সংৰক্ষণ কৰক
প্ৰচাৰ কাৰ্য্যত আগবঢ়োৱা উপস্থাপনৰ সম্পৰ্কে দাঙি ধৰা ব্যৱহাৰিক পৰামৰ্শসমূহ
কিদৰে এই অন্তপত্ৰখন ব্যৱহাৰ কৰিব
তলত দিয়া বেছিভাগ উপস্থাপন পূৰ্বৱৰ্তী সংখ্যাৰ আমাৰ ৰাজ্য পৰিচৰ্য্যাʼত উল্লেখ কৰা হৈছিল। আপুনি বিচৰা অনুসাৰে সেইবোৰক প্ৰচাৰকাৰ্য্যত প্ৰয়োগ কৰক আৰু কেনে ফলাফল লাভ কৰিব তাক চাওঁক। এই অন্তপত্ৰখন সংৰক্ষণ আৰু প্ৰচাৰকাৰ্য্যৰ বাবে সাজু হোৱাৰ সময়ত এই বিষয়সমূহৰ পৰামৰ্শসমূহ গ্ৰহণ কৰক।
ইয়াত উল্লেখ কৰা উপযুক্ত বিষয়সমূহক আপোনাৰ বাৰ্ত্তাটোৰ সৈতে উল্লেখ কৰি গৃহস্থক আগ্ৰহী কৰি তুলিব পাৰে। এটা নিৰ্দিষ্ট প্ৰশ্ন সোধক আৰু শাস্ত্ৰৰ পৰা চমুকৈ তাৰ উত্তৰ দিয়ক। আপুনি হয়তো এই পৰামৰ্শসমূহ ব্যৱহাৰ কৰিব পাৰে:
“যেতিয়া আপুনি ভৱিষ্যতৰ বিষয়ে চিন্তা কৰে, তেতিয়া কোনো আশা ৰাখিব পাৰেনে অথবা সন্দেহ উৎপন্ন হয়নে? [উত্তৰৰ বাবে ক্ষন্তেক ৰওঁক।] বৰ্তমান সময়ত হোৱা ঘটনাবোৰৰ সম্পৰ্কে বাইবেলত বহু আগতেই ভৱিষ্যতবাণী আৰু ইয়াৰ কেনে পৰিণাম হʼব এই বিষয়েও উল্লেখ কৰিছিল।”—২ তীম. ৩:১, ২, ৫; হিতো. ২:২১, ২২.
“বৰ্তমান সময়ত স্বাস্থ্যৰ সম্পৰ্কে অধিক গুৰুত্ব দিয়া হৈছে। আপুনি জানেনে যে ঈশ্বৰে সকলো প্ৰকাৰৰ শাৰীৰিক সমস্যাক চিৰকালৰ বাবে সমাধান কৰিবলৈ প্ৰতিজ্ঞা কৰিছে?”—যিচ. ৩৩:২৪; প্ৰকা. ২১:৩, ৪.
“আপুনি জানেনে, বাইবেলত আগৰে পৰা ভৱিষ্যতবাণী কৰা হৈছে যে কেৱল এখন চৰকাৰেহে গোটেই পৃথিৱীখনত শাসন কৰিব?”—দানি. ২:৪৪; মথি ৬:৯, ১০.
“যেতিয়া যীচু খ্ৰীষ্টই পৃথিৱীখনত শাসন কৰিব তেতিয়া কেনে পৰিস্থিতি হʼব বুলি আপুনি ভাবে?”—গীত. ৭২:৭, ৮.
এজন হিন্দু ব্যক্তিৰ বাবে: “নিশ্চই আপোনাৰ বাবে নিজৰ ধৰ্ম্মই অধিক মহত্ত্ব ৰাখে। কিন্তু মোৰ মতে আপুনি আৰু মই শান্তিৰে জীৱন-যাপন কৰাটো ইচ্ছা কৰোঁ। এই পৃথিৱীত আপুনি এক শান্তিময় পৰিৱেশ দেখিবলৈ পাইছেনে? [উত্তৰৰ বাবে ক্ষন্তেক ৰওঁক।] যদি দুষ্টতাক অতঁৰোৱা হয় তেন্তে নিশ্চই শান্তিৰ পৰিৱেশ হʼব। এই বিষয়ে অনুগ্ৰহ কৰি পবিত্ৰ শাস্ত্ৰত কি কৈছে, চাওঁকচোন।”—গীত. ৪৬:৯; ৭২:৭, ৮.
“প্ৰত্যেকদিনা বহুতে সমস্যাসমূহৰ বিষয়ে শুনি ক্লান্ত হৈ পৰিছে। সেয়েহে তেওঁলোকে সেইবোৰৰ সমাধান শুনিবলৈ বিচাৰে। কিন্তু আমি আমাৰ সমস্যাসমূহৰ প্ৰকৃত সমাধান কʼত পাম বুলি আপুনি আশা কৰে?”—২ তীম. ৩:১৬, ১৭.
