পাঠ ৩৭
কাম আৰু টকা-পইচাৰ বিষয়ে বাইবেলত কি কোৱা হৈছে?
কাম আৰু টকা-পইচাক লৈ কেতিয়াবা আপোনাৰ চিন্তা হৈছে নে? এয়া সঁচা যে ঘৰখন চলোৱাৰ লগতে যিহোৱাৰ সেৱা কৰাটো ইমান সহজ নহয়। এই বিষয়ে বাইবেলে কি পৰামৰ্শ দিছে, আহক চাওঁ।
১. কামৰ বিষয়ে বাইবেলত কি কৈছে?
আমি নিজৰ কামৰপৰা আনন্দ লাভ কৰাটো যিহোৱাই বিচাৰে। বাইবেলত এইদৰে লিখা আছে, “মানুহে নিজৰ কাৰ্য্যত আনন্দ কৰাতকৈ কোনো উত্তম নাই।” (উপদেশক ৩:২২) যিহোৱা ঈশ্বৰে বহুত পৰিশ্ৰম কৰে। যিহোৱাৰ দৰে যেতিয়া আমি পৰিশ্ৰম কৰোঁ, তেতিয়া যিহোৱা আনন্দিত হয় আৰু আমিও আনন্দিত হওঁ।
কাম কৰাটো প্ৰয়োজন, কিন্তু কামত আমি ইমানেই ব্যস্ত হোৱা উচিত নহয় যে আমি যিহোৱাৰ সেৱা কৰিব নোৱাৰোঁ। (যোহন ৬:২৭) যিহোৱাই প্ৰতিজ্ঞা কৰিছে যে যদি আমি নিজৰ জীৱনত যিহোৱাৰ সেৱাক প্ৰথম স্থান দিওঁ, তেনেহʼলে তেওঁ আমাৰ যত্ন লʼব আৰু আমাৰ প্ৰয়োজনীয়তা পূৰ কৰিব।
২. টকা-পইচাৰ প্ৰতি আমাৰ কেনে দৃষ্টিভংগী হোৱা উচিত?
বাইবেলো এই কথাষাৰ স্বীকাৰ কৰে যে ‘ধন বা টকা-পইচাই ৰক্ষা কৰে,’ কিন্তু এয়াও সতৰ্ক কৰে যে কেৱল টকা-পইচাই আমাক আনন্দ নিদিয়ে। (উপদেশক ৭:১২) সেইবাবে, টকা-পইচাক প্ৰেম নকৰিবলৈ আৰু ‘আমাৰ ওচৰত যি আছে, তাতে সন্তুষ্ট হৈ থাকিবলৈ’ বাইবেলে আমাক উৎসাহিত কৰিছে। (ইব্ৰী ১৩:৫ পঢ়ক।) যদি আমি সন্তুষ্ট হৈ থাকিম, তেনেহʼলে আমি বেছিকৈ টকা-পইচা গোটোৱাৰ বিষয়ে চিন্তা নকৰিম আৰু ধাৰ লোৱাৰপৰা আঁতৰি থাকিম। (হিতোপদেশ ২২:৭) ইয়াৰ উপৰিও, জুৱা খেলা আৰু এৰাতিৰ ভিতৰতে ধনী হোৱা স্কীম বা ফান্দবোৰৰপৰা বাচি থাকিব পাৰিম।
৩. আমি নিজৰ টকা-পইচাৰপৰা আনক কেনেকৈ সহায় কৰিব পাৰোঁ?
