সংৰক্ষণ কৰক
প্ৰচাৰ কাৰ্য্যত প্ৰস্তুত কৰা প্ৰস্তাৱনাবোৰৰ পৰামৰ্শ দিয়া হʼল
তলত দিয়া প্ৰস্তাৱনাবোৰৰ ব্যৱহাৰ কৰি সাজু হʼলে প্ৰত্যেক মাহত আলোচনী বিতৰণ কৰিবলৈ সহায়ক হʼব।
যিহোৱা ঈশ্বৰৰ কাষ চপা
“ঈশ্বৰত বিশ্বাস ৰখা বহুতো লোকে তেওঁৰ কাষ চপিবলৈ বিচাৰে। আপুনি জানেনে যে ঈশ্বৰে আমাক তেওঁৰ কাষ চাপিবলৈ কেনে ধৰণৰ আমন্ত্ৰণ দিছে? [যাকোব ৪:৮ পদটো পঢ়ক।] ঈশ্বৰৰ কাষ চাপিবলৈ লোকসকলে কেনেকৈ নিজৰ ব্যক্তিগত বাইবেলখন ব্যৱহাৰ কৰিব পাৰি, সেই বিষয়ে সহায় কৰিবলৈ এই প্ৰকাশন তৈয়াৰ কৰা হৈছে। তাৰ পিছত কিতাপখনৰ ১৬ পৃষ্ঠাৰ ১ অনুচ্ছেদটো পঢ়ক।
“আজি সকলো ঠাইতে অন্যায় ব্যাপকভাৱে বৃদ্ধি হোৱাটো দেখিবলৈ পোৱা গৈছে। এই বিষয়ে ইয়াত পূৰ্বেই বৰ্ণনা কৰা হৈছিল। [উপ. ৮:৯ পদটো পঢ়ক।] বহুতে ভাবে যে ঈশ্বৰে বাস্তৱতে তত্বাৱধান নলোৱা বুলি সন্দেহ কৰে। [১১৯ পৃষ্ঠাৰ ৪ অনুচ্ছেদৰ পৰা প্ৰথম দুইশাৰী বাক্য পঢ়ি শুনাওক।] এই অধ্যায়টোত বৰ্ণনা কৰিছে যে ঈশ্বৰে কিয় কিছু সময়ৰলৈকে অন্যায় হʼবলৈ অনুমতি দিছে।”
এনে এজন সৃষ্টিকৰ্ত্তা আছেনে যিজনে আপোনাৰ তত্ত্বাৱধান লয়?
“আমি আমাৰ জটিল সমস্যাবোৰৰ সমাধান কৰা উত্তম পৰামৰ্শ কʼত পাব পাৰোঁ? [উত্তৰৰ বাবে ক্ষন্তেক ৰওক আৰু তাৰ পিছত মথি ৭:২৮, ২৯ পদটো পঢ়ক।] এই পদটোত বৰ্ণনা কৰা হৈছে যে লোকসকলে যীচুৱে দিয়া পৰ্ব্বতীয় উপদেশৰ প্ৰতি কেনে প্ৰতিক্ৰিয়া দেখুৱাইছিল। তদুপৰি এই বিষয়ে আনসকলে কি কৈছে, সেই সম্পৰ্কে ধ্যান দিয়ক। [১৫২ পৃষ্ঠাত থকা মন্তব্যবোৰ দাঙি ধৰক।] এই কিতাপখনৰ অধ্যায়বোৰত যীচুৰ জীৱন আৰু তেওঁ দিয়া শিক্ষাবোৰৰ বিষয়ে আলোচনা কৰা হৈছে।”
“আপুনি কেতিয়াবা এইটো ভাবি আচৰিত হৈছেনে যে, ‘যদি ঈশ্বৰ বাস্তৱতে আছে, তেন্তে বৰ্তমানৰ দুখ-কষ্টবোৰ সমাপ্ত কৰিবলৈ কিয় পদক্ষেপ লোৱা নাই?’ [উত্তৰৰ বাবে ক্ষন্তেক ৰওক আৰু প্ৰকাশিত বাক্য ২১:৩, ৪ পদটো পঢ়ক।] এই কিতাপখনত বৰ্ণনা কৰা হৈছে যে ভুগী থকা দুখ-কষ্ট আৰু ইয়াৰ কাৰণবোৰক আঁতৰ কৰিবলৈ ঈশ্বৰে কি কৰিব। তাৰ পিছত কিতাপখনৰ ১০ অধ্যায়ত থকা বিষয়টো দেখুৱাওক।”
পৰ দি থাকক!