এজন মুছলিম ব্যক্তিৰ বাবে: “আপুনি হয়তো ইয়াকে দেখি সন্মত হʼব যে আমাৰ যিয়েই পৃষ্ঠভূমি নহওঁক কিয়, তথাপিও আজি সকলোৱে একেই সমস্যাৰ সম্মুখীন হʼবলগা হৈছোঁ। আপুনি বিশ্বাস কৰেনে যে নিশ্চেয়ে এই পিৰিয়ে সম্মুখীন হোৱা জটিল সমস্যাবোৰৰ সমাধান কৰা হʼব? এই সমস্যাবোৰৰ সমাধান অব্ৰাহামৰ বংশৰ দ্বাৰা হʼব।”—আদিপুস্তক ২২:১৮.
“বহুতো লোকে লিঙ্গ, ধৰ্ম্ম বা জাতি ভিন্ন হোৱাৰ বাবে পক্ষপাতিত্ব ভুগীবলগা হৈছে। এই বিষয়ে ঈশ্বৰে কেনে অনুভৱ কৰে বুলি আপুনি ভাবে?—পাঁচনিৰ কৰ্ম্ম ১০:৩৪, ৩৫.
কথোপকথন আৰম্ভ কৰা বিষয়সমূহ
তলত দিয়া প্ৰশ্নসমূহ ৰিজনিং কিতাপৰ পৰা লোৱা হৈছে আৰু সেই কিতাপখনৰ কোনবোৰ পৃষ্ঠাত প্ৰত্যেকটো প্ৰশ্নৰ উত্তৰ পোৱা যাব তাৰ পৃষ্ঠাৰ নম্বৰ দিয়া হৈছে:
আমি কিয় বৃদ্ধ হওঁ আৰু মৰো? (৯৮)
মৃত্যবিলাক কেনে অৱস্থাত থাকে? (১০০)
ঈশ্বৰক বিশ্বাস কৰাৰ কোনো যথাৰ্থ কাৰণ আছেনে? (১৪৫)
মানৱজাতিলৈ যি ঘটে তাৰ প্ৰতি ঈশ্বৰে প্ৰকৃততে যত্ন লৈছেনে? (১৪৭)
ঈশ্বৰ এজন বাস্তৱিক ব্যক্তিনে? (১৪৭)
সকলো ধাৰ্ম্মিক লোক স্বৰ্গলৈ যাবনে? (১৬২)
এজন ব্যক্তিয়ে প্ৰকৃততে সুখী হʼবৰ বাবে স্বৰ্গলৈ যাব লাগিবনে? (১৬৩)
ঈশ্বৰৰ ব্যক্তিগত নাম জনা আৰু তেওঁৰ নাম ব্যৱহাৰ কৰাটো কিয় ইমান গুৰুত্বপূৰ্ণ? (১৯৬)
যীচু খ্ৰীষ্ট প্ৰকৃততে এজন ঈশ্বৰ আছিলনে? (২১২)
ঈশ্বৰৰ ৰাজ্যই কি সম্পন্ন কৰিব? (২২৭)
মানৱ জীৱনৰ উদ্দেশ্য কি? (২৪৩)
কিহে এখন উত্তম বিবাহ গঢ়ি তুলিবলৈ সহায় কৰিব পাৰে? (২৫৩)
সকলো ধৰ্ম্ম ঈশ্বৰৰ বাবে গ্ৰহণযোগ্য নে? (৩২২)
এটা সত্য ধৰ্ম্মৰ বিষয়ে এজন ব্যক্তিয়ে কেনেকৈ জানিব পাৰে? (৩২৮)
বৰ্তমান জগতৰ বাবে চয়তান কিমান শক্তিশালী ব্যক্তি? (৩৬৪)
ঈশ্বৰে ইমান দুখ-কষ্টৰ কিয় অনুমতি দিছে? (৩৯৩)
ইমান অধিক দুষ্টতা কিয় অস্তিত্বত আছে? (৪২৭)
এই জগতত কোনে শাসন কৰিছে—ঈশ্বৰ নতুবা চয়তানে? (৪৩৬)
বিচাৰে ব্ৰচাৰখন প্ৰস্তুত কৰিবলৈ দিয়া ব্যৱহাৰিক পৰামৰ্শসমূহ
“বহুতে ঈশ্বৰক বিশ্বাস কৰে বুলি আপুনি নিশ্চয়ে মান্তি হʼব। যিসকলে ঈশ্বৰক বিশ্বাস কৰে, তেওঁলোকে স্বীকাৰ কৰে যে তেওঁ আমাৰ পৰা কিবা বিচাৰে। ঈশ্বৰে আমাৰ পৰা যি বিচাৰে তাত যদি লোকসকলে মান্তি নহয় তেনেহʼলে কি হʼব?” তাৰ পাছত বিচাৰে ব্ৰচাৰখনৰ ১ নম্বৰ পাঠৰ পৰা এই বিষয়ে আলোচনা কৰক।