যিহোৱা দানশীল ঈশ্বৰ। তেওঁৰ দৰে আমিও “বিলাই দিবলৈ আৰু ভগাই লবলৈকো ইচ্ছুক” হʼব পাৰোঁ। (১ তীমথিয় ৬:১৮, ১৯) এয়া আমি কেনেকৈ কৰিব পাৰোঁ? আমি মণ্ডলীৰ কামৰ কাৰণে দান দিব পাৰোঁ, সহায়ৰ প্ৰয়োজন হোৱা ভাই-ভনীসকলক, বিশেষকৈ খ্ৰীষ্টান ভাই-ভনীসকলক টকা-পইচাৰ যোগেদি সহায় কৰিব পাৰোঁ। আমি কিমান দান দিছোঁ, সেয়া যিহোৱাই নাচায়, কিন্তু আমি কি উদ্দেশ্যেৰে দিছোঁ, তালৈহে তেওঁ লক্ষ্য কৰে। যেতিয়া আমি হৃদয় খুলি আনক সহায় কৰিবলৈ দান দিওঁ, তেতিয়া যিহোৱা আনন্দিত হয় আৰু আমিও আনন্দিত হওঁ।—পাঁচনিৰ কৰ্ম্ম ২০:৩৫ পঢ়ক।
গভীৰভাৱে ধ্যান কৰক
কামৰ বিষয়ে সঠিক দৃষ্টিভংগী বজাই ৰাখিলে আৰু আমাৰ ওচৰত যি আছে, তাতে সন্তুষ্ট হৈ থাকিলে আমাৰ কি কি লাভ হয়, আহক এই বিষয়ে আলোচনা কৰোঁ।
৪. কামৰ বিষয়ে সঠিক দৃষ্টিভংগী বজাই ৰাখিলে যিহোৱাৰ মহিমা হয়
যদি যিহোৱাৰ লগত আমাৰ ভাল সম্পৰ্ক থাকে, তেনেহʼলে কামৰ বিষয়ে আমি যিহোৱাৰ দৰে ভাবিম। ভিডিঅʼখন চাওক, তাৰ পাছত নিম্নলিখিত প্ৰশ্নবোৰ আলোচনা কৰক:
ভিডিঅʼখনত কামৰ ঠাইত জেচনৰ ব্যৱহাৰ আৰু চিন্তাধাৰা কেনেকুৱা আছিল? জেচনৰ কোনটো কথা আপোনাক ভাল লাগিল?
জেচনে কেনেকৈ দেখুৱালে যে চাকৰি তেওঁৰ বাবে ইমান গুৰুত্বপূৰ্ণ নাছিল?
কলচীয়া ৩:২৩, ২৪ পঢ়ক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:
মনে-প্ৰাণে কাম কৰাটো কিয় প্ৰয়োজন?
কাম কৰাটো প্ৰয়োজন, কিন্তু আমি কামক ইমানেই গুৰুত্ব দিয়া উচিত নহয় যে যিহোৱাৰ সেৱা আমি কৰিব নোৱাৰিম
৫. সন্তুষ্ট হৈ থাকিলে কি লাভ হয়?
বহুতোলোকে বেছি টকা-পইচা গোটাবলৈ চেষ্টা কৰে। কিন্তু মন কৰক বাইবেলে কি পৰামৰ্শ দিছে। ১ তীমথিয় ৬:৬-৮ পঢ়ক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:
বাইবেলে আমাক কি কৰিবলৈ উৎসাহিত কৰে?
প্ৰতিদিনৰ প্ৰয়োজনীয়তা পূৰ কৰিবলৈ কঠিন হোৱাৰ সত্ত্বেও আমি আনন্দত থাকিব পাৰোঁ। ভিডিঅʼখন চাওক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:
বেছি টকা-পইচা নথকাৰ সত্ত্বেও দুয়ো পৰিয়াল কিয় আনন্দত আছে?
আমাৰ ওচৰত হয়তো সকলো বস্তু আছে, তথাপি আমি আৰু বিচাৰোঁ। এনেধৰণৰ চিন্তাধাৰা ৰখাটো কিয় বিপদজনক হয়, যীচুৰ উদাহৰণৰপৰা কেনেকৈ জানিব পাৰোঁ। লূক ১২:১৫-২১ পঢ়ক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:
যীচুৰ উদাহৰণৰপৰা আপুনি কি শিকিলে?—পদ ১৫ চাওক।
হিতোপদেশ ১০:২২ আৰু ১ তীমথিয় ৬:৯, ১০ পঢ়ক, তাৰ পাছত নিম্নলিখিত প্ৰশ্নবোৰ আলোচনা কৰক:
বেছি গুৰুত্বপূৰ্ণ কি, যিহোৱাৰ লগত থকা আমাৰ সম্পৰ্ক, নে টকা-পইচা? আপুনি এইদৰে কিয় ভাবে?