“বৰ্তমান সময়ৰ গম্ভীৰ সমস্যা আৰু আতংকিত কৰি তোলা ঘটনাবোৰ দেখি বহুতো লোকে ব্যাকুল হৈ পৰিছে। [এটা স্থানীয় উদাহৰণ দাঙি ধৰক।] আপুনি জানেনে যে তেনে ধৰণৰ ঘটনাবোৰে অতি শীঘ্ৰেই ঈশ্বৰৰ ৰাজ্যৰ চৰকাৰে পৃথিৱীত মানৱ বিষয়বোৰত হস্তক্ষেপ কৰাৰ সম্পৰ্কে সংকেত দিছে? [উত্তৰৰ বাবে ক্ষন্তেক ৰওক আৰু তাৰ পিছত এটা উপযুক্ত শাস্ত্ৰ পদ, যেনে, মথি ২৪:৩, ৭, ৮; লূক ২১:৭, ১০, ১১; ২ তীমথিয় ৩:১-৫ পদটো পঢ়ি শুনাওক।] আমাৰ সময়ত ঘটা ঘটনাবোৰৰ তাৎপৰ্য্যতাৰ সম্পৰ্কে কিয় অধিক সতৰ্ক হোৱা আৱশ্যক, সেই বিষয়ে এই ব্ৰচাৰখনত আলোচনা কৰা হৈছে।”
বহুতে আজি শোকাবহ কৰি তোলা ঘটনা বা ব্যক্তিগতভাৱে সম্মুখীন হোৱা দুৰ্যোগৰ বাবে নিৰুৎসাহিত হৈ পৰিছে। কিছুমানে ভাবে যে এতিয়ালৈকে ঈশ্বৰে কিয় হস্তক্ষেপ কৰা নাই। বাইবেলে আশ্বাস দি কৈছে যে অতি শীঘ্ৰেই মানৱজাতিয়ে ভুগী থকা এনে দুখ-কষ্টবোৰক ঈশ্বৰে আঁতৰ কৰিব। [প্ৰকাশিত বাক্য ১৪:৬, ৭.] লক্ষ্য কৰক যে ঈশ্বৰৰ ন্যায়ে মানৱজাতিৰ বাবে কেনে অৰ্থ ৰাখে। [২ পিতৰ ৩:১০, ১৩.] এই ব্ৰচাৰখনে এনে গুৰুত্বপূৰ্ণ বিষয়ৰ সম্পৰ্কে বহুতো তথ্য দাঙি ধৰিছে।”
জ্ঞান যি অনন্ত জীৱনলৈ লৈ যায়
“যদি আপোনাক এনে এক মনোৰম পৰিস্থিতিত থাকিবলৈ আমন্ত্ৰিত কৰা হয়, তেন্তে আপুনি এই আমন্ত্ৰণ গ্ৰহণ কৰিবনে? [৪-৫ পৃষ্ঠাত থকা ছবিখন দেখুৱাওক আৰু উত্তৰৰ বাবে ক্ষন্তেক ৰওক।] তেনে ধৰণৰ চিৰকলীয়া জীৱনৰ আনন্দ উপভোগ কৰিবলৈ কি কৰা আৱশ্যক এই প্ৰমুখ কাৰণটোৰ বিষয়ে ঈশ্বৰৰ বাক্যই কি কৈছে, সেই বিষয়ে মনোযোগ দিয়ক। [যোহন ১৭:৩ পদটো পঢ়ক।] এই কিতাপখনে আপোনাক অনন্ত জীৱনলৈ পৰিচালিত কৰাৰ সম্বন্ধে জ্ঞান লʼবলৈ সহায় কৰিব পাৰে।” পুনৰ সাক্ষাতৰ সময়ত প্ৰথম অধ্যায়ৰ পৰা পাচঁটা অনুচ্ছেদ আলোচনা কৰিবলৈ ব্যৱস্থা কৰক।
