আপুনি নিশ্চয়ে ঔষধে তেজবিহীন চিকিৎসাৰ প্ৰত্যাহ্বান স্বীকাৰ কৰে নামৰ ভিডিঅʼখন চোৱা উচিত
বৰ্তমান সময়ত উপলব্ধ থকা তেজবিহীন ঔষধৰ বিষয়ে আপুনি কিমান ভালকৈ জানে? আপুনি কিছুমান বিকল্প সঞ্চাৰণ আৰু সেইবোৰে কেনেকৈ কাৰ্য্য কৰে, তাৰ প্ৰতি অৱগত নে? এই ভিডিঅখন চাওক আৰু তলত দিয়া প্ৰশ্নৰে আপোনাৰ জ্ঞান পৰীক্ষা কৰক। —টোকা: এই ভিডিঅখনত এটা চমুকৈ অস্ত্ৰচিকিৎসাৰ দৃশ্য আছে, এতেকে পিতৃ-মাতৃয়ে তেওঁলোকৰ সৰু লʼৰা-ছোৱলীৰ সৈতে ভিডিঅখন চাবলৈ সতৰ্কতা অৱলম্বন কৰা আৱশ্যক।
(১) যিহোৱাৰ সাক্ষীসকলে তেজ সঞ্চাৰণ নকৰা মুখ্য কাৰণ কি আৰু সেই কাৰণটো বাইবেলৰ কোনটো শাস্ত্ৰ পদত পোৱা যায়? (২) যেতিয়া চিকিৎসা কৰাৰ সম্বন্ধে কোনো প্ৰশ্ন উঠে তেতিয়া আমি কি কৰিবলৈ ইচ্ছা কৰোঁ? (৩) পিতৃ-মাতৃৰ ওচৰত কেনে অত্যাৱশ্যকীয় অধিকাৰ আছে? (৪) তেজ সঞ্চাৰণ অগ্ৰাহ্য কৰাটো কিয় যুক্তিসঙ্গত আৰু দায়িত্বশালী কাৰ্য্য? (৫) যেতিয়া অত্যাধিক পৰিমাণে তেজ হ্ৰাস হয় তেতিয়া চিকিৎসকে কেনে দুটা জৰুৰী বিষয়ত মনোযোগ দিয়ে? (৬) তেজ সঞ্চাৰণৰ সৈতে স্বাস্থ্যৰ বাবে কেনে ক্ষতিকাৰক কাৰণসমূহ জড়িত আছে? (৭) শৈল্যচিকিৎসাৰ সময়ত অধিক তেজ হানি নহবলৈ চিকিৎসকৰ বাবে কেনে সঁজুলিবোৰ উপলব্ধ আছে? (৮) তেজ সঞ্চাৰণৰ বিকল্পৰূপে আপুনি চিকিৎসকক কেনে সংবাদ দিয়া উচিত? (৯) কোনো গুৰুত্বৰ আৰু জটিল শৈল্যচিকিৎসা তেজ সঞ্চাৰণৰ অবিহনে সম্ভৱনে? (১০) বেছিভাগ চিকিৎসকে যিহোৱাৰ সাক্ষীসকলৰ বাবে কেনে চিকিৎসা আগবঢ়াবলৈ আগ্ৰহী আৰু সকলো ৰোগীক শুশ্ৰূষা কৰিবলৈ চিকিৎসালয়বোৰত কেনে মানদণ্ডক ক্ৰমান্বয়ে প্ৰচলিত কৰা হʼব?
ইয়াত কোনো সন্দেহ নাই যে তেজ সঞ্চাৰণৰ বিষয়ে প্ৰশ্ন কৰা বাইবেল অধ্যয়ন কৰা আগ্ৰহী ব্যক্তি, সাক্ষী নোহোৱা বা আত্মীয় ব্যক্তি, সহকৰ্ম্মী, শিক্ষক আৰু সহপাঠীসকলে তেজবিহীন চিকিৎসা নামৰ ভিডিঅখন চাই অৱশ্যে সহায় লাভ কৰিব। এই ভিডঅখনত প্ৰস্তুত কৰা চিকিৎসাক এজন ব্যক্তিয়ে গ্ৰহণ কৰাটো সম্পূৰ্ণৰূপে তেওঁৰ নিজা আৰু বিবেচনাপূৰ্ণ নিৰ্ণয়।—জুন ১৫ আৰু অক্টোবৰ ১৫, ২০০০ চনৰ প্ৰহৰীবুৰুজ আলোচনীখনৰ “পাঠকসকলৰ প্ৰশ্ন” নামৰ শিতানটো চাওক।