পৰিয়ালৰ সন্মান কৰক

পৰিয়ালত এজনে-আনজনক সন্মান কৰাটো কিয় প্ৰয়োজন?

• এখন ইংৰাজী কিতাপ বিবাহিত জীৱনক সফল কৰাৰ সাতটা সিদ্ধান্তত লিখা আছে যে “যদি পতি-পত্নীয়ে এজনে-আনজনক সন্মান কৰে, তেনেহʼলে কেৱল ডাঙৰ ডাঙৰ বিষয়তে নহয়, সৰু সৰু বিষয়বোৰতো নিজৰ প্ৰেম প্ৰকাশ কৰিব পাৰিব।”

• এটা অনুসন্ধানৰ পৰা জানিব পৰা গৈছে যে যি লʼৰা-ছোৱালীয়ে আনৰ সন্মান কৰে, তেওঁলোকে নিজৰ বিষয়ে ভাল অনুভৱ কৰে, পিতৃ-মাতৃৰ লগত তেওঁলোকৰ ভাল সম্পৰ্ক থাকে, তেওঁলোক আনন্দিত থাকে আৰু তেওঁলোকৰ মানসিক সমস্যাও বহুত কম হয়।

আপুনি পৰিয়ালৰ সকলোকে কেনেকৈ সন্মান কৰিব পাৰে?

গোটেই পৰিয়াল একেলগে মিলি কথা পাতক। প্ৰথম, পৰিয়ালত সকলোৱে এজনে-আনজনক সন্মান কৰাটো কিয় গুৰুত্বপূৰ্ণ? এই বিষয়ে পৰিয়ালৰ সকলোকে জনোৱা হৈছে নে নাই, নিজৰ জীৱন সংগীৰ লগত নিশ্চিত কৰক। দ্বিতীয়, প্ৰতিজন সদস্যই কেনেদৰে ব্যৱহাৰ কৰা উচিত আৰু কেনেদৰে ব্যৱহাৰ কৰা উচিত নহয়, তাৰ বিষয়ে লিখক। তৃতীয়, গোটেই পৰিয়ালে মিলি লিখা কথাবোৰ আলোচনা কৰক। যাতে সকলোৱে জানিব পাৰে যে আমি সকলোৱে এজনে-আনজনক সন্মান কৰিবলৈ কৰি কৰিব পাৰি।

ভাল উদাহৰণ ৰাখক। যেতিয়া পৰিয়ালৰ কোনো সদস্যই ভুল কৰে, তেতিয়া আপুনি একেটা কথাকে বাৰে বাৰে কৈ থাকেনে? যেতিয়া তেওঁলোকে কোনো এটা বিষয়ত নিজৰ মন্তব্য দিয়ে, তেতিয়া আপুনি তেওঁলোকৰ ঠাট্টা কৰেনে? যেতিয়া কোনোবাই কথা কয়, তেতিয়া আপুনি মাজতে বাধা দি নিজে কথা পাতিবলৈ আৰম্ভ কৰেনে? মনত ৰাখক আপুনি প্ৰথমে তেওঁলোকক সন্মান কৰিব লাগিব।

পৰামৰ্শ: নিজৰ জীৱন সংগী আৰু লʼৰা-ছোৱালীক সকলো সময়তে সন্মান কৰিবলৈ চেষ্টা কৰক। যদিও তেওঁলোকে ইয়াৰ যোগ্য নহয়।

সন্মত নহʼলেও কাজিয়া নকৰিব। পৰিয়ালৰ কোনো সদস্যৰ লগত কথা পতাৰ সময়ত এইদৰে কেতিয়াও নকʼব “তুমি সদায় এইদৰেই কৰা” বা “তুমি কেতিয়াও নুশুনা” বা “তোমাৰ লগত কথা পতাৰ একো লাভে নাই।” এইদৰে কʼলে তেওঁক হয়তো বেয়া লাগিব আৰু সৰু এটা কথা ডাঙৰ কাজিয়াৰ ৰূপ লʼব।

