কেনেকৈ পৰিয়ালৰ সদস্যসকলে—পৰিচৰ্য্যা কাৰ্য্যত সম্পূৰ্ণৰূপে ভাগ লোৱাত সহযোগিতা আগবঢ়াব
১ স্বামী-স্ত্ৰী, পিতৃ-মাতৃ আৰু সন্তানে একেলগে খ্ৰীষ্টান পৰিচৰ্য্যা কাৰ্য্যত ভাগ লৈ যিহোৱাৰ নাম ৰাইজৰ আগত প্ৰশাংসা কৰা কাৰ্য্যতকৈ মহান হৃদয়স্পৰ্ষী কাৰ্য্য কি হব পাৰে বাৰু? (গীত. ১৪৮:১২, ১৩) সকলো পৰিয়ালে নিয়মিতৰূপে প্ৰচাৰ কাৰ্য্যত ভাগ লবলৈ এক উত্তম তালিকা ৰখা আৱশ্যক। আপোনাৰ পৰিয়ালে পৰিচৰ্য্যা কাৰ্য্যত সময় অতিবাহিত কৰিবলৈ প্ৰত্যেক সপ্তাহত এটা দিন স্থিৰ কৰিছে নে? যদি কৰিছে, তেনেহʼলে সকলোৱে এই পৰিকল্পনাৰ বিষয়ে সঠিকৈ জনা উচিত যাতে তেওঁলোকে সম্পূৰ্ণৰূপে পৰিচৰ্য্যা কাৰ্য্যত ভাগ লব পাৰে।—হিতো. ২১:৫ক.
২ পৰিয়ালৰ সৈতে পৰিচৰ্য্যালৈ যোৱা দিনৰ আগতে, প্ৰস্তুতিৰ বাবে পৰিয়ালৰ সকলোৱে একগোট হৈ কিয় এটা আঁচনি তৈয়াৰ নকৰে যিটোক আপোনাৰ পৰিয়ালে পৰিচৰ্য্যা কাৰ্য্যত ব্যৱহাৰ কৰিব পাৰে? অভ্যাস কৰা কাৰ্য্যসমূহে অধিক সহায়ক হব পাৰে আৰু তেওঁলোকে পৰিয়ালৰ সহযোগিতাত এক উত্তম আত্মা বিকাশিত কৰিব পাৰে। এইটো কিমান যে আনন্দজনক হব যেতিয়া পৰিচৰ্য্যা কাৰ্য্য পৰিয়ালৰ বাবে এটা অংশ হৈ পৰে আৰু সকলো সদস্যই ইয়াৰ বাবে ভালদৰে প্ৰস্তুত হৈ থাকিব!
৩ এজন ভ্ৰমণ ওভাৰচিয়াৰে আলোচনী বিতৰণ কৰিবলৈ এটা পৰিয়ালৰ সকলো সদস্যৰ সৈতে কাৰ্য্য কৰিছিল। সেই পৰিয়ালৰ এজনী ছোৱালীৰ সৈতে তেওঁ ঘৰে ঘৰে কাৰ্য্য কৰি থকাৰ সময়ত, তাই তেওঁক সুধিলে: “আপুনি কিমান সময়লৈকে মোৰ সৈতে কাৰ্য্য কৰিব?” পাছত তাই কয় যে তেওঁৰ সৈতে কাৰ্য্য কৰা পাছত তাইৰ দেউতাকৰ সৈতে কাৰ্য্য কৰিব। এইটো স্পষ্টকৈ দেখা গৈছিল যে তাই আৰু তাইৰ দেউতা একেলগে কাৰ্য্য কৰি সচাঁকৈ আনন্দিত হৈছিল। পৰিয়ালত এইটো কিযে এক উত্তম আত্মা!
৪ কিছুমান পৰিয়ালে বছৰৰ এটা মাহত একেলগে সহযোগী অগ্ৰগামী কৰিবলৈ সমৰ্থ হব পাৰে। বা কেতিয়াবা পৰিয়ালৰ অতি কমেও এজন ব্যক্তিয়ে এজন সহযোগী অগ্ৰগামীৰূপে কাৰ্য্য কৰিবলৈ বা এজন নিয়মিত অগ্ৰগামীৰূপে কাৰ্য্য কৰিবলৈ সম্ভৱ হব। ভাল ব্যৱস্থা আৰু সহযোগিতাৰ সহায়ত, হয়তো ঘৰৰ সকলো সদস্যই, যিজন অগ্ৰগামী তেওঁক সমৰ্থন দিয়াৰ দ্বাৰা তেওঁলোকে পৰিচৰ্য্যা কাৰ্য্যত নিজৰ ব্যক্তিগত ভাগ বৃদ্ধি কৰিব পাৰে। এইদৰে কাৰ্য্যক বৃদ্ধি কৰাৰ দ্বাৰা আৰু তেওঁলোকে পৰিচৰ্য্যা কাৰ্য্যত আনন্দ প্ৰাপ্ত কৰা ভাল অনুভৱবোৰৰ দ্বাৰা পৰিয়ালৰ ওপৰত আশীৰ্ব্বাদ কঢ়িয়াই আনিব।—মলা. ৩:১০.
৫ যেতিয়া প্ৰচাৰ কাৰ্য্যক সম্পূৰ্ণ কৰিবলৈ পৰিয়ালৰ সকলোৱে পূৰ্ণ হৃদয়েৰে ভাগ লব তেতিয়া এজনে আনজনৰ প্ৰতি আগ্ৰহী হব, আৰু এই পৰিয়ালে যিহোৱাৰ সেৱাত ভাল ফল উৎপন্ন কৰিব আৰু সেই সেৱা উৎসাহ আৰু আনন্দৰে কৰিব!—ফিলি. ২:১, ২ তুলনা কৰক।