Билијимизи тәҹрүбәдә тәтбиг етмәјә көмәк едән мәктәб
1 Теократик Хидмәт Мәктәбинин 2006-ҹы ил үчүн програмындакы материалы өјрәнән заман, Мүгәддәс Китаба әсасланан мәсләһәтләри хидмәтимиздә вә ҝүндәлик һәјатымызда тәтбиг едәрәк онлардан фајдаланмаға чалышаҹағыг. Мәгсәдимиз өјрәндикләримизи тәтбиг етмәкдир (Јәһ. 13:17; Филип. 4:9).
2 Шәрһләр. Бу ил үчүн олан програмда Мүгәддәс Китабдан диггәтәлајиг фикирләр бәндиндә динләјиҹиләрин иштиракы үчүн әлавә бир дәгигә нәзәрдә тутулубдур. Бу о демәкдир ки, диггәтәлајиг фикирләри тәгдим едән гардаш, бәндинин биринҹи һиссәсини алты дәгигә әвәзинә беш дәгигәјә гуртармалыдыр. Шәрһ верәнләр исә диггәтли олмалыдырлар ки, онлара ајрылан вахтдан артыг шәрһ вермәсинләр. Јахшы дүшүнүб һазырлашараг, 30 вә ја даһа аз санијә әрзиндә гијмәтли фикирләр сөјләмәк олар. Аудиторија үчүн ајрылмыш беш дәгигә әрзиндә тәхминән он нәфәр мә’налы шәрһләр верә биләр.
3 Тә’лим верән нитгләр. Мүгәддәс Китабдан диггәтәлајиг фикирләр вә тә’лим нитгләри, диггәти материалын хидмәтимизин вә ҝүндәлик һәјатымызын мүхтәлиф саһәләринә аид олан ҹәһәтләринә јөнәлтмәлидир. Натигин вәзифәси динләјиҹиләрдә јалныз фәалијјәт ҝөстәрмәјә һәвәс ојатмагдан ибарәт дејилдир. О, нә етмәји вә буну неҹә һәјата кечирмәји ҝөстәрмәли вә мәһз бу ҹүр давранмағын нәјә ҝөрә фајдалы олдуғуну изаһ етмәлидир. О, буну белә сөјләмәклә едә биләр: «Бу мәтн бизә белә бир рәһбәрлик тәгдим едир» вә ја «Биз бу ајәләрдән хидмәтдә белә истифадә едә биләрик». Ағсаггаллар вә хидмәти көмәкчиләр материалын неҹә тәтбиг едилмәсини јерли шәраити мүмкүн гәдәр нәзәрә алараг ҝөстәрмәлидирләр.
4 Материалын тәтбиг едилмә үсулларыны ҝөстәрәркән, Мүгәддәс Китаб нүмунәләрини мисал чәкмәк хүсусилә еффектли ола биләр. Мүгәддәс Китаб нүмунәсинә мүраҹиәт етдикдән сонра, натиг сөјләјә биләр: «Биз дә буна бәнзәр вәзијјәтлә гаршылаша биләрик». О әмин олмалыдыр ки, ҝәтирилән Мүгәддәс Китаб нүмунәси контекстлә, бүтөвлүкдә Мүгәддәс Китабла вә «садиг вә ағыллы гул»ун нәшрләри илә узлашыр (Мат. 24:45).
5 Мүдриклик билик вә идракдан уғурла истифадә етмәк баҹарығыдыр. «Һикмәт һәр шејдән үстүндүр» (Сүл. мәс. 4:7). «Теократик Хидмәт Мәктәби»ндә алдығымыз тә’лим васитәсилә практики мүдриклик әлдә етдикҹә, ҝәлин, буну башгалары илә бөлүшмәк габилијјәтини дә инкишаф етдирәк.