Rəhbərlik şurasının yeni üzvləri
ÇƏRŞƏNBƏ günü səhər, 2005-ci il avqustun 24-ü həyəcanlandırıcı xəbəri çatdırmaq üçün səhər ibadəti video vasitəsilə Bruklindən Birləşmiş Ştatlarda və Kanadada yerləşən bütün Bet-El komplekslərində birbaşa yayımlandı. 2005-ci il sentyabrın 1-dən e’tibarən Cefri U. Cekson və Entoni III Moris Yehovanın Şahidlərinin Rəhbərlik Şurasına yeni üzv tə’yin edildilər.
Cekson qardaş 1971-ci ilin fevral ayından Avstraliyanın ada ştatı Tasmaniyada pioner xidmətinə başlamışdı. 1974-cü ildə Canet (Cenni) ilə ailə qurandan az sonra onlar xüsusi pioner tə’yin edildilər. 1979-2003-cü illərdə onlar Sakit okeanın cənubunda yerləşən ada dövlətlərində — Tuvalu, Samoa və Ficidə missioner kimi xidmət etmişlər. Hələ burada xidmət edərkən Ceksonların Müqəddəs Kitab ədəbiyyatlarının tərcüməsində çox böyük köməklikləri olmuşdur. Cekson qardaş 1992-ci ildən Samoa, 1996-cı ildən isə Fici filialının Komitəsində xidmət etmişdir. 2003-cü ilin aprel ayından e’tibarən o, Cenni ilə birlikdə Birləşmiş Ştatların Bet-El ailəsinin üzvü oldu və Tərcüməçi qruplarına xidmət üzrə şö’bədə işləməyə başladı. Çox keçməmiş Cekson qardaş Rəhbərlik şurasının Tə’lim Komitəsində köməkçi tə’yin olundu.
Moris qardaş 1971-ci ildə Birləşmiş Ştatlarda pioner xidmətinə başlamışdı. Həmin ilin dekabrında o, Suzan adlı bacı ilə evləndi. İlk oğulları Cesi dünyaya gələnədək onlar təxminən dörd il ərzində pioner xidmətini davam etdirdilər. Bir müddətdən sonra onların ikinci oğulları Pol anadan oldu. Moris qardaş 1979-cu ildə daimi pioner xidmətini bərpa etdi. Uşaqları məktəbə gedəndə həyat yoldaşı da ona qoşuldu. Ailə daha çox ehtiyac olan yerlərdə — Birləşmiş Ştatların Şimali Karolina və Rod-Aylend ştatlarında xidmət etmişdi. Moris qardaş Şimali Karolinada rayon nəzarətçisinin müavini kimi xidmət etmiş, oğulları isə daimi pioner xidmətinə başlamışlar. Cesi və Pol 19 yaşları tamam olduqdan sonra Birləşmiş Ştatlardakı filialda xidmət etməyə də’vət aldılar. Həmin arada Moris qardaş səyyar xidmətə başladı. Sonra 2002-ci ildə onlar Suzan ilə birlikdə Bet-Elə də’vət olundular və avqustun 1-dən yeni tə’yinatlarında çalışmağa başladılar. Moris qardaş Patersonda Xidməti şö’bədə, sonra isə Rəhbərlik şurasının Xidməti Komitəsində köməkçi kimi işləmişdi.
Bu iki yeni üzv də daxil olmaqla Rəhbərlik şurasının üzvləri aşağıdakılardır: K. U. Barber, C. E. Barr, S. F. Herd, M. S. Lett, Q. Lyoş, T. Yaraç, Q. Pirs, A. D. Şreder, D. H. Spleyn və D. Sidlik. Rəhbərlik şurasının bütün üzvləri məsh olunmuş məsihçilərdir.