আলোচনাৰ বাবে আৰ্হি ভালদৰে ব্যৱহাৰ কৰক

জানুৱাৰী ২০১৮ চনৰপৰা আমাৰ খ্ৰীষ্টান জীৱন আৰু পৰিচৰ্য্যা—সভাৰ বাবে অধ্যয়ন পুস্তিকাৰ আলোচনাৰ বাবে আৰ্হিত কিছুমান পৰামৰ্শ দিয়া হৈছে। আমি এই পৰামৰ্শবোৰ কেনেকৈ প্ৰয়োগ কৰিব পাৰোঁ?

বিদ্যাৰ্থীয়ে ভাগ প্ৰদৰ্শন কৰা সময়ত: আপুনি “আলোচনাৰ বাবে আৰ্হিত” দিয়া প্ৰশ্ন, পদ আৰু পৰৱৰ্তী সাক্ষাতৰ বাবে প্ৰশ্ন ব্যৱহাৰ কৰা উচিত। কিন্তু ইয়াৰ অৰ্থ এইটো নহয় যে আলোচনাৰ বাবে আৰ্হিত দিয়া ভিডিঅʼখনত যিদৰে দেখুৱা হয়, ঠিক সেইদৰে কৰা। আপুনি হয়তো আন কৌশল ব্যৱহাৰ কৰিব পাৰে বা কোনো আন প্ৰকাৰে যুক্তি কৰিব পাৰে। আপুনি শিক্ষাদানৰ সঁজুলিৰ বাকচৰপৰা কোনো এখন প্ৰকাশন আগবঢ়াব পাৰে, যদিও এনে কৰাৰ বাবে ভিডিঅʼত কোনো পৰামৰ্শ দিয়া নাই।

প্ৰচাৰ কাৰ্য্যত: “আলোচনাৰ বাবে আৰ্হিত” যি উপায় দিয়া হৈছে, সেইবোৰ কেৱল পৰামৰ্শ। যদি কোনো ব্যক্তি আগ্ৰহী আৰু বেছি জানিব বিচাৰে, তেনেহʼলে ‘প্ৰথম পুনৰ সাক্ষাতত’ দিয়া পৰামৰ্শৰ সহায়ত কথা-বতৰা আৰম্ভ কৰিব পাৰে। আপুনি এই পৰামৰ্শত কিছু সাল-সলনি কৰিব পাৰে বা আন বিষয়ত কথা পাতিব পাৰে। হয়তো আপোনাৰ এলেকাত যোৱা মাহৰ পৰামৰ্শ বা আন কোনো শাস্ত্ৰ পদ বেছিকৈ প্ৰভাৱশালী হ’ব পাৰে। বা শেহতীয়াকৈ হোৱা কোনো ঘটনাৰ বিষয়ে আলোচনা কৰিব বিচাৰে। আপুনি এই পৰামৰ্শ বেলেগ বেলেগ উপায়েৰে ব্যৱহাৰ কৰিব পাৰে। কিন্তু আপোনাৰ লক্ষ্য হোৱা উচিত যে “সেই সকলোকেই শুভবাৰ্ত্তাৰ নিমিত্তে কৰা” যাতে এই বাৰ্ত্তা সকলোকে জনাব পাৰে—১কৰি ৯:২২, ২৩.