Fotonakampi videonakamp sum yatichaña

Génesis 15:5

¿KUNSA LURAÑAMA? Wakiskir yatichäwinak amuyapjjañapatakisa, amtapjjañapatakis fotonakampi jan ukajj yaqha ukhamanakampiw istʼirinakar yatichañama.

¿KUNJAMSA UK LURASMA?

• Kunanaktï uñtaykäta ukanakajj yatichatamar yanaptʼañapawa. Congregacionan arstʼkäta ukhajja, fotonakampi, dibujonakampi, mapanakampi jan ukajj yaqha ukhamanakampiw wakiskir yatichäwinak qhanañchtʼañama. Diosan arunakap yatiyir sarkäta ukhajja, videonakampiw wakiskir yatichäwinak qhanañcharakisma. Kuntï yatichañ munkta ukwa istʼirinakajj amtapjjañapa, janiw kuntï uñachtʼaykäta ukak amtasipjjañapäkiti.

• Kuntï istʼirinakar uñachtʼayañ munkta ukjja taqeniw uñjapjjañapa. Sañäni, congregacionan mä foto uñtayañ munkäta ukhajja, taqenin uñjkayäñapawa.