Los testigos de Jehová: una historia de fe viva. Parte 2: Dejan brillar su luz
Rutherford jilatampi ukat yaqha jilatanakampejja, 1919 maranwa carcelat antutatäjjapjjäna, ukhamajj Bibliat Yatjjatirinaka sasin uñtʼatapkäna jupanakatakejj walja luräwinakaw utjäna. Los testigos de Jehová: una historia de fe viva. Parte 2: Dejan brillar su luz sat videonjja (DVD) kunjamsa uñisirinakaparojj saykatapjjäna, ukat Biblian yatichäwinakapjja jukʼamp sum amuyasipkakïna ukat iyawsäwipajj yantʼat uñjasirakïna ukanakaw uñjasi (Pro. 4:18; Mal. 3:1-3; Juan 15:20). Ukat video uñtasinjja, aka jisktʼanakaruw qhanañchtʼäta.
1) ¿Bibliat Yatjjatirinakajj kunjamanakatsa Diosan Arunakap yatiyapjjäna? 2) Khä 1931 ukat 1935 maranakan jachʼa tantachäwinak apaskäna ukanjja, ¿kunas pasäna? 3) Inglés arut 1 noviembre 1939 maran Yatiyañataki sat revistajj ¿kunatsa wali wakiskirïnjja? 4) Rutherford jilatajj “Gobierno y paz” sat arstʼäwi Madison Square Garden sat lugaran arskäna ukanjj ¿kunas pasäna? uk qhanañchtʼma 5) Knorr jilatajj “Paz... ¿será duradera?” sat arstʼäw arstʼkän ukajja, ¿kunatsa wali wakiskiripunïnjja? 6) Khä 1942 maranjja, ¿kunsa Jehová Diosan Qhanañchirinakapajj jukʼamp yatiyañatakejj lurapjjäna? 7) Estados Unidos, Canadá ukat Grecia markanakanjja, ¿kunatsa jucionakan uñjasipjjäna? uk mä qhawqha qhanañchtʼma. 8) ¿Kunjamsa Galaad escuelajj Diosan Arunakap jukʼamp yatiyañatakejj yanaptʼawayi? 9) ¿Jehová Diosan Qhanañchirinakapajj kuna wakiskir luräwsa 1946 maran qalltawayapjje, ukat kunatsa? 10) Diosan kamachinakaparjam sarnaqañatakejja, Jehová Diosan Qhanañchirinakapajj ¿kun lurañatakis amtawayapjje? 11) Khä 1970 maranakanjja, Jehová Diosan markapajj Bibliarjam taqe kuns lurapjjañapatakejj ¿kunanaksa mayjtʼayawayapjje? 12) Jehová Diosajj markapar sum uñjaskatapa ukat cheqapun akajj markapäskatap yatjjatasajj ¿kunjamsa aka videojj uka toqet amuytʼayawayistu? 13) Jan waltʼäwin uñjaskasasa Diosan Arunakap taqe chuyma yatiyaskakiñatakejj ¿kunjamsa aka videojj yanaptʼawayistu? 14) ¿Kunjamsa familiasaru, Bibliat yateqerinakasaru ukat yaqha jaqenakarus aka videompejj yanaptʼsna?
Sapürunjamaw Jehová Diosan Qhanañchirinakapan sarnaqäwinakapatjj qellqasi. Ukhamajj Diosan Arunakap yatiyañatak chʼamachasktan uka toqetjja, ¿kamsasas jiwasanakat qellqaspachäni? Nayra tiempo jilat kullakanakat yateqasipjjañäni, ukat Diosan Arunakap ‘qhantayaskakiñäni’ (2 Cor. 4:6).