কিতাপখনৰ ১৮৮-৯ পৃষ্ঠাত থকা ছবিখন দেখুৱাওক আৰু শিৰোনামাত থকা বাক্যশাৰী পঢ়ি গৃহস্থক এইদৰে সোধক: “পৰমদেশলৈ পৰিণত হোৱা পৃথিৱীখন যেতিয়া ঈশ্বৰৰ জ্ঞানেৰে পৰিপূৰ্ণ হʼব তেতিয়া তাত বাস কৰিবলৈ সুযোগ পোৱাটো আপুনি আশা কৰিব পাৰেনে? [উত্তৰৰ বাবে ক্ষন্তেক ৰওক আৰু যিচয়া ১১:৯ পদটো পঢ়ক।] এই কিতাপখনে আপোনাক পৰমদেশৰ বিষয়ে বাইবেলে কি কৈছে আৰু আমি কেনেকৈ তাৰ নিবাসী হʼব পাৰোঁ, সেই বিষয়ে জানিবলৈ সহায় কৰিব।” দ্বিতীয় সাক্ষাতত প্ৰথম অধ্যায়ৰ ১১-১৬ অনুচ্ছেদটো আলোচনা কৰিবলৈ ব্যৱস্থা কৰক।
মহান শিক্ষকজনৰ পৰা শিক্ষা লাভ কৰা
“আপুনি ভাবেনে যে যদি লোকসকলে ইয়াত লিখাৰ অনুসাৰে জীৱন-যাপন কৰে, তেন্তে এই পৃথিৱীখন এখন উত্তম বাসস্থানলৈ পৰিণত হʼব? [মথি ৭:১২ পদটো পঢ়ক আৰু উত্তৰৰ বাবে ক্ষন্তেক ৰওক।] এই কিতাপখনত মহান শিক্ষকজনে কোৱা বহুতো পৰামৰ্শ অন্তৰ্ভূক্ত কৰা হৈছে।” তাৰ পিছত ১৭ অধ্যায়ত থকা ছবি আৰু শিৰোনামাবোৰক চমুকৈ উল্লেখ কৰক।
“বৰ্তমান সময়ত অধিক সংখ্যক পিতৃ-মাতৃয়ে নিজৰ লʼৰা-ছোৱালীক উন্নতজনকৰূপে চোৱা-চিতা কৰি ডাঙৰ-দীঘল কৰিবলৈ চেষ্টা কৰিছে। তেনে কৰাটো গুৰুত্বপূৰ্ণ বুলি আপুনি ভাবেনে? [উত্তৰৰ বাবে ক্ষন্তেক ৰওক আৰু হিতোপদেশ ২২:৬ পদটো পঢ়ক।] মন কৰক যে সৰু কালৰে পৰা লʼৰা-ছোৱালীক শিক্ষা দিবলৈ পিতৃ-মাতৃক আগ্ৰহ কৰা হৈছে। এই কিতাপখন তেওঁলোকক সহায় কৰা উদ্দেশ্যৰে তৈয়াৰ কৰা হৈছে।” কিতাপখনৰ ১৫ বা ১৮ অধ্যায়ত থকা ছবি আৰু শিৰোনামাবোৰ আলোকপাত কৰক।
“লʼৰা-ছোৱালীয়ে দাঙি ধৰা প্ৰশ্নবোৰ শুনি পিতৃ-মাতৃয়ে প্ৰায়ে আচৰিত হয়। তেওঁলোকে দাঙি ধৰা কিছুমান প্ৰশ্নৰ উত্তৰ সহজে দিব পৰা নাযায়, নহয় জানো? [উত্তৰৰ বাবে অলপ ৰওক আৰু ইফিচীয়া ৬:৪ পদটো পঢ়ক।] এই কিতাপখনে বৰ্তমান সময়ত পিতৃ-মাতৃসকলক তেনে কঠিন প্ৰশ্নবোৰৰ উত্তৰ দিবলৈ সহায় কৰিব পাৰে।” কিতাপখনৰ ১১ আৰু ১২ বা ৩৪ পৰালৈ ৩৬ অধ্যায়ত থকা ছবিবোৰ দেখুৱাওক আৰু তাৰ শিৰোনামাবোৰৰ বিষয়ে চমুকৈ কওক।
জীৱন—কেনেকৈ উৎপত্তি হʼল? ক্ৰমবিকাশ নে সৃষ্টিৰ দ্বাৰা?
