ভাগ ৯-ত কি শিকিম

এই ভাগত আমি এনে লʼৰা-ছোৱালী, ভৱিষ্যবক্তা আৰু ৰজাসকলৰ বিষয়ে শিকিম, যিসকলৰ যিহোৱাৰ ওপৰত মজবুত বিশ্বাস আছিল। চিৰিয়াৰ এজনী সৰু ছোৱালীৰ বিশ্বাস আছিল যে যিহোৱাৰ ভৱিষ্যবক্তাই নামানৰ বেমাৰ ভাল কৰি দিব। ভৱিষ্যবক্তা ইলীচাৰ সম্পূৰ্ণ ভৰসা আছিল যে যিহোৱাই তেওঁক শত্ৰু সেনাবিলাকৰ পৰা বচাব। মহা-পুৰোহিত যিহোয়াদাই নিজৰ জীৱন বিপদত পেলাই সৰু যোৱাচক তেওঁৰ আইতা অথলিয়াৰ পৰা বচালে, যি এগৰাকী বহুত বেয়া তিৰোতা আছিল। ৰজা হিষ্কিয়াৰ ভৰসা আছিল যে যিহোৱাই যিৰূচালেমক বচাব, সেইবাবে তেওঁ অচূৰীয়াসকলৰ ধমকিলৈ ভয় নকৰিলে। ৰজা যোচিয়াই দেশৰ পৰা মূৰ্তিপূজা দূৰ কৰিলে, মন্দিৰৰ মেৰামতি কৰালে আৰু সত্য উপাসনাক আকৌ আৰম্ভ কৰুৱালে।