টকা-পইচা বেছি গোটাবলৈ চেষ্টা কৰিলে কি সমস্যা হʼব পাৰে?
৬. যিহোৱাই আমাৰ প্ৰয়োজনীয়তা পূৰ কৰিব
চাকৰি আৰু টকা-পইচাক লৈ কেতিয়াবা এনেধৰণৰ সমস্যা হʼব পাৰে, যাৰ বাবে যিহোৱাৰ ওপৰত ভৰসা কৰিবলৈ আমাৰ বাবে কঠিন হʼব পাৰে। এই সমস্যাবোৰ আমি কেনেকৈ সন্মুখীন হʼব পাৰোঁ, ইয়াৰ বিষয়ে জানিবলৈ ভিডিঅʼখন চাওক, তাৰ পাছত নিম্নলিখিত প্ৰশ্নবোৰ আলোচনা কৰক:
ভিডিঅʼখনত ভাইজনে কি সমস্যাৰ সন্মুখীন হৈছিল?
ভাইজনে সমস্যাবোৰ সন্মুখীন হʼবলৈ কি কৰিলে?
মথি ৬:২৫-৩৪ পঢ়ক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:
যিসকলে যিহোৱাক নিজৰ জীৱনত প্ৰথম স্থান দিয়ে, তেওঁলোকক যিহোৱাই কি প্ৰতিজ্ঞা কৰিছে?
কিছুমান লোকে কয়: “ঘৰখন চলাবলৈ বহুত কষ্ট কৰিবলগীয়া হৈছে। মই প্ৰতি সপ্তাহে সভালৈ কেনেকৈ আহিব পাৰিম।”
এনে পৰিস্থিতিত যিহোৱাৰ সেৱাক প্ৰথম স্থান দিয়াটো ভাল নিৰ্ণয় হয় বুলি বাইবেলৰ কোনটো পদে আপোনাক সহায় কৰিলে?
আমি কি শিকিলোঁ
কাম আৰু টকা-পইচাৰ প্ৰয়োজন আছে, কিন্তু এইবোৰ আমাৰ জীৱনত যিহোৱাৰ সেৱাতকৈ বেছি গুৰুত্বপূৰ্ণ হোৱা উচিত নহয়।
আপুনি কেনেকৈ উত্তৰ দিব?
কামৰ বিষয়ে সঠিক দৃষ্টিভংগী বজাই ৰাখিবলৈ কি কথাই আপোনাক সহায় কৰিব পাৰে?
আমাৰ ওচৰত যি আছে, তাতেই সন্তুষ্ট হৈ থাকিলে আমাৰ কি লাভ হʼব?
যিহোৱাই প্ৰতিজ্ঞা কৰিছে যে তেওঁ নিজৰ লোকসকলৰ প্ৰয়োজনীয়তা পূৰ কৰিব। এই প্ৰতিজ্ঞাৰ ওপৰত আপোনাৰ ভৰসা আছে বুলি আপুনি কেনেকৈ দেখুৱাব পাৰে?
বেছিকৈ জানক
টকা-পইচা গোটোৱাটো ভুল বুলি বাইবেলে কৈছেনে? আহক চাওঁ।
কেনেধৰণৰ সহায়ৰপৰা যিহোৱা আনন্দিত হয়, তাৰ বিষয়ে জানক।
“পবিত্ৰ শাস্ত্ৰই আনক সহায় কৰাৰ বিষয়ে কি কয়?” (ৱেবছাইটত দিয়া লেখ)
জুৱা খেলাটো ভুল নে?
“বাইবেলে কি কয়—জুৱা খেল” (সচেতন থাকক!-হিন্দী, এপ্ৰিল-জুন ২০১৫)
এজন ব্যক্তিয়ে জুৱা খেলি আৰু চোৰ কৰি ভাল পাইছিল। কিন্তু কি কথাই নিজকে সলনি কৰিবলৈ তেওঁক সহায় কৰিলে? আহক চাওঁ।
“মই ঘোঁৰা দৌৰ খেলৰ বাবে পাগল আছিলোঁ” (প্ৰহৰীদুৰ্গ-হিন্দী, এপ্ৰিল-জুন ২০১২)