“আমাৰ চাৰিওফালে দেখিবলৈ পোৱা হিংসা আৰু অপৰাধৰ বিষয়ে আমি সকলোৱে চিন্তিত হৈ পৰিছোঁ। আপুনি ভাবেনে যে এই সমস্যাবোৰ সমাধান কৰিবলৈ কোনোবা এজনৰ ক্ষমতা আছে? [উত্তৰৰ বাবে অলপ ৰওক।] এই সমস্যাবোৰ সমাধান কৰাৰ ক্ষমতা কেৱল ঈশ্বৰৰ ওচৰত আছে।” এই কিতাপখনৰ ১৯৬ পৃষ্ঠাৰ ১৯ অনুচ্ছেদত থকা হিতোপদেশ ২:২১, ২২ পদটো পঢ়ক আৰু তাৰ পৰা মন্তব্য দিয়ক। ১৬ অধ্যায়ৰ শিৰোনামা দেখুৱাই গৃহস্থক কিতাপখন দিয়ক।
কিতাপখনৰ ৬ পৃষ্ঠাত থকা ছবিখন দেখুৱাই এইদৰে কওক: “বহুতৰ অনুসাৰে, আকস্কিমভাৱে ঘটা কোনো ঘটনাৰ বাবে এই সুন্দৰ পৃথিৱী আৰু ইয়াত জীৱনৰ উৎপত্তি হʼল। এই সকলোবোৰৰ কেনেকৈ উৎপত্তি হʼল, যুক্তিসঙ্গতভাৱে আপুনি বৰ্ণনা কৰিব পাৰিবনে? [উত্তৰৰ বাবে অলপ ৰওক।] বাইবেলৰ বৃতান্তৰ অনুসাৰে আমাৰ সৃষ্টিকৰ্ত্তাজন অতি শক্তিশালী আৰু এজন প্ৰেমময় ঈশ্বৰ। এই বিষয়ে বহুতো প্ৰমাণ দেখিবলৈ পোৱা যায়। তেওঁ এজন সত্য ঈশ্বৰ আৰু তেওঁৰ নাম হৈছে যিহোৱা।” গীত ৮৩:১৮ পদটো পঢ়ক আৰু চমুকৈ কওক যে তেওঁ কেনেকৈ এই পৃথিৱীখনক পৰমদেশলৈ পৰিণত কৰিবলৈ সিদ্ধান্ত লৈছে।
মানৱজাতিয়ে ঈশ্বৰৰ বাবে কৰা অন্বেষণ
“আপুনি কেতিয়াবা ভাবি আচৰিত হৈছেনে যে ঈশ্বৰে ইমানবোৰ ধৰ্ম্মৰ ভিতৰত কোনটো ধৰ্ম্মক সত্য ধৰ্ম্ম বুলি স্বীকৃতি দিয়ে?” গৃহস্থই উত্তৰ দিয়াৰ পিছত এই কিতাপখনৰ ৩৭৭ পৃষ্ঠাত দিয়া ৭ নম্বৰ বিষয়টো দাঙি ধৰক আৰু গৃহস্থক সোধক যে সত্য ধৰ্ম্মই সকলো পৃষ্ঠভূমিৰ পৰা অহা লোকসকলক ঐক্যতা কৰা উচিত হয় নে নহয়। উদ্ধৃত থকা এটা শাস্ত্ৰীয় পদ পঢ়ক আৰু যদি সময় থাকে, তেন্তে আন বিষয়বোৰো আলোচনা কৰক। যদি তেওঁ এই বিষয়ে জানিবলৈ আগ্ৰহী তেন্তে কিতাপখন তেওঁক দিব পাৰে। বিদায় লোৱাৰ পূৰ্বে গৃহস্থজনক হয়তো এইদৰে সুধিব পাৰে: “সত্য ধৰ্ম্মই এজন ব্যক্তিৰ আচৰণত কেনে প্ৰভাৱ পেলোৱা উচিত?” এই প্ৰশ্নটোৰ উত্তৰ পিছৰ সাক্ষাতত দিবলৈ ব্যৱস্থা কৰক।
