• Lamentaciones 2:15
    Biblia Aymara. Machaq Mundon Jakirinakataki

    • 15 Taqe khitinakatï thaknam pasapki ukanakajja burlasisaw amparanakap tʼajjllirapjje.+

      Sionan phuchapar uñjasajja wali musparataw khuyusipjje,+ akham sasaw pʼeqenakap khiwisipjjaraki:

      “¿Aka markatti akham sapjjänjja: ‘Jan kuna kamachtʼata wali suma markapuniwa, taqpach oraqjjaru kusisiñ apanir markawa’ sasajja?”.+

  • Habacuc 1:5-7
    Biblia Aymara. Machaq Mundon Jakirinakataki

    •  5 “¡Markanakar uñtapjjam, kunatï pasaski uk wali atencionamp uñtapjjam!

      Lakas jistʼarata ukhamarak wali musparat uñtapjjam,

      kuna laykutejj jumanakan urunakamanjja,

      kuntï jan creyipkäta ukaw pasani, awisatpachas janiw creyipkätati.+

       6 Caldeonakaruw nayajj sartayäjja,+

      jan sinttʼasiri loqhe markaruw sartayäjja.

      Jupanakajj oraqen utjki uka jachʼa oraqenakarojj jankʼakiw aywitatapjje,

      ukhamat jan jupanakankki uka oraqenak katuntasiñataki.+

       7 Jupanakajj wali ajjsarkañäpjjewa, jaqenakas jupanakat ajjsarayasipjjewa.

      Jupanakajj pachpa leyipwa apsupjje, wali munañanïpjjarakiwa.+