Chʼeqa: Yasser Qudaih/Anadolu via Getty Images; kupi: RONALDO SCHEMIDT/AFP via Getty Images
¡AMUYASIPJJAPUNIM!
¿Kunapachas guerranakajj tukusjjani? | ¿Bibliajj uka toqet kamsisa?
“Jan jukʼamp jan walir sarañatakisa, jukʼamp jan walinak jan utjañapatakis jichhaw tiempojja. Jichhaw mayni pachpajj amuytʼasiñaparaki” (António Guterres, Secretario general de las Naciones Unidas, jupajj sábado 13 de abril de 2024 maran Irán markajj Israel marka contra nuwaskäna uka toqetwa arsüna).
Oriente Próximo (oeste de Asia) toqen uñjaski ukajja, kunatï oraqpachan pasaski ukwa uñachtʼayi.
“Segunda Guerra Mundialajj utjkäna ukhatwa walja guerranakajj utjawayi. Jichhürunakanjja, 2.000 millón jaqenakaw kawkjantï guerranakajj utjki ukan jakapjje” (Consejo de Seguridad de la ONU, 26 de enero de 2023).
Aka markanakaw guerranakampi jan waltʼayatajj uñjasipjje: Israel, Gaza, Siria, Azerbaiyán, Ucrania, Sudán, Etiopía, Níger, Myanmar ukhamarak Haití.a
¿Kunapachas guerranakajj tukusjjani? ¿Marka apnaqerinakajj sumankañ utjayapjjaspati? ¿Bibliajj uka toqet kamsisa?
Walja guerranakaw oraqpachan utji
Guerranakajj niyaw tukusjjani, ukwa jichhürunakan utjki uka guerranakajj uñachtʼayi. Kunjamtï Biblian parlir mä profeciajj siskejja, ‘akapachajj niyaw tukusiñampïski’, uka tiempon jakaskataswa guerranakajj uñachtʼayi (Mateo 24:3).
“Jumanakajj taqe cheqan guerranak utjatap istʼapjjäta [...]. Mä jachʼa markajj yaqha jachʼa marka contraw nuwasini, mä gobiernosti yaqha gobierno contrarakiw nuwasini” (Mateo 24:6, 7).
Jichhürunakan utjki uka guerranakajj Bibliankir mä profecía phoqaski sasin kunatsa sistan uk yatiñatakejja, “¿Cuál es la señal de ‘los últimos días’ o ‘los tiempos finales’?” sat yatichäwi liytʼam.
Mä guerraw taqe guerranak chhaqtayani
Biblian mä profeciaparjamajja, taqe guerranakaw chhaqtani, ukampis janiw jaqenakajj uk chhaqtaykaniti, jan ukasti Armagedón sat guerraw chhaqtayani, ukajj “Taqe Chʼamani Diosan jachʼa urupan guerrajj apaskani” ukawa (Apocalipsis 16:14, 16). Uka guerra qhepatjja, Diosajj wiñayatak sumankañ apaniñ arskäna uka promesapaw phoqasini (Salmo 37:10, 11, 29).
Kunjamsa Diosan guerrapajj taqe guerranak chhaqtayani uk yatiñatakejja, “¿Qué es el Armagedón?” sat yatichäwi liytʼam.
a ACLED Conflict Index: “Ranking violent conflict levels across the world” (Oraqpachan guerranak utjipan kawkïr markanakansa jukʼamp tʼaqesiñajj utji ukarjam lista), enero de 2024.