যদি এজন ব্যক্তিয়ে নিজকে উচ্চ ধৰ্ম্মৰ সদস্য হিচাপে পৰিচয় দিয়ে, তেন্তে আপুনি হয়তো এইদৰে কʼব পাৰে: “সঁচাকৈ বিভিন্ন ধৰ্ম্মৰ লোকসকলক লগ পোৱাটো এক আনন্দৰ বিষয়। মানৱজাতিয়ে আজি ঈশ্বৰক বিচাৰি পাবলৈ বহুতো ধৰণে চেষ্টা কৰিছে। [যদি উচিত তেন্তে পাঁচনিৰ কৰ্ম্ম ১৭:২৬, ২৭ পদটো পঢ়ক।] প্ৰায়ে এইটো দেখিবলৈ পোৱা যায় যে লোকসকলে নিজৰ পিতৃ-মাতৃয়ে পালন কৰা ধৰ্ম্মক অনুকৰণ কৰে। [৮ পৃষ্ঠাৰ ১২ অনুচ্ছেদটো পঢ়ক।] অন্য ধৰ্ম্মৰ বিষয়ে জনাটো এক শিক্ষাপ্ৰদ বিষয়। এই কিতাপখনে বৰ্তমান উচ্চ ধৰ্ম্মবোৰৰ উৎস, প্ৰথা আৰু তাৰ শিক্ষাসমূহৰ বিষয়ে বৰ্ণনা কৰিছে।” এই কিতাপখনৰ নিম্নলিখিত পৃষ্ঠাবোৰত লোকসকলে পালন কৰা ধৰ্ম্মবোৰ, যেনে, শিখ (১০০-১ পৃষ্ঠা); হিন্দু (১১৬-৭ পৃষ্ঠা); বৌদ্ধ (১৪১ পৃষ্ঠা); টাউ (১৬৪-৬ পৃষ্ঠা); কনফুচীয় (১৭৭ পৃষ্ঠা); শিন্টো (১৯০-৫ পৃষ্ঠা); ইহুদী (২২০-১ পৃষ্ঠা) আৰু ইছলাম (২৮৯ পৃষ্ঠা) বিষয়ে কি কৈছে, তাৰ এটা উদাহৰণ দাঙি ধৰক।
নিগূঢ় বাক্যসমূহৰ প্ৰকাশ—এক চৰম অৱস্থাত উপনীত হৈছে!
“আপুনি হয়তো এই খবৰটো শুনিবলৈ পাইছে [বাতৰিত উল্লেখ কৰা সংবাদটো কওক।] বহুতে ভাবে যে লোকসকলৰ জীৱন আকস্মিকভাৱে সমাপ্তি হোৱাৰ বাবে পীড়িত পৰিয়ালবৰ্গক কেনেকৈ শান্ত্বনা দিব পাৰি। এই বিষয়ে আপুনি কি ভাবে?” উত্তৰৰ বাবে ক্ষন্তেক ৰওক আৰু তাৰ পিছত ২৯৯ পৃষ্ঠাত থকা পুনৰুত্থানৰ ছবিখন দেখুৱাওক। এইদৰে কওক: “বহুতে এইটো শুনি আচৰিত হয় যে ধাৰ্ম্মিক আৰু অধাৰ্ম্মিক উভয়ে পুনৰুত্থান হʼব। [২৯৭ পৃষ্ঠাৰ ৯ অনুচ্ছেদত উদ্ধৃত থকা পাঁচনিৰ কৰ্ম্ম ২৪:১৫ পদতো পঢ়ক আৰু ১০ অনুচ্ছেদৰ পৰা বৰ্ণনা কৰক। এই কিতাপখনে ভৱিষ্যতে থকা ঈশ্বৰৰ উদ্দেশ্যৰ বিষয়ে বহুতো বৰ্ণনা দাঙি ধৰিছে।”
বাইবেল—ঈশ্বৰৰ বাক্য নে মানুহৰ?
