ কৰগ্ৰাহীবিলাকক ধাৰ্ম্মিকতাস্বৰূপে নিযুক্ত কৰিম।” গতিকে যিহোৱাৰ সাক্ষীসকলৰ মাজত এই ঈশ্বৰীয় ব্যৱস্থাবোৰ যিমানেই অধিকৰূপে সুসজ্জিত হৈ উঠিব, আমি সিমানেই যিহোৱাৰ পাৰ্থিৱ সংগঠনৰ পৰা আশীৰ্ব্বাদসমূহ লাভ কৰিব পাৰিম।
২২. আমি কিহৰ বাবে যিহোৱালৈ কৃতজ্ঞতা জ্ঞাপন কৰা আৱশ্যক আৰু আমি কি কৰিবলৈ দৃঢ়ভাৱে নিৰ্ণয় লোৱা উচিত? (w01 1/15)
২২ এতেকে আমাৰ মাজত এনে ধৰণৰ ঈশ্বৰীয় প্ৰবন্ধ কৰাৰ বাবে আমি আন্তৰিকতাৰে কৃতজ্ঞতা যাপন কৰিছোঁ। যিহোৱাই ঈশ্বৰীয় ব্যৱস্থাৰ দ্বাৰা নিযুক্ত কৰা প্ৰাচীন আৰু সহায়ক সেৱকসকলে কৰা কঠোৰ পৰিশ্ৰমৰ বাবে আমি তেওঁলোকক আন্তৰিকতাৰে শলাগ লৈছোঁ। আমাৰ মৰমীয়াল স্বৰ্গীয় পিতৃ যিহোৱাই আধ্যাত্মিক বৃদ্ধি আৰু প্ৰচুৰ আশীৰ্ব্বাদ দিয়াৰ বাবে আমি সম্পূৰ্ণ হৃদয়েৰে তেওঁক মহিমাম্বিত কৰিছোঁ। (হিতোপদেশ ১০:২২) এতেকে আঁহক আমি যিহোৱাৰ সংগঠনৰ সৈতে চলিবলৈ দৃঢ়ভাৱে নিৰ্ণয় লওঁহঁক। ইয়াৰ ওপৰিও আমি ঐক্যতাৰে একেৰাহে যিহোৱাৰ সেৱা কৰি তেওঁৰ মহান আৰু পবিত্ৰ নামক সন্মান, স্তুতি আৰু গৌৰবান্বিত কৰোঁহঁক।
আপুনি কেনেদৰে উত্তৰ দিব?
•আমি কিয় কʼব পাৰোঁ যে প্ৰাচীন আৰু সহায়ক সেৱকসকলৰ নিযুক্তি সমাজতান্ত্ৰিক নহয়, কিন্তু ঈশ্বৰীয় প্ৰশাসনৰ দ্বাৰাহে কৰা হয়?
•পবিত্ৰ আত্মাই কেনেকৈ খ্ৰীষ্টান দায়ীত্বত থকা ভাইসকলক নিযুক্ত কৰে?
•প্ৰাচীন আৰু সহায়ক সেৱকসকলৰ নিয়োগকৰণত প্ৰশাসন গোষ্ঠীয়ে কেনেকৈ জৰিত্ব আছে?
•এনেবোৰ ঈশ্বৰীয় নিযুক্তিকৰণৰ বাবে আমি কিয় যিহোৱালৈ কৃতজ্ঞতা জ্ঞাপন কৰা উচিত?
[২৩ পৃষ্ঠাৰ ছবি]
ঈশ্বৰীয় ব্যৱস্থাৰ দ্বাৰাই নিযুক্ত হৈ প্ৰাচীন আৰু সহায়ক সেৱকসকলে সেৱা কৰাৰ বিশেষ অধিকাৰ পায়