আমাৰ প্ৰচেষ্টা

আমি যিহোৱাৰ সাক্ষীসকলে পৰিয়ালৰ সকলো সদস্যক এজনে-আনজনক সন্মান কৰিবলৈ উৎসাহিত কৰোঁ। এই বিষয়ে আমাৰ বহুতো বিনামূলীয়া লেখ, কিতাপ-পত্ৰিকা আৰু ভিডিঅʼবোৰত উল্লেখ আছে।

পতি-পত্নীৰ বাবে: বিবাহ আৰু পৰিয়াল ভাগত বহুতো লেখ দিয়া হৈছে। যিবোৰ পঢ়ি পতি-পত্নীয়ে বহুতো কথা শিকিব পাৰে। যেনে . . .

• ভাল শুনোতা কেনেকৈ হʼব পাৰি

• সমস্যবোৰ কেনেকৈ সমাধান কৰিব পাৰি

• তৰ্ক-বিতৰ্ক কেনেকৈ বন্ধ কৰিব পাৰি

(jw.org-ৰ অনুসন্ধান বক্সত “বিবাহ আৰু পৰিয়াল” টাইপ কৰক)

পিতৃ-মাতৃৰ বাবে: বিবাহ আৰু পৰিয়াল ভাগত বহুতো লেখ দিয়া হৈছে। যিবোৰ পঢ়ি পিতৃ-মাতৃয়ে নিজৰ লʼৰা-ছোৱালীক বহুতো কথা শিকাব পাৰে। যেনে . . .

• মা-দেউতাৰ কথা মানি চলা

• ঘৰৰ কাম-কাজত সহায় কৰা

• “প্লীজ” আৰু “থেঙ্কিউ” কোৱা

(jw.org-ৰ অনুসন্ধান বক্সত “লʼৰা-ছোৱালীক ডাঙৰ-দীঘল কৰা” আৰু “লʼৰা-ছোৱালীয়ে যেতিয়া ডাঙৰ হʼবলৈ ধৰে” (হিন্দী) টাইপ কৰক)

সচেতন থাকক! নং ২, ২০১৯ চনৰ লেখ “লʼৰা-ছোৱালীৰ বাবে ছয়টা গুৰুত্বপূৰ্ণ শিক্ষা,” সচেতন থাকক! নং ২, ২০১৮ চনৰ লেখ “১২ টা পৰামৰ্শ পালন কৰক আৰু নিজৰ পৰিয়ালক সুখী কৰি তোলক” পৃষ্ঠা ৮-১১ পঢ়ক। (jw.org-ৰ (হিন্দী) অনুসন্ধান বক্সত এই লেখবোৰৰ বিষয় টাইপ কৰক)

কিশোৰ-কিশোৰীসকলৰ বাবে সহায়: এই ভাগত বহুতো লেখ, ভিডিঅʼ আৰু ক্ৰিয়াকলাপ দিয়া হৈছে। যিবোৰৰ সহায়ত লʼৰা-ছোৱালী আৰু কিশোৰ-কিশোৰীসকলে বহুত কিছু শিকিব পাৰে। যেনে . . .

• মই মা-দেউতা আৰু মোৰ ভাই-ভনীৰ লগত কেনেকৈ ভাল সম্পৰ্ক গঢ়ি তুলিব পাৰোঁ

• মা-দেউতাই বনোৱা নিয়মৰ বিষয়ে কেনেকৈ সন্মানেৰে কথা পতিব পাৰোঁ

• মা-দেউতাৰ ভৰসা কেনেকৈ জিকিব পাৰোঁ

(jw.org-ৰ অনুসন্ধান বক্সত “কিশোৰ-কিশোৰীসকলৰ বাবে সহায়” টাইপ কৰক)

jw.org বেৱছাইটত আপুনি বিনামূলীয়াকৈ পঢ়িব, চাব আৰু ডাউনলʼড কৰিব পাৰে। আপুনি কোনো টকা-পইচা দিব নালাগে। চাবস্ক্ৰিপচন বা মেম্বাৰচিপো লʼব নালাগে। আপোনাৰ কোনো ব্যক্তিগত তথ্য বিচৰা নহʼব।