«Hesabata nə qədər vaxt daxil etməliyəm?»

Sən də nə vaxtsa bu sualı vermisənmi? Ümumi rəhbərliyi «Təşkil olunmuşuq» kitabının 85-ci səhifəsinin 3-cü abzasından 87-ə kimi olan səhifələrində (rus.) tapmaq olar. Bu haqda vaxtaşırı olaraq əlavə göstərişlər də verilir. Məsələn, «Bizim Padşahlıq Xidmətimiz» vərəqəsinin 2008-ci il sentyabr sayının «Suallar qutusu»na baxa bilərsiniz. Vəziyyətlər müxtəlif olduğundan biz uzun-uzadı qaydalar vermək istəmirik. Buna görə də, ağsaqqalların və ya digərlərinin əlavə göstərişlər verməsi düzgün olmazdı.

Əgər sual yaranırsa və nəşrlərimizdə buna dair heç bir göstəriş yoxdursa, hər bir təbliğçi özündən soruşa bilər: mən həmin vaxtı xidmətə sərf etmişəm? Yoxsa, xidmətə aidiyyəti olmayan işlərlə də məşğul olmuşam? Hər ay verdiyimiz xidmət hesabatı bizə sevinc gətirməli və vicdanımızı narahat etməməlidir (Həv. iş. 23:1). Əlbəttə, ən vacibi hesabata nə qədər vaxt yazmağımız yox, xidmətdə səylə iştirak edərək vaxtımızdan səmərəli istifadə etməyimizdir (İbr. 6:11).