LECCIÓN 20
Sum tuktʼayaña
Eclesiastés 12:13, 14
¿KUNSA LURAÑAMA? Qhep qhepa arunakamajja, kuna toqettï parlawaykta ukar iyawsapjjañapataki ukat ukarjam sarnaqapjjañapatakiw istʼirinakar chʼamañchtʼañapa.
¿KUNJAMSA UK LURASMA?
Kuna toqettï parlawaykta ukarjam tuktʼayam. Kuna toqetsa arstʼawayta, kuna wakiskir yatichäwinakatsa parlawayta, ukwa istʼirinakar amtayañama.
Istʼirinakar chʼamañchtʼam. Kunsa lurapjjañapa, ukat kunatsa uk lurapjjañapajj wakisi ukwa qhanañchtʼañama. Taqe chuyma ukat jan pächasisaw parltʼañama.
Fácil amuykaña ukat jukʼa arunakamp tuktʼayam. Janiw yaqha toqenakat parlas tuktʼayañamäkiti. Jukʼa arunakampi, chʼamañchtʼkir arunakampiw arstʼäwim tukuyañama.