“আমি এনে এক সময়ত জীয়াই আছোঁ যʼত সকলোৱে প্ৰায় গুৰুত্বৰ সমস্যাবোৰৰ সম্মুখীন হৈছে। বহুতে মাৰ্গদৰ্শনৰ বাবে সকলো প্ৰকাৰৰ পৰামৰ্শদাতাৰ কাষ চাপে। কিছুমানে সহায়ৰ বাবে প্ৰেতাত্মা মাধ্যমৰ পৰামৰ্শ লৈছে। কিহে আমাক উত্তম পৰামৰ্শ দিব পাৰে বুলি আপুনি ভাবে? [উত্তৰৰ বাবে ক্ষন্তেক ৰওক।] বাইবেলে এনে এক নিগূঢ় সত্যতাৰ বিষয়ে কৈছে যাক আমি বুজি পোৱা উচিত। [২ তীমথিয় ৩:১৬ পদটো পঢ়ক আৰু কিতাপখনৰ ১৮৭ পৃষ্ঠাৰ ৯ অনুচ্ছেদটো পঢ়ি শুনাওক।] বাইবেলৰ শিক্ষাসমূহ পালন কৰি যি উত্তম পৰিণাম পোৱা যায়, সেই বিষয়ে জানিবলৈ এই কিতাপখনে আপোনাক সহায় কৰিব।”
সৰ্বশ্ৰেষ্ঠ মানৱ যিজন কেতিয়াবা জীৱিত আছিল
“এই বছৰৰ বৰদিনৰ সময়ছোৱাত বহুতে যীচুৰ বিষয়ে স্মৰণ কৰিব। যিহেতু দিনে দিনে ভয়ঙ্কৰ ঘটনাবোৰ হোৱাৰ বাবে কিছুমানে ভাবিব পাৰে যে বাস্তৱতে যীচুৱে আমাৰ প্ৰতি আগ্ৰহী নহয়। এই বিষয়ে আপুনি কেনে অনুভৱ কৰে?” উত্তৰৰ বাবে ক্ষন্তেক ৰওক। এই কিতাপখনৰ ২৪ অধ্যায়টো খুলি চমুকৈ বৰ্ণনা কৰি কওক যে যীচুৱে কিয় এই জগতলৈ আহিছিল। তাৰ পিছত যোহন ১৫:১৩ পদটো পঢ়ি যীচুৱে আনৰ প্ৰতি দেখুৱা আন্তৰিক প্ৰেমৰ বিষয়ে উল্লেখ কৰক।
“এজন ব্যক্তিয়ে কʼব পাৰে যে অধিক সংখ্যক লোকে যীচুক এটি শিশু বা কষ্ট ভূগী মৃত্যুবৰণ কৰিবলগীয়া ব্যক্তি হিচাপে কল্পনা কৰে। তেওঁলোকে কেৱল যীচুৰ শিশুকাল বা মৃত্যু হোৱা বিষয়ে জানে। কিন্তু তেওঁ কোৱা উপদেশ আৰু আচৰিত কাৰ্য্যবোৰৰ প্ৰতি প্ৰায়ে আওকাণ কৰে। এই পৃথিৱীত জীয়াই থকা সকলোৰে ওপৰত তেওঁৰ কাৰ্য্যবোৰে এক গভীৰ প্ৰভাৱ পেলায়। সেইবাবে তেওঁ কৰা আচৰিত কাৰ্য্যবোৰৰ বিষয়ে শিকাটো আমাৰ বাবে এক গুৰুত্বপূৰ্ণ বিষয়।” যোহন ১৭:৩ পদটো পঢ়াৰ পিছত কিতাপখনৰ আৰম্ভণিৰ পৃষ্ঠাৰ চতুৰ্থ অনুচ্ছেদটো পঢ়ক।
ঈশ্বৰে আমাৰ পৰা কি বিচাৰে?
