Журналын сон сәһифәсиндән истифадә едирсәнми?
Инсанлар вердијимиз журналы ҝөтүрәндә, адәтән, чевириб о үзүнә-бу үзүнә бир анлыг ҝөз ҝәздирирләр. «Ҝөзәтчи Гүлләси»нин күтләви нәшринин сон сәһифәсиндә бир нечә мараглы суаллар олур вә лазыми мәлуматы тапмаг үчүн сәһифәләр ҝөстәрилир.
Сөһбәтә башламаг үчүн журналын сон сәһифәсиндәки суаллардан истифадә едә биләрик. Әҝәр саһәмиз тез-тез ишләнирсә, бу суаллардан истифадә едәрәк ај әрзиндә мүхтәлиф тәгдимәләр һазырлаја биләрик. Ев сакини мәшғулдурса, онда сон сәһифәдәки суаллардан бирини ҝөстәрәрәк гысаҹа олараг дејә биләрик: «Әҝәр сиз бу суалын ҹавабыны билмәк истәјирсинизсә, мән бу журналы сизә сахлаја биләрәм вә вахтыныз оланда бу һагда бир аз ҝениш сөһбәт едәрик». Бәзи тәблиғчиләр ев саһибинә журналын сон сәһифәсини ҝөстәриб ону марагландыран суалы сечмәји тәклиф етмәклә сөһбәтә башламаг истәјә биләрләр. Сонра ҹавабын һарада олдуғуну ҝөстәрә вә әввәлҹәдән сечдикләри ајәни охуја биләрләр. «Ҝөзәтчи Гүлләси» журналына марағы артырмаг үчүн сон сәһифәдәки суаллардан башга ҹүр дә истифадә едә биләрсиниз.