খ্ৰীষ্টান হিচাপে জীৱন-যাপন
বাইবেল অধ্যয়নৰ লগত জড়িত ভিডিঅʼবোৰ কেতিয়া আৰু কাক দেখুৱাম
প্ৰচাৰত লোকসকলক দেখুৱাবলৈ বাইবেল অধ্যয়নৰ লগত জড়িত চাৰিটা ভিডিঅʼ আছে। প্ৰতিটো ভিডিঅʼৰ উদ্দেশ্য কি?
বাইবেল কিয় অধ্যয়ন কৰা উচিত? (সম্পূৰ্ণ ভিডিঅʼ): লোকসকল যিকোনো ধৰ্মৰেই নহওক কিয়, বাইবেলৰ প্ৰতি তেওঁলোকৰ আগ্ৰহ জন্মাবলৈ এই ভিডিঅʼটো বনোৱা হৈছে। জীৱনৰ লগত জড়িত প্ৰশ্নবোৰৰ উত্তৰ পাবলৈ তেওঁলোকক নিজে বাইবেলৰ পৰা চালি-জাৰি চাবলৈ এই ভিডিঅʼখনত উৎসাহিত কৰা হৈছে। ইয়াত এনেধৰণৰে এটা প্ৰশ্নৰ উত্তৰ দিয়া হৈছে। ইয়াত এয়াও কোৱা হৈছে যে এজন ব্যক্তিয়ে বাইবেল অধ্যয়নৰ বাবে কেনেকৈ অনুৰোধ কৰিব পাৰে।
বাইবেল কিয় অধ্যয়ন কৰা উচিত? (সৰু ভিডিঅʼ): এই ভিডিঅʼৰ উদ্দেশ্যও সম্পূৰ্ণ ভিডিঅʼৰ নিচিনাই হয়। কিন্তু এটাই পাৰ্থক্য আছে। সেই ভিডিঅʼ ৩ মিনিটৰ হয় আৰু এইখন ১ মিনিটৰ। যিবোৰ এলেকাত লোকসকলে বেছি সময় দিব নোৱাৰে, সেই ঠাইত এই ভিডিঅʼখন বৰ প্ৰভাৱশালী হʼব পাৰে।
বাইবেল অধ্যয়ন কেনেকৈ কৰা হয়?: এই ভিডিঅʼখনৰ উদ্দেশ্য হৈছে বাইবেল অধ্যয়ন আৰম্ভ কৰিবলৈ লোকসকলৰ আগ্ৰহ জন্মোৱা। অধ্যয়নৰ বিষয়ে লোকসকলৰ মনলৈ যিবোৰ প্ৰশ্ন আহে, তাৰে মাজৰ কিছুমান প্ৰশ্নৰ উত্তৰ এই ভিডিঅʼখনত দিয়া হৈছে। যেনে, বাইবেল অধ্যয়নৰ বাবে কেনেকৈ অনুৰোধ কৰিব পাৰি।
বাইবেল বিদ্যাৰ্থীক শিকি থাকিবলৈ উৎসাহিত কৰক: এই ভিডিঅʼখন বাইবেল বিদ্যাৰ্থীসকলৰ বাবে তৈয়াৰ কৰা হৈছে। যদিও ইয়াৰ বিষয়ে এক অনন্ত জীৱন! কিতাপখনৰ ২ পৃষ্ঠাত উল্লেখ আছে, তথাপি এক অনন্ত জীৱন! ব্ৰচাৰৰ পৰা আলোচনা কৰাৰ সময়তো এই ভিডিঅʼখন দেখুৱাব পাৰি। এই ভিডিঅʼখনত কোৱা হৈছে যে কিতাপখনত কি কি বিষয়ে আৰু কেনেদৰে আলোচনা কৰা হʼব।
যদিও প্ৰতিটো ভিডিঅʼৰ উদ্দেশ্য বেলেগ, তথাপি উচিত সময়ত ইয়াৰ মাজৰ যিকোনো ভিডিঅʼ যিকোনো সময়তে দেখুৱাব বা পঠিয়াব পাৰি। এই ভিডিঅʼবোৰৰ বিষয়ে ভালদৰে জানিবলৈ আৰু প্ৰচাৰত ইয়াৰ ভাল ব্যৱহাৰ কৰিবলৈ প্ৰচাৰকসকলক উৎসাহিত কৰা হয়।