“আপুনি ভাবেনে যে ঈশ্বৰে আমাক দুখ-কষ্টৰে জীৱন-যাপন কৰিবলৈ সৃষ্টি কৰিলে? [উত্তৰৰ বাবে অলপ ৰওক আৰু মথি ৬:১০ পদটো পঢ়ক।] আপুনি কেতিয়াবা চিন্তা কৰিছেনে যে বাস্তৱতে ঈশ্বৰৰ ৰাজ্যই আমাৰ বাবে কি কৰিব?” ব্ৰচাৰখনৰ ৬ পাঠটো খুলি আৰম্ভণিতে থকা প্ৰশ্নবোৰ পঢ়ক। পৰৱৰ্তী সাক্ষাৎ বা তেতিয়াই সেই পাঠটো আলোচনা কৰিবলৈ ব্যৱস্থা কৰক।
“দিনে দিনে সমাজখন উন্নতিৰ পথত আগবঢ়াৰ স্বত্বেও আজি বেমাৰ-আজাৰ আৰু মৃত্যুৱে মানৱজাতিক দুখ-কষ্ট আৰু বেদনাৰে জৰ্জৰিত কৰি তুলিছে। আপুনি জানেনে যীচুৱে ৰোগী, বৃদ্ধ অৱস্থা আৰু মৃতকৰ সৈতে কি কৰিব?” উত্তৰৰ বাবে ক্ষন্তেক ৰওক। যদি গৃহস্থই সেই উত্তৰৰ জানিবলৈ ইচ্ছা কৰিছে তেন্তে ব্ৰচাৰখনৰ ৫ নম্বৰ পাঠটো খুলি ৫-৬ অনুচ্ছেদটো পঢ়ক। সেই অনুচ্ছেদবোৰ তেতিয়াই বা পৰৱৰ্তী সাক্ষাতত বৰ্ণনা কৰিবলৈ ব্যৱস্থা কৰক।
একমাত্ৰ সত্য ঈশ্বৰক উপাসনা কৰা
“আমাৰ জীৱনত অহা হেঁচাবোৰৰ সম্মুখীন হʼবলৈ কিহে আমাক সহায় কৰিব পাৰে বুলি আপুনি ভাবে? [উত্তৰৰ বাবে অলপ ৰওক আৰু ৰোমীয়া ১৫:৪ পদটো পঢ়ক।] মন কৰক যে ঈশ্বৰ-প্ৰেৰিত শাস্ত্ৰীয় পদবোৰে কেনেকৈ আমাক নিৰ্দ্দেশনা, শান্ত্বনা আৰু আশা প্ৰদান কৰি কঠিন পৰিস্থিতিত ধৈৰ্য্য ধৰিবলৈ সহায় কৰিব পাৰে। এই কিতাপখনে আমাক বাইবেল পাঠ কৰি কেনেকৈ লাভৱান হʼব পাৰি, সেই বিষয়ে জানিবলৈ সহায় কৰে।” ব্ৰচাৰখনৰ ৩০ পৃষ্ঠাত থকা চাৰিটা বিষয় দাঙি ধৰক।
“যীচুৱে এই পৃথিৱীত থকা সময়ছোৱাৰে পৰা লোকসকলে ঈশ্বৰৰ ৰাজ্য আহিবলৈ প্ৰাৰ্থনা কৰি আহিছে। সেই আহিবলগীয়া ৰাজ্যই মানৱজাতিৰ বাবে কি কৰিব, সেই বিষয়ে আপুনি কেতিয়াবা ভাবিছেনে? [উত্তৰৰ বাবে ৰওক আৰু দানিয়েল ২:৪৪ পদটো পঢ়ক।] এই কিতাপখনে, ঈশ্বৰৰ ৰাজ্য কি আৰু ভৱিষ্যতে কি কৰিব, সেই বিষয়ে বৰ্ণনা কৰিছে। তদুপৰি এই ৰাজ্যৰ ধাৰ্ম্মিক শাসনৰ দ্বাৰা আমি কেনেকৈ লাভৱান হʼব পাৰোঁ, সেই বিষয়েও বৰ্ণনা কৰিছে।” কিতাপখনৰ ৯২-৩ পৃষ্ঠাত থকা দৃষ্টান্তটোৰ বিষয়ে দাঙি ধৰক।