Məsihçi xidməti — birinci dərəcəli işimizdir
1 Bizim hər birimizin müxtəlif vəzifələri var. Məsələn, Allahın tələblərindən biri odur ki, biz ailə üzvlərimizin qeydinə qalaq (1 Tim. 5:8). Lakin bu kimi vəzifələri yerinə yetirmək, bizim üçün Padşahlıq haqqında təbliğ etməkdən və şagirdlər hazırlamaqdan daha vacib olmalı deyil (Mat. 24:14; 28:19, 20).
2 İsa, ‘əvvəlcə Padşahlığı axtarmaqda’ bizə nümunə qoymuşdur (Mat. 6:33, İ–93; 1 Pet. 2:21). Demək olar ki, əmlakının olmamasına baxmayaraq, o, diqqətini Atasının iradəsini yerinə yetirməyə yönəltmişdir (Luka 4:43; 9:58; Yəh. 4:34). İsa hər bir imkandan istifadə edərək şahidlik etməyə çalışırdı (Luka 23:43; 1 Tim. 6:13). O, şagirdlərini təşviq edirdi ki, özü kimi, onlar da məhsul yığımında fəal iştirak etsinlər (Mat. 9:37, 38).
3 İsanı təqlid edirik. Əgər sadə, məsihçi xidmətinə mərkəzləşdirilmiş həyat sürməyə çalışırıqsa, İsanı təqlid etmiş oluruq. Əgər həyat üçün zəruri olan şeylərə malikiksə, gəlin Müqəddəs Kitabın “özünüzə xəzinələr yığmayın” nəsihətinə riayət edək (Mat. 6:19, 20; 1 Tim. 6:8). Təbliğ xidmətində iştirakımızı artırmağa sə’y göstərmək necə də yaxşı işdir! Gəlin İsa kimi, çətin vəziyyətlərdə həyatın qayğılarının birinci dərəcəli işimizə — Padşahlıq haqqında təbliğ etməyimizə mane olmasına yol verməyək (Luka 8:14; 9:59-62).
4 Hətta çoxlu məs’uliyyətləri olanlar belə, təbliğ xidmətini birinci dərəcəli iş sayırlar. Böyük ailəsi, məs’uliyyətli işi olan, hələ üstəlik məsihçi yığıncağında ağsaqqal kimi xidmət edən bir qardaş deyir: “Xidmət etmək mənim ən vacib işimdir”. Pioner bir bacı belə deyir: “Pioner xidməti, uğurlu dünyəvi karyeradan daha dəyərlidir”.
5 Şəraitimizdən asılı olmayaraq, gəlin İsanın nümunəsini təqlid edək. Necə? Məsihçi xidmətini birinci dərəcəli işimiz saymaqla.