• Isaías 45:20
    Biblia Aymara. Machaq Mundon Jakirinakataki

    • 20 Tantachasipjjam, jutapjjarakim.

      Markanakat escapirinaka, juntuk jakʼachasinipjjam.+

      Khitinakatï idolonak aptʼat sarnaqapki ukanakajja janiw kunsa yatipkiti,

      jupanakar jan salvkaspa uka diosar oración lurapki ukanakajj janiw kunsa yatipkiti.+

  • Jeremías 10:5
    Biblia Aymara. Machaq Mundon Jakirinakataki

    •  5 Uka idolonakajj pepino yapun jamachʼinak sustjañatak utjki uka tʼejjetanakar uñtasitakiwa, ukanakajj janiw parlañ puedipkiti.+

      Jan sarnaqañ puedipjjatap laykojj apnaqatäpjjañapawa.+

      Jan ukanakar ajjsarapjjamti, janiw kuna jan walsa lurapkaspati,

      janirakiw kuna sumanaksa lurapkaspati”+ sasa.

  • Daniel 5:23
    Biblia Aymara. Machaq Mundon Jakirinakataki

    • 23 Ukat sipansa, jumajj alajjpachanakan Tatitup contraw saytʼtajja.+ Diosan templopankkäna uka copanak jumajj aptayantajja,+ ukanakatwa wali importante jaqenakamampisa, concubinanakamampisa, mayni esposanakamampis vino umtajja. Qorita, qollqeta, cobreta, hierrota, maderata ukhamarak qalat lurat diosanakaruw jachʼañchtajja, ukanakajj janiw uñjapkisa, istʼapkisa, ni kunsa yatipkiti.+ Ukampis juman vidamasa taqe luratanakamas amparapankki uka Diosarojj janiw jachʼañchktati.+

  • Habacuc 2:18, 19
    Biblia Aymara. Machaq Mundon Jakirinakataki

    • 18 ¿Kunatakirak mä idolojj servispasti,

      mä jaqen luratakïchi ukhasti?

      ¿Kunatakirak metalat lurat mä idolosa kʼarinak yatichiris servispasti,

      uka idolonak luriritejj uka idolonakar wal confiychi,

      jan kunatak serviri jan parliri diosanak lurarakchi ukhasti?+

      19 ¡Ay kunakïkani, khititejj mä jiskʼa maderar “¡sartasim!” sasin siski uka jaqetjja,

      jan ukajja jan parlir mä qalar “¡sartasim!, ¡yatichapjjeta!” sasin siski uka jaqetjja!

      Ukanakasti qorimpi qollqempi forratäpjjewa,+

      janirakiw samsupkisa.+