“আজি পৰিয়ালৰ জীৱনত বিভিন্ন ধৰণৰ সমস্যাক দেখি আপুনি কেতিয়াবা আচৰিত হৈছেনে যে সুখী পৰিয়ালৰ ৰহস্য কেনেকৈ প্ৰাপ্ত কৰিব পাৰি?” গৃহস্থজনৰ পৰা উত্তৰ পোৱাৰ পাছত, বাইবেলত সুখী পৰিয়াল গঢ়ি তুলাৰ গোপনীয়তাৰ বিষয়ে ঈশ্বৰে কি প্ৰকাশ কৰিছে এই বিষয়ে বৰ্ণনা কৰক। যিচয়া ৪৮:১৭ পদটো পঢ়ক আৰু তাৰ পাছত বিচাৰে ব্ৰচাৰখনৰ ৮ নম্বৰ পাঠটোৰ পৰা পৰিয়ালৰ প্ৰত্যেকজন সদস্যৰ বাবে দিয়া বিশ্বাসনীয় পথ-প্ৰদৰ্শনৰ বিষয়ে কিছুমান শাস্ত্ৰীয় পদ দাঙি ধৰক। পাঠটোৰ আৰম্ভণীতে দিয়া প্ৰশ্নসমূহ পঢ়ক আৰু সোধক যে তেওঁ সেই প্ৰশ্নসমূহৰ উত্তৰ জানিবলৈ বিচাৰেনে।
“বাইবেলৰ মুখ্য শিক্ষাসমূহৰ বিষয়ে জানিবলৈ এই ব্ৰচাৰখন অধ্যয়নৰ পাঠ্যপুস্তক হিচাবে প্ৰস্তুত কৰা হৈছে। প্ৰত্যেকটো পৃষ্ঠাত এনেবোৰ প্ৰশ্নৰ উত্তৰ পোৱা যাব, যি প্ৰশ্নসমূহে বহুসময়ৰ পৰা মানুহৰ মনক ব্যাকুল কৰি তুলিছে। উদাহৰণস্বৰূপে, এই পৃথিৱীৰ প্ৰতি ঈশ্বৰৰ উদ্দেশ্য কি?” ৫ নম্বৰ পাঠটো খুলি আৰম্ভণীতে দিয়া প্ৰশ্নসমূহ পঢ়ক। গৃহস্থক সোধক যে তেওঁ কোনটো প্ৰশ্নৰ উত্তৰ পাব বিচাৰে, তাৰ পাছত সেই প্ৰশ্নটোৰ সৈতে বন্ধনীত দিয়া অনুচ্ছেদবোৰ পঢ়ক আৰু উপযুক্ত শাস্ত্ৰীয় পদ খুলি দেখুৱাওক। বৰ্ণনা কৰি কওঁক যে এই প্ৰশ্নটোৰ সন্তোষ্টজনক উত্তৰ পোৱাৰ দৰে আন আন প্ৰশ্নসমূহৰো উত্তৰ সহজতে পাব পাৰি। তদুপৰি, তেওঁক কওঁক যে আপুনি তেওঁৰ ওচৰলৈ পুনৰাই আহি আন প্ৰশ্নসমূহৰো আলোচনা কৰিব।
“ৰাজহুৱা স্কুলবিলাকত হোৱা সকলো প্ৰকাৰৰ হিংসাত্মক কাৰ্য্যৰ কাৰণ কি বুলি আপুনি ভাবে? পিতৃ-মাতৃয়ে লʼৰা-ছোৱালীক ভালদৰে প্ৰশিক্ষণ নিদিয়াৰ বাবে তেনে পৰিণাম হৈছেনে? অথবা এইটো আন কোনো কাৰণ বা চয়তানৰ প্ৰভাৱৰ বাবে এনে হৈছেনে?” উত্তৰৰ বাবে ক্ষন্তেক ৰওঁক। যদি গৃহস্থই, চয়তানৰ প্ৰভাৱৰ বাবে এনে হৈছে বুলি কয় তেনেহʼলে প্ৰকাশিত বাক্য ১২:৯, ১২ পদটো পঢ়ক। পৃথিৱীত এনে আলোড়ন সৃষ্টি কৰাত চয়তানে কেনে ভূমিকা গ্ৰহণ কৰিছে সেই বিষয়ে কিছুমান বিষয় দাঙি ধৰক। তাৰ পাছত বিচাৰে ব্ৰচাৰখনৰ ৪ নম্বৰ পাঠটো খুলক আৰু গৃহস্থক সোধক যে চয়তান অৰ্থাৎ দিয়াবল কʼৰ পৰা আহিল বুলি ভাবি তেওঁ কেতিয়াবা আচৰিত হৈছেনে। ব্ৰচাৰখনৰ পৰা প্ৰথম দুটা অনুচ্ছেদ পঢ়ক আৰু আলোচনা কৰক। যদি ব্যক্তিজনে এনে হিংসাত্মক কাৰ্য্যৰ কাৰণ “পিতৃ-মাতৃয়ে লʼৰা-ছোৱালীক ভালদৰে প্ৰশিক্ষণ নিদিয়া” বুলি কয়, তেনেহʼলে ২ তীমথিয় ৩:১-৩ পদটো পঢ়ক আৰু উল্লেখ কৰি কওঁক যে কেনে বৈশিষ্টতাসমূহে এই সমস্যাবোৰক সৃষ্টি কৰিছে। তাৰ পাছত বিচাৰে ব্ৰচাৰখনৰ ৮ নম্বৰ পাঠৰ ৫ অনুচ্ছেদ পৰা আলোচনা কৰক।
