Jukʼamp sum yatiyañataki: Teléfono toqe predicañäni

KUNATSA UK LURAÑAJJ WAKISI. Telefonot predicañajja, ‘suma yatiyäwinak phoqatpach yatiyañatakiw’ yanaptʼistu (Hch 20:24).a Utapar jan sarañ puedktan ukanakar predicañatakiw yanaptʼarakistu.

KUNJAMSA UK LURSNA

• 

  Sum wakichtʼasiñasawa. Kuna toqetsa parlañ munapjjaspa ukat parlañatakiw wakichasiñasa, kamsañänisa ukwa anottʼasiñasaraki. Jan contestankani ukhajja, kunatsa jawsasktan uk mä mensaje de voz toqe qhanañchtʼañatakiw wakichtʼasiñasa. Notanakasasa, kuntï necesitkañäni ukanakas jakʼankañapawa, celularasansa jan ukajj tabletasansa JW Library^® jan ukajj jw.org^® cheqanakajj llawiratäñaparakiwa.

• 

  Jan ajjsarasaw parltʼañasa. Kunjamtï parltʼasktan ukhamwa parltʼañasa. Kusisitäñasawa, parlktan uka jaqemp jikisisajj kunjamsa parlasäna ukhamwa parltʼañasaraki. Jan wakiskani ukhajj janiw amuktʼañasäkiti. Predickasajj mayninakamp yanaptʼayasiñajj khusapunïspawa. Parlasktan uka jaqetï jisktʼistanejja, jachʼatwa jisktʼap repetiñasa, ukhamatwa maynejj qhanañchañatak yanaptʼistani.

• 

  Mä revisita lurañatakiw chʼamachasiñasa. Jukʼamp yatjjatañ munani ukhajja, wasitamp jawsasin qhanañchañatakiw mä jisktʼa jaytañasa. Juparojja, mä qellqat chuririw sarsna, jan ukajj correo toqe, Internet toqew apaysna. Mensaje toqesa, correo electrónico toqes mä qellqata jan ukajj mä video apayaraksnawa. Internetan jw.org cheqar mantañapatakis invittʼaraksnawa.