Əgər yığıncağınızın ərazisi böyükdürsə
1 İsa Məsih qədim İsrailin bütün geniş ərazisi boyu — Yəhudeyanın şəhərlərindən tutmuş Qalileyanın kəndlərinə kimi hər yerdə sə’ylə təbliğ edirdi (Mark 1:38, 39; Luka 23:5). Bu gün bizim də qarşımızda, bacardıqca daha çox sayda insanlara xoş xəbəri danışmaq tapşırığı durur (Mark 13:10). Lakin bunu etmək çətin ola bilər. Nəyə görə?
2 Belorusiyada və Rusiyada çox yığıncaqlar böyük ərazilərə malikdirlər. Əcnəbi dilli yığıncaqlar, o cümlədən jest dilində olan yığıncaqlar əhalisi çox olan şəhərlərdə təbliğ edirlər: öz dillərində danışan insanları axtarırlar. Bu cür böyük ərazidə yaşayan insanlara Yehova, İsa və Padşahlıq haqqında həqiqəti öyrənməkdə necə kömək edə bilərik?
3 Diqqətlə planlaşdırın. Yaxşı nəticələr əldə etmək üçün xidməti nəzarətçi və ərazilərə cavabdeh olan qardaş yığıncağın sə’yini müəyyənləşdirməlildir. Ehtimal ki, xidməti, təbliğçilərin əksəriyyətinin təbliğə bütün günlərini həsr edə biləcəkləri şənbələrdə planlaşdırmaq olar. Uzaq əraziyə yollanarkən, imkan daxilində adi günlərdə olduğundan daha çox xidmət etməyi planlaşdırın və özünüzlə nahar götürün. Əraziyə qədər olan yola vaxtınız olsun deyə daha tez görüşə bilərsiniz və ya xidmət üçün görüşü təbliğ edəcəyiniz əraziyə yaxın yerdə keçirə bilərsiniz. Kənd yerlərində təbliği ilin elə vaxtında təşkil edin ki, hava və yol şəraiti əlverişli olsun.
4 Əcnəbi dilli ərazilərdə xidmət edənlər, özləri ilə adların və ünvanların ən yeni siyahısını, həmçinin xəritə götürsələr qiymətli vaxtlarına qənaət edə bilərlər. Əraziləri elə təşkil edin ki, təbliğə gedən qrup həmin ərazidə olan bütün ünvanlara baş çəkə bilsinlər.
5 Özünüzlə mütləq kifayət sayda ədəbiyyat götürün. Əgər ərazi gec-gec işlənilirsə, evdə olmayan kəslərə traktat və ya jurnalın köhnə buraxılışını saxlamaq olar. Əgər sizin dilinizdə “Müqəddəs Kitab haqqında daha çox bilmək istəyərdinizmi?” traktatı varsa, onu evdə tapdığınız hər bir kəsə təklif edin, heç kəs olmayan evlərdə də bir nüsxə saxlayın.
6 Əməkdaşlıq vacibdir. Böyük ərazidə xidmət etmək, yığıncağın bütün təbliğçilərindən birgə sə’y tələb edir. Əgər çox vaxt maşından istifadə etmək lazım gəlirsə, onda maşından birlikdə istifadə edənlər yanacağın xərcini aralarında bölüşə bilərlər. Danışmağa hazır olan insanlarla qarşılaşanda düşüncəli tərzdə davranın. Həmişə xatırlayın ki, ərazidə yaşayan bütün insanlara baş çəkmək lazımdır.
7 İnsanların göstərdiyi hər-hansı bir marağı inkişaf etdirmək üçün qəti tədbirlər görün. Ünvandan əlavə, maraqlanan adamın telefon nömrəsini də öyrənin ki, sonra da söhbət etmək üçün onunla əlaqə saxlaya biləsiniz. Kənd küçələrinin adları və evlərin nömrələri yoxdursa, yaxşı plan çəkin və ya ərazinin təsvirini qeyd edin ki, təkrar başçəkmə zamanı, maraqlanan insanı tapa biləsiniz.
8 İsanın — “hansı şəhərə, ya kəndə girsəniz orada ləyaqətli kimdirsə axtarın” tapşırığını yerinə yetirmək necə də şərəfdir! (Mat. 10:11). Bu cür mükafatlandırıcı işə özünüzü hazırlıqla həsr edirsinizsə, Yehova, şübhəsiz ki, sə’ylərinizə xeyir-dua verəcək!