“এটা সফল পৰিয়াল গঢ়ি তুলিবলৈ যুক্তিসঙ্গতভাৱে সৃষ্টিকৰ্ত্তাই আমাক জ্ঞান দিছে বুলি আপুনি ভাবেনে?” উত্তৰ পোৱাৰ পাছত গৃহস্থজনক বিচাৰে ব্ৰচাৰখন দিয়ক। ৮ নম্বৰ পাঠটো খুলি কওঁক যে পৰিয়ালৰ প্ৰত্যেকজন সদস্যৰ বাবে বাইবেলত দিয়া সিদ্ধান্তসমূহক ইয়াত বৰ্ণনা কৰা হৈছে। ব্ৰচাৰখনৰ সৈতে বাইবেলখন ব্যৱহাৰ কৰি কেনেকৈ অধিক লাভৱান হʼব পাৰে, এই বিষয়ে প্ৰদৰ্শন কৰি দেখুৱাওক।
“বৰ্তমান সময়ত আমি যি সমস্যাবোৰৰ সম্মুখীন হৈ আছোঁ, আপুনি অনুভৱ কৰেনে যে একমাত্ৰ ঈশ্বৰলৈ কৰা প্ৰাৰ্থনাই আমাক প্ৰকৃতৰূপে সহায় কৰিব পাৰে? [উত্তৰৰ বাবে ৰওঁক।] বহুতে কয় যে প্ৰাৰ্থনাই তেওঁলোকক আন্তৰিক শক্তি প্ৰদান কৰিছে। [ফিলিপীয়া ৪:৬, ৭ পদটো পঢ়ক।] তথাপিও, লোকসকলে ভাবিব পাৰে যে তেওঁলোকৰ প্ৰাৰ্থনাৰ কোনো উত্তৰ পোৱা নাই। [বিচাৰে ব্ৰচাৰখনৰ ৭ নম্বৰ পাঠটো খুলক।] এই ব্ৰচাৰখনত বৰ্ণনা কৰা হৈছে, প্ৰাৰ্থনাৰ দ্বাৰা আমি কেনেকৈ অধিক লাভৱান হʼব পাৰোঁ।”
“আমি আমাৰ প্ৰতিবেশীসকলৰ সৈতে আলোচনা কৰিছোঁ যে, কেৱল এজন ঈশ্বৰ থকা স্বত্ত্বেও আজি পৃথিৱীত কিয় ইমান ভিন্ন ভিন্ন ধৰ্ম্ম অস্তিত্বত আছে। বিভিন্ন ধৰ্ম্মই বেমেজালি সৃষ্টি কৰাৰ বিষয়ে আপোনাৰ অভিমত কি? [উত্তৰৰ বাবে ক্ষন্তেক ৰওঁক। বিচাৰে ব্ৰচাৰখনৰ ১৩ নম্বৰ পাঠটো খুলক আৰু আৰম্ভণীতে থকা প্ৰশ্নসমূহ পঢ়ক।] আপুনি ব্ৰচাৰখনৰ এই পাঠটো পঢ়ি সেই প্ৰশ্নসমূহৰ উপযুক্ত উত্তৰ বিচাৰি পাব।”
গৃহস্থক প্ৰহৰীবুৰুজ আৰু সচেতন! আলোচনীখন দিয়াৰ পাছত, তেওঁক কওঁক যে আপুনি বিচাৰে ব্ৰচাৰখনৰ পৰা এটা সৰু অনুচ্ছেদ পঢ়িবলৈ বিচাৰিছে। যদি তেওঁ অনুমতি দিয়ে, তেনেহʼলে বিচাৰে ব্ৰচাৰখনৰ ৫ নম্বৰ পাঠটো খুলক। আৰম্ভণীতে দিয়া প্ৰশ্নসমূহৰ বিষয়ে উল্লেখ কৰক আৰু সোধক তেওঁ প্ৰথম প্ৰশ্নটোৰ উত্তৰ জানিব বিচাৰেনে, তাৰ পাছত আৰম্ভণীৰ অনুচ্ছেদটো পঢ়ক। পঢ়াৰ পাছত পুনৰাই সেই প্ৰশ্নটো সোধক আৰু গৃহস্থই কি উত্তৰ দিয়ে তাৰ বাবে ক্ষন্তেক ৰওঁক। যদি গৃহস্থই ব্ৰচাৰখন লʼবলৈ মান্তি হয় তেনেহʼলে আপুনি পুনৰাই তেওঁৰ ওচৰলৈ গৈ বাকী থকা প্ৰশ্নসমূহৰ উত্তৰ দিবলৈ প্ৰবন্ধ কৰক।
জ্ঞান কিতাপখন প্ৰস্তুত কৰিবলৈ দিয়া ব্যৱহাৰিক পৰামৰ্শসমূহ
