“¡Janipuniw utapankkiti!”

Inas Bibliat yateqañ munirinakaru utapan wasitampi jan jikjjatjjasa ukham sirïstan. Wal chʼamachasisasa, awisajj Bibliat jukʼampi yateqasipkakiñapatak yanaptʼañajj chʼamakiwa (1 Cor. 3:6). Ukhaman jikjjatasisajj ¿kuns lursna? Experienciani jilat kullakanakajja, mä carta jan ukajj mä nota qellqtʼasaw utanin punkupar jaytapjje. Yaqhep jilat kullakanakajja, jaqenakar utapan jikjjatañ chʼamätap yatisajja, telefon numerop mayipjje. Ukat akhamwa sapjje: “¿Mä mensaje celularamar qellqtʼanirismati?” sasa. Carta, correo electrónico, teléfono jan ukajj mä qellqat toqnam yatiyañänejja, mä revisitjamsa jakhusiraksnawa. Ukhamatwa jan utapankapkani ukhas Diosan arunakapat yatjjatañ munasipkakiñapatak chʼamañchaskakiñäni.