Pä uru jachʼa tantachäwitak machaq wakichäwi

¿Chiqa yupaychäwi contra saytʼirinakat kunjamsa jarkʼaqassna? Supayax yantʼanakapampiw aka ñanqha pachar kuttʼayañ munistu, ¿kunjamsa uka yantʼanakapar saykatsna? 2009 marataki waktʼayata pä uru jachʼa tantachäwinwa uka wakiskir jisktʼäwinakarux qhanañchasiskani. Pʼiqiñchäwipasti akawa: ‘Ñanqharux askimpi atipjaskakiñäni’, ukasti Romanos 12:21 qillqatat apstʼatawa. Kunjamänis uk uñjañäni.

Superintendente de distrito jilataw akham arstʼäwinak arstʼaskani: “Ñanqhar askimpi atipjañataki chʼamañchtʼasiñäni”, “Jiwas pachpar jan sinti atinisiñäniti”, “Tʼaqhisiñax niyaw tukusxani” ukat “Ñanqha pacharu atipjañatakix iyawsäwis chʼamañchtʼasiñasawa”. Tamanakar tumptʼir jilataxa akïr arstʼäwinak arstʼaskani: “Aka tiempox janiw ikiñ tiempükiti”, ukasti Romanos 13:11-13 qillqatat apstʼatawa, ukat “Tʼaqhisiñ urunxa jan mayjtʼapxañäniti”, ukax Proverbios 24:10 qillqatat apstʼatarakiwa. Ukhamarakiwa, “Kunanakas tamanakan wakisi” sat arstʼäwxa wal suytanxa. Ukat yaqha suma arstʼäwin pʼiqiñchapasti akarakiwa: “Precursorjam irnaqtʼas ‘Diosat yatiyaskakiñäni’”. Pä mayachtʼat arstʼäwiw utjani, nayrïrin pʼiqiñchäwipasti akawa: “Supayan yantʼanakaparu saykatañatakix thurtʼatäpxañäni”. Ukasti Supayan sipitanakapat amuyasiña, jarkʼaqasiña yanapistani, kunattix uka sipitanakapax tecnología satäkis ukana, kusistʼañanakana ukat yatichañ utanakan yatichäwinakapanwa jikxatasi. “Supayan yantʼanakaparu ‘jan wali urun atipjapxañataki’ chʼamañchasipxañäni” sat mayachtʼat arstʼäwisti Efesios 6:10-18 qillqatan iwxanakapar istʼañwa yatichistani.

Ñanqhanakaru askimpi atipjañampi Diosan Apnaqäwipat yatiyañampixa mayakïkaspas ukhamawa (Apo. 12:17). ¡Ukatpi Supayax Jehová Diosan Qhanañchirinakaparux yantʼaskakixa! (Isa. 43:10, 12.) Ukampisa Supayax janipuniw atipjkistaniti, kunattixa “ñanqharu askimpi atipjañxa” taqi chuymaw amttanxa. Ukhamasti aka pä uru jachʼa tantachäwita askinak apsuñatakix jichhjatpach wakichtʼasiñamawa.