বাইবেলখন হাতত ৰাখি এইদৰে আৰম্ভ কৰক: “আজি আমি আপোনাৰ এলেকাত থকা সকলোৰে সৈতে শাস্ত্ৰৰ পৰা এটা বিষয় আলোচনা কৰিছোঁ। ইয়াত এইদৰে কৈছে . . . যোহন ১৭:৩ পদটো পঢ়ক আৰু সোধক: “এই প্ৰতিজ্ঞাত আমাক জানিবলৈ এক যথাৰ্থ জ্ঞান থকাৰ বিষয়ে উল্লেখ কৰিছে, আপুনিও সেই বিষয়টো লক্ষ্য কৰিলেনে? [উত্তৰৰ বাবে ক্ষন্তেক ৰওঁক।] এজন ব্যক্তিয়ে এনে জ্ঞান কেনেকৈ লাভ কৰিব পাৰে?” গৃহস্থজনৰ পৰা উত্তৰ পোৱাৰ পাছত জ্ঞান কিতাপখন দেখুৱাওক আৰু এইদৰে কওঁক: “এই কিতাপখনে কৈছে যে সেই জ্ঞানে আমাক অনন্ত জীৱনলৈ পৰিচালিত কৰে। কেনেকৈ? বৰ্তমান সময়ত মানুহৰ মনত সাধাৰণতে বাইবেলৰ সম্পৰ্কে হোৱা প্ৰশ্নসমূহৰ উত্তৰ দিয়াৰ দ্বাৰা।” সূচীপত্ৰখন দেখুৱাই ব্যক্তিজনক সোধক যে, তেওঁ কেতিয়াবা ইয়াৰে কোনো প্ৰশ্নৰ বিষয়ে বিবেচনা কৰি আচৰিত হৈছেনে।
“আমাৰ চাৰিওফালে হৈ থকা অন্যায় আৰু ইয়াৰ বাবে আমি নিজেই জীয়াতু ভুগী থকাৰ প্ৰতি ঈশ্বৰে বাস্তৱতে চিন্তা কৰে বুলি আপুনি ভাবেনে? [উত্তৰৰ বাবে ৰওঁক।] বাইবেলে আশ্বাস দিছে যে ঈশ্বৰে আমাক প্ৰেম কৰে আৰু এনে মৰ্মপীড়াৰ সময়ত তেওঁ আমাক সহায় কৰিব।” গীতমালা ৭২:১২-১৭ পদটো পঢ়ক। ঈশ্বৰে কিয় দুখ-কষ্টৰ অনুমতি দিছে? লাখ লাখ লোকে সোধা এই প্ৰশ্নটোৰ সম্পৰ্কে জ্ঞান কিতাপৰ ৮ অধ্যায়ৰ পৰা শান্ত্বনাদায়ক উত্তৰটো বৰ্ণনা কৰক। যদি সম্ভৱ হয় তেনেহʼলে ৩-৫ অনুচ্ছেদত দিয়া শাস্ত্ৰীয় পদসমূহ বৰ্ণনা বা পুনৰ সাক্ষাতৰ সময়ত সেইবোৰৰ বিষয়ে কওঁক।
“আমাৰ বহুতে আপোনজনক মৃত্যুত হেৰুৱাবলগীয়া হৈছে। আমি তেওঁলোকক পুনৰাই দেখিবলৈ পাম বুলি ভাবি আপুনি কেতিয়াবা আচৰতি হৈছেনে? [উত্তৰৰ বাবে ক্ষন্তেক ৰওঁক।] যীচুৱে প্ৰমাণ কৰি দেখুৱালে যে আমাৰ আপোনজনাক পুনৰাই দেখিবলৈ পাম। [যোহন ১১:১১, ২৫, ৪৪ পদটো পঢ়ক।] যদিও আমি আপোনজনাক বহু বছৰৰ আগতেই হেৰুৱাইছোঁ, ঈশ্বৰে আমালৈ কৰা প্ৰতিজ্ঞাক ইয়াত প্ৰদৰ্শন কৰি দেখুৱা হʼল।” জ্ঞান কিতাপৰ ৮৫ পৃষ্ঠাত দিয়া চিত্ৰখন দেখুৱাক আৰু তাৰ শিৰোনামাটো পঢ়ক। তাৰ পাছত ৮৬ পৃষ্ঠাত দিয়া ছবিখন দেখুৱাক আৰু তাৰ ওপৰত মন্তব্য দিয়ক। তেওঁক পুনৰাই সাক্ষাৎ কৰিবলৈ এইদৰে প্ৰশ্ন সোধক: “আপুনি ইয়াৰ কাৰণ জানিব বিচাৰেনে যে, মানুহ কিয় বৃদ্ধ আৰু মৃত্যু হয়?” পুনৰাই ৬ অধ্যায়লৈ উভটি গৈ আলোচনা কৰক।
“আপুনি কেতিয়াবা এইটো ভাবি আচৰিত হৈছেনে যে, মানুহে কিয় বহু বছৰ জীয়াই থাকিবলৈ বাঞ্চা কৰে?” উত্তৰ পোৱাৰ পাছত জ্ঞান কিতাপৰ ৬ অধ্যায়ৰ ৩ অনুচ্ছেদটো পঢ়ক। তাত উল্লেখ কৰা শাস্ত্ৰ পদৰ পৰা যুক্তি দাঙি ধৰক। অনুচ্ছেদৰ শেষত দিয়া দুটা প্ৰশ্ন দাঙি ধৰক আৰু সোধক যে, তেওঁ নিজৰ বাবে সেই প্ৰশ্নবোৰৰ উত্তৰ পাব বিচাৰেনে। যদি ব্যক্তিজনে সঠিক প্ৰতিক্ৰিয়া দেখুৱাই তেনেহʼলে পাছৰ অনুচ্ছেদবোৰক আলোচনা কৰক।
