Aka videonakamp Bibliat yatichañ qalltam

Bibliat yatichañatakejj pusi videonakaw utjistu. ¿Sapa videojj kuna amtamp luratasa, ukat kunjamsa uka videonakamp prediksna?

• 

  ¿Kunatsa Bibliat yatjjatañama? (Phoqatpach video). Uka videojja, jaqenakajj kuna religionankasipkpansa, jupanakan Bibliat yatjjatañ munapjjañapatak wakichtʼatawa. Kuna jisktʼanakapatï utjki ukan qhanañchäwip Biblian thaqapjjañapatakiw chʼamañchi. Ukatsti Bibliajj kuntï siski ukan cheqätapjja, mä uñachtʼäwimpiw qhanañcharaki. Tukuyarojja maynejj kunjamsa Bibliat yatichayasiñ mayispa ukwa qhanañcharaki.

• 

  ¿Kunatsa Bibliat yatjjatañama? (Jiskʼaptayat video). Uka videojja, phoqatpach videor uñtasitawa, ukampis mä minuto jilakiwa. Ukatwa jan tiemponïpki ukanakar uñtayañatakejj wali wakiskiri.

• 

  ¿Kunjamsa Bibliat yatichasi? Bibliat gratisak yatichktan uka toqet yatiñ munapjjañapatak wakichtʼatawa. Bibliat gratisak yatichktan uka toqet kuna jisktʼanakanïpjjesa ukwa qhanañcharaki, sañäni, Bibliat yatichayasiñatakejj kunsa lurapjjaspa ukwa qhanañchi.

• 

  Walikpun Bibliat yateqañ amtawaytajja. Uka videojj Bibliat yateqerinakaruw uñtayasi. ¡Wiñayatakiw kusisit jakasisma! sat libron página 2 ukansa uka videot nayrïr kuti parlkchejja, uka pachpa sutini folletot yatjjatkasajj uñtayasirakispawa. Libron kunanakatsa yatjjatasini, kunjamsa uka libromp yatjjatasini ukanakaw videon qhanañchasi.

Sapa mayni videonakajj mä amtamp luratäkchisa, wakiskani ukhajj uñachtʼaysnawa, aptʼayaraksnawa. Uka videonak sum uñtʼañataki, predicacionans jaqenakar uñachtʼayañatak chʼamachasipjjañäni.