Sahə götürməyin hansı faydası var?
1. Sahə götürmək nə üçün vacibdir?
1 Kifayət qədər sahəsi olan yığıncaqda xidmət edirsənsə, çox ehtimal ki, evinin yaxınlığında sahə götürmək istəyəcəksən. «Təşkil olunmuşuq» kitabının 103-cü səhifəsində (rus.) qeyd olunur: «Əgər sahən gedib-gəlmək asan olan bir yerdə olarsa, təbliğ üçün vaxtdan səmərəli istifadə edə biləcək, həmçinin başqa təbliğçiləri də öz sahənə dəvət edə biləcəksən».
2. Sahə təbliğində iştirak etməklə qrup şəklində şahidliyi necə dəstəkləyə bilərik?
2 Qrup şəklində şahidliyi dəstəklə. Əgər sahən iş yerinə yaxın olarsa, onda nahar fasiləsində və ya işdən sonra yaxınlıqda işləyən bir təbliğçi ilə əməkdaşlıq edə bilərsən. Əgər sahən evinə yaxın ərazidə yerləşirsə, bu zaman sənə və ailə üzvlərinə axşamçağı təbliğə çıxmaq asan olacaq. İşdir təbliğ üçün görüş olmayan bir vaxt xidmətə çıxırsansa, təbliğə başlamamışdan əvvəl Yehovadan rəhbərlik almaq üçün dua et (Filip. 4:6). Sahəndə xidmət etməklə qrupla birgə əməkdaşlıq etmək arasında tarazlığı qoru. Əsas etibarilə həftəsonları keçirilən təbliğ üçün görüşlərdə iştirak etmək vacibdir.
3. Şəxsi sahənin olmasının hansı faydaları var?
3 Faydaları. Əgər sahən varsa, qrafikin yol verəndə xidmət etməyə yerin olacaq. Beləcə sən daha çox xidmət edəcək, yola isə az vaxt sərf edəcəksən. Bu, bəzilərinə köməkçi və daimi pioner kimi xidmət etməyə imkan yaradır. Yaxınlıqdakı ərazidə maraq göstərən ev sahibinə yenidən baş çəkmək və Müqəddəs Kitab öyrənməsi başlamaq asan olacaq. Xüsusilə əvvəllər işlənmiş sahədə xidmət edən təbliğçi ev sahibi ilə tanış olur və onların etibarını qazanır, bunun sayəsində digərləri maraq göstərə bilər. Sən və ailə üzvlərin sahə xidmətində iştirak edərək xidməti tam yerinə yetirirsinizmi? (2 Tim. 4:5).