“আপুনি . . . বিশ্বাস কৰেনে বুলি আমি সকলোকে প্ৰশ্ন কৰিছোঁ।” আদিপুস্তক ১:১ পদটো পঢ়ক আৰু সোধক: “আপুনি এই উক্তিটোৰ সৈতে সন্মত নে?” যদি ব্যক্তিজনে সন্মত বুলি কয়, তেনেহʼলে আপুনিও কওঁক যে, “ময়ো আপোনাৰ সৈতে সন্মত।” যিহেতু ঈশ্বৰে সকলোবোৰ বস্তুৰ সৃষ্টি কৰিলে, তেওঁ আজি জগতত হৈ থকা দুষ্টতাৰ বাবে দায়ীনে?” ব্যক্তিজনৰ উত্তৰ শুনাৰ পাছত উপদেশক ৭:২৯ পদটো পঢ়ক। জ্ঞান কিতাপখনৰ ৮ অধ্যায়ৰ ২ অনুচ্ছেদটো পঢ়ক। যদি ব্যক্তিজনে সন্মত নহয় বুলি কয় তেনেহʼলে আদিপুস্তক ১:১ পদত সৃষ্টিকৰ্ত্তাই সকলোবোৰ সৃষ্টি কৰাৰ সম্পৰ্কে দিয়া প্ৰমাণটোক পৰীক্ষা কৰিবলৈ কওঁক।—ৰিজনিং কিতাপৰ ৮৪-৮৬ পৃষ্ঠা চাওঁক।
“বৰ্তমান সময়ত নৈতিকতাৰ মূল্যৰ সঘনাই পতন হোৱাৰ হেতুকে আমাক এক ভাৰসাযুক্ত পথ-প্ৰদৰ্শনৰ আৱশ্যক বুলি আপুনি ভাবেনে? [উত্তৰৰ বাবে ক্ষন্তেক ৰওঁক।] যদিও বাইবেলখনক এখন পুৰণি কিতাপ বুলি বিবেচনা কৰা হয় তথাপিও ইয়াত এনে ব্যৱহাৰিক পৰামৰ্শ দিয়া হৈছে, যিবোৰৰ অনুসাৰে চলিলে বৰ্তমান সময়ত পৰিয়াল জীৱন সুখী হʼব পাৰে।” জ্ঞান কিতাপ ২ অধ্যায়ৰ ১০ অনুচ্ছেদ পঢ়ক আৰু ১১ অনুচ্ছেদৰ প্ৰথম বাক্যশাৰীৰ সৈতে ২ তীমথিয় ৩:১৬, ১৭ পদটো চামিল কৰক।
“এই পৃথিৱীখন আৰু আমাৰ বাবে কেনে ভৱিষ্যত সাঁচি থোৱা হৈছে, এই বিষয়ে আপুনি জানিব বিচাৰেনে? [উত্তৰৰ বাবে ক্ষন্তেক অপেক্ষা কৰক।] বাইবেলত এটা শব্দত ইয়াৰ উত্তৰ দিছে, সেইটো হৈছে পৰমদেশ! এইটো এনে এখন স্থান যʼত ঈশ্বৰে প্ৰথম মানৱ দম্পতিক সৃষ্টি কৰিছিল। সেইখন কেনেকুৱা স্থান হʼব এই বিষয়ে ইয়াত বৰ্ণনা কৰা বাক্যশাৰীক লক্ষ্য কৰক।” জ্ঞান কিতাপৰ ৮ পৃষ্ঠাৰ ৯ অনুচ্ছেদত দিয়া “পৰমদেশত জীৱন” নামৰ শিৰোনামাত দিয়া বিষয়সমূহ পঢ়ক। তাৰ পাছত ১০ অনুচ্ছেদত দিয়া বিষয়সমূহক আলোচনা কৰক আৰু তাত উল্লেখ কৰা শাস্ত্ৰ পদসমূহৰ যিচয়া ৫৫:১০, ১১ পদটো পঢ়ক। পৰমদেশত কেনেধৰণৰ জীৱন হʼব, এই বিষয়ে ১১-১৬ অনুচ্ছেদ আলোচনা কৰি জানিবলৈ গৃহস্থক আমন্ত্ৰণ কৰক।
যিসকলক আপুনি প্ৰহৰীবুৰুজ আৰু সচেতন! আলোচনী দিলে, তেওঁলোকক পুনৰ সাক্ষাৎ কৰাৰ সময়ত আপুনি হয়তো এইদৰে কʼব পাৰে:
“যোৱাবাৰ মই আপোনাৰ ওচৰলৈ আহোঁতে আপোনাক প্ৰহৰীবুৰুজ আলোচনীখনৰ এখন কপি দিছিলোঁ। হয়তো আপুনি আলোচনীখনৰ বেটুপাটত প্ৰহৰীবুৰুজ যিহোৱাৰ ৰাজ্যৰ ঘোষণা কৰে, বুলি সম্পূৰ্ণ নামটো দেখিবলৈ পাইছে। মই আপোনাক সেই ৰাজ্যৰ সম্পৰ্কে বৰ্ণনা আৰু আপোনালৈ আৰু আপোনাৰ পৰিয়ালৰ বাবে এই ৰাজ্যই কি অৰ্থ ৰাখে,” এই বিষয়ে বুজাবলৈ বিচাৰিছোঁ। ব্যক্তিজনে দিয়া সময়ৰ অনুসাৰে বিচাৰে ব্ৰচাৰখনৰ ৬ নম্বৰ পাঠটো পঢ়ক আৰু আলোচনা কৰক।
