খ্ৰীষ্টান হিচাপে জীৱন-যাপন
যোচেফৰ দৰে হওক—অনৈতিকতাৰপৰা আঁতৰি থাকক
যেতিয়া আমাক অনৈতিক কাৰ্য্যৰ বাবে প্ৰলোভিত কৰা হয়, তেতিয়া আমি যোচেফৰ ঘটনা মনত ৰখা উচিত। যোচেফৰ গৰাকীৰ পত্নীয়ে তেওঁক প্ৰতিদিনে অনৈতিক কাৰ্য্যৰ বাবে প্ৰলোভিত কৰিবলৈ চেষ্টা কৰিছিল, কিন্তু তেওঁ তাইক অস্বীকাৰ কৰিছিল। (আদি ৩৯:৭-১০) তেওঁ কৈছিল: “মই কেনেকৈ এনে মহা-দুষ্কৰ্ম্ম, আৰু ঈশ্বৰৰ বিৰুদ্ধে পাপ কৰিব পাৰোঁ?” ইয়াৰপৰা বুজিব পাৰি যে তেওঁ এই বিষয়ে ধ্যান কৰিছিল যে যিহোৱাৰ বাবে কি কথা আটাইতকৈ গুৰুত্বপূৰ্ণ। সেয়া হৈছে, স্বামী আৰু স্ত্ৰীয়ে এজনে-আনজৰ প্ৰতি বিশ্বাসী হৈ থকা উচিত। সেইবাবে, যেতিয়া সেই তিৰোতা গৰাকীয়ে যোচেফৰ ওপৰত অনৈতিক কাৰ্য্যৰ বাবে বেছিকৈ জোৰ দিছিল, তেতিয়া তেওঁ প্ৰলোভিত হোৱা নাছিল আৰু তাৰপৰা পলাই গৈছিল।—আদি ৩৯:১২; ১কৰি ৬:১৮.
অনৈতিকতাৰপৰা আঁতৰি থাকক নামৰ ভিডিঅʼখন দেখুৱাওক। তাৰ পাছত নিম্নলিখিত প্ৰশ্নবোৰৰ উত্তৰ দিয়ক:
জিনে কেনে সমস্যাৰ সন্মুখীন হৈছিল?
যেতিয়া মি-কিয়ংয়ে জিনক গণিতত সহায় কৰিবলৈ কৈছিল, তেতিয়া জিনে কি চিন্তা কৰিলে?
মি-কিয়ংৰ কথাই জিনৰ ওপৰত কি প্ৰভাৱ পেলালে?
জিনে কেনেকৈ আৰু কাৰপৰা সহায় বিচাৰিলে?
অনৈতিক কাৰ্য্যৰপৰা আঁতৰি থাকিবলৈ জিনে কি কৰিলে?
এই ভিডিঅʼখনৰপৰা আপুনি কি শিক্ষা লাভ কৰিলে?