“অলপতে মই আপোনাক সাক্ষাৎ কৰি প্ৰহৰীবুৰুজ আৰু সচেতন! আলোচনীৰ এখনকৈ কপি দিছিলোঁ। এই আলোচনীখনে বাইবেল আৰু ইয়াৰ নৈতিক পথ-প্ৰদৰ্শনক সন্মান কৰে। মই অনুভৱ কৰোঁ যে প্ৰত্যেকজনে ঈশ্বৰৰ বাক্যক বুজি পোৱাটো অতি আৱশ্যক। মই আজি এনে এটা বিষয়ৰ সম্পৰ্কে কʼবলৈ আপোনাৰ ওচৰলৈ আহিছোঁ যিয়ে আপোনাক সেইটো কৰিবলৈ সহায় কৰিব।” বিচাৰে ব্ৰচাৰখন বা জ্ঞান কিতাপখন আগবঢ়াওক আৰু বাইবেল অধ্যয়ন কৰিবলৈ আমন্ত্ৰণ কৰক।
যদি গৃহস্থজনক ১৯২ পৃষ্ঠাৰ কোনো পুৰণি কিতাপ দিয়া হৈছে, তেনেহʼলে আপুনি তেওঁক এইদৰে কʼব পাৰে:
“এক উত্তম শিক্ষাৰ বাবে সকলো ঠাইতে গুৰুত্ব দিয়া হৈছে। এজন ব্যক্তিয়ে কেনেধৰণৰ শিক্ষা গ্ৰহণ কৰিলে জীৱনত সফলতা আৰু সুখী হʼব পাৰে, এই সম্পৰ্কে আপোনাৰ অভিমত কি? [উত্তৰৰ বাবে ক্ষন্তেক ৰওঁক। তাৰ পাছত হিতোপদেশ ৯:১০, ১১ পদটো পঢ়ক।] এই কিতাপখন [আপুনি দিয়া কিতাপখনৰ নাম উল্লেখ কৰক।] বাইবেলৰ ওপৰত আধাৰিত। কেৱল এইখনেই এনে এক জ্ঞানৰ প্ৰকৃত উৎসৰ বিষয়ে কৈছে যিয়ে অনন্ত জীৱনলৈ পৰিচালিত কৰে।” কিতাপখনৰ পৰা এটা নিৰ্দিষ্ট উদাহৰণ দাঙি ধৰক আৰু ব্যক্তিজনক কিতাপখন পঢ়িবলৈ উৎসাহিত কৰক।
আন প্ৰকাশনসমূহ
ওৱাচ্ টাৱাৰ পাব্লিকেশ্নচ্ ইনডেক্সʼৰ অন্তৰ্গত দিয়া অতিৰিক্ত কিতাপ আৰু ব্ৰচাৰ প্ৰস্তুত কৰিবলৈ দিয়া পৰামৰ্শসমূহ:
প্ৰস্তুতিসমূহ
আলোচনীসমূহৰ ক্ৰম অনুসাৰে
পোনপটীয়াকৈ শুভবাৰ্ত্তা প্ৰস্তুত কৰক
বাইবেল অধ্যয়ন আৰম্ভ কৰিবলৈ পোনপটীয়াকৈ এইদৰে কওঁক:
“আপুনি জানেনে যে, কেৱল অলপ সময়ৰ ভিতৰত বাইবেলৰ পৰা গুৰুত্বপূৰ্ণ প্ৰশ্নসমূহৰ উত্তৰ বিচাৰি উলিয়াব পাৰে? উদাহৰণস্বৰূপে, . . . ” তাৰ পাছত গৃহস্থক আগ্ৰহী কৰি তুলিবলৈ বিচাৰে ব্ৰচাৰখনৰ প্ৰথম পাঠটোৰ পৰা এটা উপযুক্ত প্ৰশ্ন সোধক।
“মই আপোনাক বিনামূলীয়া বাইবেল অধ্যয়নৰ কাৰ্য্যক্ৰমৰ বিষয়ে বৰ্ণনা কৰিব বিচাৰিছোঁ। ইয়াক প্ৰদৰ্শন কৰি দেখুৱাবলৈ মোক কেৱল পাঁচ মিনিট সময়ৰ আৱশ্যক। আপুনি মোক পাঁচ মিনিট সময় দিব পাৰিবনে?” যদি গৃহস্থজনে মান্তি হয়, তেনেহʼলে বিচাৰে ব্ৰচাৰখনৰ ১ নং পাঠটোৰ পৰা অধ্যয়ন কৰা বিষয়ে প্ৰদৰ্শন কৰি দেখুৱাওক। তেনে কৰাৰ সময়ত কেৱল এটা বা দুটা নিৰ্দিষ্ট শাস্ত্ৰৰ পদ পঢ়া আৱশ্যক। তাৰ পাছত তেওঁক সোধক: “পাছৰ পাঠটো আলোচনা কৰিবলৈ আপুনি কেতিয়া ১৫ মিনিট সময় উলিয়াব পাৰিব?”
“বহুতৰে ওচৰত বাইবেল আছে যদিও তেওঁলোকে নাজানে যে আমাৰ ভৱিষ্যতৰ বিষয়ে থকা গুৰুত্বপূৰ্ণ প্ৰশ্নসমূহৰ উত্তৰ ইয়াত পোৱা যায়। অধ্যয়নৰ বাবে এইখনৰ [বিচাৰে ব্ৰচাৰ বা জ্ঞান কিতাপখনৰ] পৰা সহায় লৈ সপ্তাহত এঘন্টা সময় অতিবাহিত কৰি আপুনি বাইবেলৰ পৰা কেৱল কিছু মাহৰ ভিতৰত ইয়াৰ গুৰুত্বপূৰ্ণ বিষয়সমূহৰ জ্ঞান লাভ কৰিব পাৰিব। এই অধ্যয়ন কেনেকৈ কৰিব পাৰি, মই আপোনাক ইয়াৰ বিষয়ে বৰ্ণনা কৰিবলৈ পাই আনন্দিত হʼম।”
মই সকলোকে বিনামূলীয়া বাইবেল অধ্যয়ন কৰিবলৈ আমন্ত্ৰণ কৰিছোঁ। যদি আপুনি অধ্যয়ন কৰিব বিচাৰে, তেনেহʼলে প্ৰায় ২০০ খন দেশত আন পৰিয়ালবোৰে কেনেকৈ বাইবেলৰ পৰা আলোচনা কৰিছে তাক মই প্ৰদৰ্শন কৰি দেখুৱাবলৈ বিচাৰিছোঁ। আপোনাৰ ওচৰত অলপ সময় আছেনে? আমি ইয়াৰে কোনো এটা বিষয়ৰ ওপৰত আলোচনা কৰিব পাৰোঁ। [জ্ঞান কিতাপৰ সূচীপত্ৰখন দেখুৱাক।] ইয়াৰে কোনটোৰ বিষয়ে আপুনি অধিক জানিব বিচাৰে?” ব্যক্তিজনক তেওঁৰ মন পছন্দ বিষয়টোক বাছি লʼবলৈ সময় দিয়ক। তাৰ পাছত তেওঁ বাছি লোৱা অধ্যায়টোৰ প্ৰথম অনুচ্ছেদৰ পৰা অধ্যয়ন আৰম্ভ কৰক।
“মই সকলোকে বিনামূলীয়া বাইবেল শিক্ষা প্ৰদান কৰিছোঁ আৰু যিসকলে শিকিব বিচাৰে তেনে বিদ্যাৰ্থীৰ বাবে মই নিজৰ সময় উলিয়াওঁ। আমি ব্যৱহাৰ কৰা এইখন কিতাপে বাইবেল অধ্যয়ন কৰিবলৈ সহায় কৰে। [জ্ঞান কিতাপখন দেখুৱাওক।] এই অধ্যয়ন সম্পূৰ্ণ কৰিবলৈ কেৱল কিছু মাহৰ আৱশ্যক আৰু অধ্যয়নৰ যোগেদি আপুনি এই প্ৰশ্নসমূহৰ উত্তৰ পাব পাৰিব: ঈশ্বৰে কিয় দুখ-কষ্টৰ অনুমতি দিছে? আমি কিয় বৃদ্ধ হওঁ আৰু মৃত্যু বৰণ কৰোঁ? আমাৰ আপোনজনাৰ মৃত্যুৰ পাছত, তেওঁলোকলৈ কি ঘটে? আমি কেনেকৈ ঈশ্বৰৰ কাষ চাপিব পাৰোঁ? এই পাঠটো কেনেকৈ অধ্যয়ন কৰিব লাগে মই আপোনাক প্ৰদৰ্শন কৰি দেখুৱাব পাৰোঁ নে?
যদি আপুনি কোনো এটা ব্যৱহাৰিক প্ৰস্তুতিৰ অনুসাৰে কাৰ্য্য কৰি সফলতা লাভ কৰিছে, তেনেহʼলে সেই পৰামৰ্শটো একেৰাহে ব্যৱহাৰ কৰক! ইয়াক সৰলভাৱে আপুনি দিয়া চলিত আলোচনীৰ বাবে ব্যৱহাৰ কৰক।